> mes’e argiolas « 2010 « ilMinuto – notizie Mediterranee – edizione Sardegna

Archìviu de mes'e argiolas 2010

(Italiano) Il viaggio controcorrente di Nicola Piovani nell’Italia berlusconiana. "Se ciò che non passa in televisione non esiste, io sono felice di non esistere col mio pubblico"

Segundhu: tríllias cun agliàda

UN’ANNU FAIT. Tàtari: protesta de is militantis de A Manca po dimandai sa libberazioni de Bellomonte

(IlMinuto) – Casteddu, 28 de su mes”e argiolas – Custu mangianu duus dirigentis de A Manca pro s’Indipendentzia si funt incadenaus a una ventana de su palazu de sa Provìnzia de Tàtari e ant postu unu striscioni cun iscritu “Bruno Liberu”. Is motivus de s’azioni de A Manca, fatta po protestai contra a s’arrestu de su dirigenti nazionali de su movimentu Bruno Bellomonte, funti stetius acraraus a sa Presidenti de sa Provìnzia de Tàtari Alessandra Giudici. “De su 10 de su mes”e làmpadas – si podit ligiri in d’una nota – su Stadu italianu at secuestrau su dirigenti de su movimentu nostru, Bruno Bellomonte, e a pustis de is primus diris, s’imprenta italiana e “sadra” (n.d.r.: no est custu cussu chi at fattu IlMinuto) at fattu calai una mudesa meda grai asuba de sa cosa, no pighendi in cusidériu is numerosas protestas, is comunicaus, is cuferénzias de imprenta e is àteras cosas fattas in solidariedadi a Bruno”. In praza d’Itàlia àterus militantis ant donau bolantinus po ispiegai a totus su sensu de s’azioni.

Istudiu. Acórdiu tra is facoltadis de Architetura de Casteddu e Fuzhou

(IlMinuto) – Casteddu, 30 de su mes”e argiòlas – Sa ricerca sadra castiat a Orienti. In is diris passadas esti stetiu difatis firmau in sa sedi casteddaia de bia Santa Croce un’acórdiu tra sa Facoltadi de Architetura de Casteddu e su College of Civil Engineering de Fuzhou, in Cina. Ogetu de su patu est una amigànzia fatta po sa ricerca e sa didàtica.
“S’acórdiu – si ligit in su situ de s’Ufíciu de imprenta de s’Ateneu casteddaiu – rapresentat unu passu importanti po sa facoltadi de Architetura, chi arrenescit sémpiri de prus a stríngiri raportus de interessu mannu cun d’unu mundu chi tenit una tradizioni culturali stremenada e chi oi est tra is primus de su mundu in is matérias ténnicas, scientíficas e economicas”.
In su Sud Est de sa Cina, Sa Fuzhou University est una de is prus importantis universidadis de sa Repúbbrica Popolari in su cumpartu de is fàbbricus, cun d’una leadership importanti in sa progetazioni de pontis.

Vinyls. 156 diris in s’Ísula de is cassintegraus "Su Guvernu de su FORSIS si preocupat scéti de privacy e intercetazionis"

(IlMinuto) – Casteddu, 30 de su mes”e argiòlas – “Su Guvernu de su FORSIS”. Aici is traballantis Vinyls, chi de 156 diris ocupant s’ex presoni de S’Asinàra, ant torrau a batiai a sa scuadra de Berlusconi.
“Berlusconi – afirmant is operàjus in su blog de s’Ísula de is cassintegraus – annunciat ca aintr”e cida, FORSIS, at a fai su nòmini de su ministru nou a s’isvilutu economicu, postu chi est abarrau baganti a pustis de is dimissionis de Scajola po acuntéssias de afitu”.
Su dúbbiu de is traballantis de sa chímica sighit a esistiri, nonostanti sa presentada de su bandu nou de bendida internazionali, chi s’est tenta ariseru in Roma in sa sedi de su Ministeru de s’”Sviluppo economico”. Sa pubblicazioni de s’abisu púbblicu s’at a depi tenni intru sa primu cida de su mes”e austu.
“FORSIS – scrirint is traballantis Vinyls – tra calencunu mesi at essi totu agiustau, chini ddu scit est bravu, a sa fini est prus importanti aprovai una lei asuba de is intercetazionis (…)”.
“Custu – concluint – est su guvernu de su FORSIS, senz”e castiai a is arrisurtaus ammostaus de borta in borta de is tg de sa ditadura, s’única certesa de s’istadi est s’abronzadura de is parlamentaris nostrus”.