Concertus: Is "Fleurs du Mal" in tour in Sardigna de s’8 a su 21 de su mes”e austu

(IlMinuto) – Casteddu – 28 de su mes”e argiòlas – Puru ocannu, is “Fleurs du mal”, istorica band romana rock-blues nàscia in su 1984, at a torrai in Sardigna.
Su tour in s’Ísula, chi at a cumenzai de Porto Corallo s’8 de su mes”e austu e at a finiri su 21 de su mes”e austu in Sèneche, po su Festival Blues “Musica Senza Confine”, at essi de dexi frimadas, chi ant a biri sa band impignada in diversus palcus de sa Sardigna.
No scéti Porto Corallo e Sèneche, is “Fleurs du Mal” ant a difatis sonai in Casteddu, in S’Alighera, Nùgoro, Thiniscòle, Janùi, Lungone e in Sa Madalèna. Sa band at a proponiri is canzonis de su cd prus giòvanu “Lost & Found” (2008-Blond Records), acanta a àteras de is discus prus bécius e a calincunu pezu nou.