(IlMinuto) – Casteddu, 22 de su mes”e argiòlas – “Un minuto che vale una vita”: est custu su slogan de sa campagna po cumbàtiri s’arriscu de aneurisma a s’aorta de sa brenti promòvia de sa Sicve.
De oi a su 24 de su mes”e argiòlas in s’ambulatóriu de Crabonaxa s’ant a podi fai is esàminus a gratis: is citadinus chi arriscant (mascus tra is 65 a is 80 annus) ant essi imbidaus a fai a gratis un’ecodoppler po individuai su mali.
Su “Distretto Socio-Sanitario del Sarrabus-Gerrei” at donau is aposentus de s’ambulatóriu de Crabonaxa, in bia Regina Elena 10.
“Is citadinus chi funt interessaus – si ligit in d’una nota de s’ufíciu de imprenta de sa Asl de Casteddu – funt arricendi a domu una lítera de imbidu po si presentai a fai un’esàminu chi no fait mali e si fait alléstru, a gratis e permitit de sciri debressi chi ddoi est s’arriscu de aneurisma, aprontendi sa cura primu de su mali. Candu s’aneurisma s’arrogat, difatis, su perígulu de morti est de s’80-90 po centu”.
0 Arrespustas a “"Un minuto che vale una vita": in Crabonaxa bisitas a gratis po no arriscai s’aneurisma”