> mes’e austu « 2010 « ilMinuto – notizie Mediterranee – edizione Sardegna

Archìviu de mes'e austu 2010

Arrebustu: Saba de figutzíndia

Sighi a ligi ‘Arrebustu: Saba de figutzíndia’

Usb Sardegna: “Trenitalia depit torrai a pigai a Bruno Bellomonte”. Manifestada de aMpI a Roma po s’obertura de su processu

16 settembre(IlMinuto) – Casteddu, 31 de su mes”e austu – Trenitalia depit torrai a pigai a Bruno Bellomonte, lissentziau in manera ingiusta su 10 de su mes”e maju passau. Est cantu narat cun d’una nota de imprenta su sindacau de basi Usb Sardigna.
“Trenitalia – acrat s’organizatzioni sindacali – at decídiu de ddu lissentziai po s’ausentzia meda longa de su traballu, ausentzia determinada ‘scéti de responsabbilidadis chi funt de cuss”e totu’. Aprofitendi de su statu de debbilesa suu dd’at lissentziau mandendiddi una lítera in su presoni de Sianu, nonostanti no siat mai stetiu cundennau, difatis est scéti in abetu de giudítziu”. “Comenti sèmpiri acontessit in custas ocasionis – precisat Usb – s’imputau iat a depi essi suspendiu de su serbítziu, e no lissentziau. Addolumannu, ancora una borta, Trenitalia (castia s’acuntéssia de Dante De Angelis) si scarescit ca biveus in d’unu stadu de diritu e ca nesciunu podit essi cundennau prima de su processu”. Sighi a ligi ‘Usb Sardegna: “Trenitalia depit torrai a pigai a Bruno Bellomonte”. Manifestada de aMpI a Roma po s’obertura de su processu’

Istrutzioni: in Sardigna 1.707 postus de traballu de mancu in su 2010/2011. Is precarius de Aristanis: “Sa resisténtzia depit partiri de is iscolas”

coordinamento precari (IlMinuto) – Casteddu, 31 de su mes”e austu – “Su lissenziamentu de grupu prus mannu de s’istoria de sa Repúbbrica Italiana” andat ainnantis. In s’annu chi benit, scéti in Sardigna ant essi difatis 1.707, 1.037 maistus e 670 “Ata”, is traballantis bogaus de s’iscola púbblica gratzias a sa lei 133 de su 2008. Ddu denunciat cun d’una nota su “Coordinamento precari della Scuola di Oristano”. “S’irminorigamentu de is traballantis – si ligit in su documentu – benit fattu atressu de s’aumentu de is scientis po classi, s’irminorigamentu de su tempus aintru de s’iscola, s’abbolitzioni de is concomitantzias in s’iscola elementari e de is oras a disposta in is iscolas medias, sa fusioni de is classis de cuncursu, sa serradura de is iscolas in is comunus prus piticus, s’ai postu a sa marolla su maistu únicu, s’irminorigamentu de is oras de sostegnu e sa raiadura de medas matérias in is iscolas superioris”.
Sighi a ligi ‘Istrutzioni: in Sardigna 1.707 postus de traballu de mancu in su 2010/2011. Is precarius de Aristanis: “Sa resisténtzia depit partiri de is iscolas”’

Candu sa lota si fait giogu. Sa proposta de assótzius e movimentus po salvai is ficus de pratza Garibaldi

piazza garibaldi cagliari(IlMinuto) – Casteddu, 31 de su mes”e austu – Sighit sa batalla de movimentus e assótzius po salvai is matas de pratza Garibaldi, in Casteddu. Cras a merì a is 19.00 su “Comitato cittadino per la Tutela di piazza Garibaldi”, “Italia Nostra”, “Legambiente” e su “Cagliari Social Forum” ant a donai vida a un’originali mobilitada: sa protesta s’at a fai giogu. Sighi a ligi ‘Candu sa lota si fait giogu. Sa proposta de assótzius e movimentus po salvai is ficus de pratza Garibaldi’

Ctm. Zuncheddu (Rossomori) e Zedda (Sel): “Trasportus a gratis o a prétziu políticu po istudiantis e is catogorias prus débbilis”

zuncheddu zedda(IlMinuto) – Casteddu, 31 de su mes”e austu – Sa chistioni de s’aumentu de is prétzius de is billetus de su Ctm intrat in su Consillu comunali de Casteddu. Cun un’interrogatzioni a su síndhigu Emilio Floris, is consilleris Claudia Zuncheddu (Rossomori) e Massimo Zedda (Sel) dimandant “a s’amministratzioni comunali e a is rapresentantis chi funt aintru de su Ctm de si fai promotoris de solutzionis ténnicas po s’abbatimentu de su prétziu de su billetu e de is abbonamentus”. Zuncheddu e Zedda proponint de fai “fàscias orarias urbanas a gratis o a prétziu políticu po is istudiantis e po is categorias prus débbilis economicamenti, est a nai disimperaus, precarius, pensionaus, invalidus”.

Sighi a ligi ‘Ctm. Zuncheddu (Rossomori) e Zedda (Sel): “Trasportus a gratis o a prétziu políticu po istudiantis e is catogorias prus débbilis”’