> 2010 mes’e cabudanni | ilMinuto

Archìviu de mes'e cabudanni 2010

Scriri ‘Savoia zenia de porcos’ no est cosa de cundennai. Su Tribbunali de Casteddu declarat innocenti a Cumpostu. Su leader indipendentista: ‘Ingestu políticu’

savoia(IlMinuto) – Casteddu, 30 de su mes”e cabudanni – “Su giugi at scipiu lígiri cu atentzioni is fattus cumprendendi ca s’atzioni nostra furiat strintamenti política”. Cun custus fueddus su leader de Sardigna Natzione Indipendentzia, Bustianu Cumpostu, at cummentau sa senténtzia de su Tribbunali ordinàriu de Casteddu chi custu mangianu dd’at assólviu “po s’ispeciali lebiesa de su fattu”. Cumpostu iat difatis presentau recursu contra a su decretu penali chi dd’iat cundennau a 10 diris de presoni o a su pagamentu de 400 eurus po ai scritu, in su 2006, “Savoia zenia de porcos” in su basamentu de sa statuade Carlo Felice in pratza Jenne, in Casteddu. Un’atzioni política in arrespusta a is frasis aggraviadoras pronuntziadas s’annu primu de Vittorio Emanuele de Savoia in is cunfrontus de is sardus (“funt cabras”, “pudescint e basta”).
Cun s’agiudu de unu trasladori, Bustianu Cumpostu – difendiu de s’abogau Pier Gavino Paolini – at presentau is próprius arrexonis in sardu.”In cussu momentu – at acrarau Cumpostu a su giugi po s’udiéntzia preliminari Altieri – eus interpretau su disdeni de totu su pópulu sardu contra a is fueddus de Vittorio Emanuele de Savoia”. Sighi a ligi ‘Scriri ‘Savoia zenia de porcos’ no est cosa de cundennai. Su Tribbunali de Casteddu declarat innocenti a Cumpostu. Su leader indipendentista: ‘Ingestu políticu’’

‘Cabai is manus de sa IV E’. Is istudiantis de su Pitagora narant no a sa Gelmini

(IlMinuto) – Casteddu, 30 de su mes”e cabudanni – Sa lota contra a is tàglius intrada de sa riforma Gelmini interessat puru Isili. Ariseru a mangianu is istudiantis de su liceu Pitagora no funt intraus a sa primu ora de letzioni po nai no sa bocidura de sa IV E.
“Po mori de is tàglius a s’istrutzioni – acrarant is piciocus – una cuarta de 18 scientis esti stetia bocia, comentesisiat de fatu su grupu classi no est sparessiu, ansis est beni presenti e beru. Seus cichendi una solutzioni diversa po evitai chi custu sparessit po sèmpiri e ca is 18 scientis suus bengant divídius in àteras 2 classis, agatendusì a formai aici duas cuartas cun prus de 30 scientis cun cusseguéntzias meda malas in totu: didàticas, ambientalis, de sa seguresa e igiénicas”. Sighi a ligi ‘‘Cabai is manus de sa IV E’. Is istudiantis de su Pitagora narant no a sa Gelmini’

(Italiano) Documento: mozione approvata dall’assemblea ‘Salviamo l’Università’ (29 settembre 2010, Cagliari)

Movimento pastori sardi a Cappellacci: “Nemus aprofetat de sa fidi nostra”. Cras assembrea in Portu Turre

porto torres floris (IlMinuto) – Casteddu, 30 de su mes”e cabudanni – Sighit senz”e pàsiu s’atividadi de Mps. Su Movimentu guidau de Felice Floris, chi cras s’at a reuniri in assembrea in Pòrtu Turre, fait una pregunta noa de atóbiu a su presidenti de sa Giunta Regionali, Ugo Cappellacci, po tenni “novas precisas asuba de is arrisurtaus de is cosas promitias de su presidenti Cappellacci e de su Consillu regionali po afrontai sa crisi grai de sa pastoria sarda”. “Nos cunfidaus – narat Felice Floris – in sa dispobibbilidadi de su presidenti Cappellacci e de sa Giunta sua, ma no podeus abasciai sa guàrdia e eus a sighiri sa mobilitada nostra po podi controllai sèmpiri cussu chi fait su Guvernu regionali e is arrisurtaus chi ndi bessint. Seus diaderus a stancus e no iaus a bolli arribbai a manifestadas ancora prus fortis de cussas aprontadas in s’istadi”. Sighi a ligi ‘Movimento pastori sardi a Cappellacci: “Nemus aprofetat de sa fidi nostra”. Cras assembrea in Portu Turre’

Appuntamenti: a Gonnoscodina la VI edizione della ‘Sagra de sa fregua’

gonnoscodina sagra della fregola(IlMinuto) – Casteddu, 30 de su mes”e cabudanni – Torrat de s’8 a su 10 de su mes”e ledàminis, sa ‘Sagra de sa fregua’ de Gonnoscodina. S’eventu – arribbau a sa sesta editzioni – tenit s’obbietivu de fai connosci e apretziai unu prodotu sardu amau fintzas de s’antighidadi. S’istoricu romanu Velleio Patercolo (19 a.C. – 31 d.C.) fueddat difatis de sa fegua in is crònacas de unu viàgiu de Tiberio Manlio in su Campidanu de Aristanis. In cust’ocasioni, su cónsulu iat apressiau “no scéti sa petza de su logu, puru unu brodu de brebei cun sa símbua abbotzichedhàda impastada cun is manus e fatta sicai a su sobi”. Sighi a ligi ‘Appuntamenti: a Gonnoscodina la VI edizione della ‘Sagra de sa fregua’’