(IlMinuto) – Casteddu, 2 de su mes”e cabudanni – “S’aici nada ‘Contienda intradas’ tra Regioni Sardigna e Guvernu Italianu no est scéti unu cufrontu istitutzionali, ma unu cumbatimentu beru asuba ‘e su pianu de sa soverania, tra una sociedadi, su pópulu sardu, e unu stadu chi no ddi reconoscit nemmancu su diritu a tenni is is próprias risorsas economicas”. Est cantu narat cun d’una nota su cordinadori natzionali de Sardigna Natzione Indipendentzia Bustianu Cumpostu. Su leader indipendentista dimandat a is consilleris regionalis de arribbai a una positzioni única asuba de sa contienda.
“Sni – scririt Cumpostu – imbidat a totus is consilleris regionalis a agatai una positzioni única, chi puru pighendu indicu de sa proposta presentada de su centrusinistra, arribit a sa scridura de unu documentu únicu aundi s’acórdiu tengat prus pesu de is síngulus”.
Archíviu de sa diri 2/09/2010
(IlMinuto) – Casteddu, 2 de su mes”e cabudanni – “Is aumentus de is prétzius de su Ctm Catessu, de s’Atp Nùgoro e de s’Aspo Terranòa ant a serbiri a fai pagai a sa genti su rennovu de su parcu autobus, unu rennou chi cunsistit in sa còmpora de 282 pullman de tipu urbanu de destinai a is aziendhas púbblicas de trasportu urbanu. Custu no si podit pentzai”. Est cantu afirmat in d’una nota su sindacalista de s’Rdb/Usb Federico Carboni. “Aprofitendi de is férias de s’istadi sa Giunta Cappellacci – afirmat Carboni – fait un’arregalu a is sardus ponendi is manus in busciaca a precarius, disimperaus, pensionaus, féminas chi faint su doveri ‘e domu, istudiantis, traballadoris, disterraus e totus cantus viagiant cun is metzus púbblicus, aprovendi cun delíbbera de su 3 de su mes”e austu totu una fibera de aumentus po is trasportus de sa citadi e po cussus regionalis”. S’Usb proponit duncas sa lamada de un’atóbiu cun sa preséntzia de is istitutzionis e de is rapresentàntzias socialis po “agatai una curretzioni a is aumentus abbastàntzia disunestus”.
(IlMinuto) – Casteddu, 2 de su mes”e cabudanni – Si furriant Cgil, Cisl e Uil. A pagu mesis de sa firma de s’acórdiu de su 4 de su mes”e làmpadas cun sa Giunta regionali, is sindacaus confederalis annuntziant una mobilitada meda manna po su mesi de cabudanni, cun s’obbietivu, narant, de “otèniri debressi arrisurtaus berus in sa política regionali poita, fintzas a immoi, is arrespustas no funt arribbadas”.
S’acórdiu – si ligit in d’una nota sindacali – no esti stetiu mantenniu, sa Regioni no at fattu nudda po cuntrastai is efetus de sa crisi economica e sociali.
“Sa política de passixeddus no andat beni – at nau su segretàriu regionali Cgil Enzo Costa – e addolumannu cussus chi custa Giunta at fattu funt scéti passus agoa: dógnia diri assisteus a sa perdida de postus de traballu, a sa passada de milli e prus de milli traballantis de sa produtividadi a is ammortitzadoris socialis”.
(IlMinuto) – Casteddu, 2 de su mes”e cabudanni – “Sa Provìntzia de Casteddu at fattu sa parti sua” po difèndiri s’iscola púbblica de is tàglius bófius a sa marolla de Guvernu natzionali. Nd’est cumbintu Andrea Dettori, cumponenti de su “Comitato precari della Scuola Cagliari” e de pagu Consilleri provintziali, esti stetius difatis elígiu cun “Sinistra Ecologia e Libertà”. Sighi a ligi ‘Scuola. La Provincia di Cagliari dice no alla Gelmini. Andrea Dettori (Sel): “Vogliamo la revoca immediata dei tagli”’
(IlMinuto) – Casteddu, 2 de su mes”e cabudanni – Su presoni nou in faàbbricu in s’area industriali de Casteddu in Camp’e Luas, in su territoriu de Uda, no est legali. Ddu denunciat cun d’una nota sa presidenti de s’Assótziu “Socialismo Diritti e Riforme”, Maria Grazia Caligaris. Sa rapresentanti socialista denunciat difatis sa preséntzia de duas disgàrrigas acanta de su presoni nou.
(IlMinuto) – Casteddu, 2 de su mes”e cabudanni – Diri arrica de emotzionis su 29 de su mes”e austu in Baradìle. Sa biddixedda de sa Marmidda at difatis aghilliu s’ispetàculu Mechanic World e, comenti si ligit in d’una nota de imprenta – “is luxis coloridas, is performance atrativas ant creau unu mundu màgicu”. Cun Mechanic World Baradìle est diventau unu palcu mannu, chi at aghilliu is melodias de is istrumentus a arcu traditzionalis Sighi a ligi ‘“Marmilla Mille Emozioni”: cun Mechanic World Baradìle si trasformat in bidda-palcu’
Social
