Usb Sardegna: “Trenitalia depit torrai a pigai a Bruno Bellomonte”. Manifestada de aMpI in Roma po s’obertura de su processu.
(IlMinuto) – Casteddu, 31 de su mes”e austu – Trenitalia depit torrai a pigai a Bruno Bellomonte, lissentziau in manera ingiusta su 10 de su mes”e maju passau. Est cantu narat cun d’una nota de imprenta su sindacau de basi Usb Sardigna. “Trenitalia – acrat s’organizatzioni sindacali – at decídiu de ddu lissentziai po s’ausentzia meda longa de su traballu, ausentzia determinada ‘scéti de responsabbilidadis chi funt de cuss”e totu’. (…)
“Contienda intradas”. Cumpostu (Sni): “Unidadi de is sardus po difèndiri sa mudífica de su Statutu. Modificai pagamentas carburanti: 5 milliardus de eurus in giogu”.
(IlMinuto) – Casteddu, 2 de su mes”e cabudanni – “S’aici nada ‘Contienda intradas’ tra Regioni Sardigna e Guvernu Italianu no est scéti unu cufrontu istitutzionali, ma unu cumbatimentu beru asuba ‘e su pianu de sa soverania, tra una sociedadi, su pópulu sardu, e unu stadu chi no ddi reconoscit nemmancu su diritu a tenni is is próprias risorsas economicas”. (…)
Pinedu de Santa Lucia: su Cumitau fait recursu a su Tar contra a su Puc de Thiniscòle
(IlMinuto) – Casteddu, 3 de su mes”e cabudanni – Sighit sa batalla de su “Comitato Salviamo Santa Lucia” contra a s’isperdíssiu de su pinedu chi s’agat in su litorali de Thiniscòle. Calencuna cida fait, duas ativistas de su Cumitau in sa fratzioni de Santa Lucia, ant difatis presentau recursu a su Tribbunali amministrativu regionali contra a su Puc de Thiniscòle. (…)
Sighi a ligi ‘Is prus lígias in língua sadra de cida passada’
(IlMinuto) – Casteddu, 6 de su mes”e cabudanni – Puru s’Universidadi sarda narat no a is aumentus de is traportus púbblicus. Cun d’una lítera a su presidenti de sa Regioni Ugo Cappellacci, is retoris de is ateneus de Casteddu, Giovanni Melis, e de Tàtari, Attilio Mastino, denunciant “s’aumentu mannu de su costu asuba de is pabas de is istudiantis”. S’aumentu de is prétzius – si ligit in d’una nota pubblicada in su giassu de s’Universidadi de Casteddu – at a fai dannu a is istudiantis “giai addanniaus de is límitis de is istruturas regionalis de ospidàgiu e de is cunditzionis de is istruturas de is ferruvias”.
Sighi a ligi ‘Università. Melis e Mastino scrivono a Cappellacci: “Aumenti biglietti penalizzano studenti. Necessaria green card”’
(IlMinuto) – Casteddu, 6 de su mes”e cabudanni – “Io ti aspetto” est su romanzu de Luca Castellitto chi contat s’aventura de Natasha, pipia bielorussa, arribbada in Casteddu a s’edadi de 6 annus gratzias a is viàgius de sa saludi “pipius de Chernoby” e, immoi manna, sarda de afillamentu. Po sa genti de su logu est sa filla de Annalisa Dessalvi, sa primu fémina bagadia e italiana a ai otentu is cuncessionis po adotai una pitichedda furestera.
Sighi a ligi ‘“Io ti aspetto”. In su líbburu de Castellitto s’istoria de Natasha e Annalisa Dessalvi. Cras sa presentada in Casteddu’
(IlMinuto) – Casteddu, 6 de su mes”e cabudanni – “Protestai contra a is tàglius a su personali de s’iscola (maistus e Ata), su rennovu de s’acórdiu Baire-Gelmini, contra a is dannus meda grais fattus de custa política natzionali e contra su sganimentu de cussa regionali, totus cosas chi sighint a fai mali a s’iscola púbblica statali sarda”. Funt custus mutivus chi ant spintu su Cordinamentu precarius de s’Iscola de Casteddu a aprontai po cras a mangianu a is 10.00 unu presídiu asuta de su Palatzu regionali de bia Roma. Sighi a ligi ‘Tagli alla scuola sarda: domani presidio del Coordinamento precari Cagliari di fronte al Consiglio regionale’
(IlMinuto) – Casteddu, 6 de su mes”e cabudanni – “Sa càusa bera de s’aumentu de is prétzius de is trasportus urbanus e extraurbanus est in su tàgliu de is trasferimentus a is aziendhas”. Est cantu afirmat cun d’una nota su segretàriu regionali de sa Filt Cgil Sandro Bianco, denunciendi tàglius po millionis de eurus. Sa manuvra de assestu regionali 2010 – acrarat Bianco – at difatis istabbiliu tàglius de 16 millionis de eurus a s’assessorau regionali de is “Trasporti”. “Cun is aumentus de oi – acrarat su sindacalista – si funt portaus ainnantis cun su traballu po cicai de preni, asuba de is pabas de is citadinus, cantu liau de sa finantziaria a is entis de su territoriu po is annus 2011-2012″.
Segundu sa Cgil, in totu su territoriu natzionali, funt difatis previdius tàglius po 2.500 millionis de eurus a is aziendhas de su trasportu púbblicu.
“S’aumentu de is prétzius – arregordat Bianco – at provocau is reatzionis giustas de is istudiantis, de is assótzius de is consumadoris, de is sindacaus. Su cuadru po su tempus benidori – concluit – est simpli e meda malu po is citadinus e is traballadoris. Ant a amenguai is chilómitrus fattus dógn’annu e, po custu, ant essi imminoricaus is serbítzius e is incarrigaus”. In su trastempus su grupu Facebook contra a is aumentus de is billetus de su Ctm e de s’Arst at arregortu casi 19milla iscritus e cufirmat is manifestadas previdias po cras.
Sighi a ligi ‘Ctm e Arst. Bianco (Cgil): “Custas is beras càusas de is aumentus”. In Facebook 19milla contra a sa “carestia-billetus”. Manifestada in Casteddu e Aristanis’
(IlMinuto) – Casteddu, 6 de su mes”e cabudanni – Is Stranos Elementos de Pòrtu Turre, is Limbudos de Nùgoro, is Skanking Caos de Ossi e is Tzoku (ex Kenze Neke) de Thiniscòle. Ant essi custus is protagonistas de “Artistas sardos pro sa libertade”, su concertu aprontau de A Manca pro s’Indipendentzia e de s’assótziu culturali A Ziru. Sa kermesse musicali s’at a tenni cenàbara 10 de su mes”e cabudanni in su parcu de “San Gregorio”, in Sobarussa, e at essi precedia a is 18.00 de unu dibbàtidu asuba de su processu a Bruno Bellomonte “indipendentista presoneri cun – arremaciat sèmpiri aMpI – acusas chi no tenit ne conca ne peis”.
Sighi a ligi ‘“Artistas sardos pro sa libertade”: in Sobarussa concertu e dibbatidu asuba de su processu a Bruno Bellomonte’
(IlMinuto) – Casteddu, 6 de su mes”e cabudanni – Apuntamentu cun is immàginis in su Centru Comunali d’Arti e Cultura “Castello San Michele”.
Sàbudu 11 de su mes”e cabudanni at essi inaugurau “Laboratorio 2010″, sa mostra didàtica de sa Man Ray Photo School curada de Stefano Grassi e Pamela Sau. Ant essi aparaus is traballus de is scientis de su cursu 2009-2010. Diversus – comenti si ligit in d’una nota – is temas trataus: “de su ritratu, ocannu po su prus femininu, a su paisàgiu in totus is facis chi ddu pertocant: naturalisticu, astratu, simbòlicu e de arregodu”. Sighendi s’arrasta de su tema Western, sa mostra at a presentai puru su traballu de grupu aundi “cuaddus e cowboy funt domaus de is màchinas fotogràficas e de unu traballu de scuadra, gratzias puru a s’atenta regia de Stefano Grassi”.
Sighi a ligi ‘Mostras: sa Man Ray Photo School inaugurat su “Laboratorio 2010″. “Cavalli e cowboy domati dalla macchine fotografiche”’
Usb Sardegna: “Trenitalia depit torrai a pigai a Bruno Bellomonte”. Manifestada de aMpI in Roma po s’obertura de su processu.
