(IlMinuto) – Casteddu, 14 de su mes”e cabudanni – “Is cosas no andant beni: s’atóbiu est buddiu, narant ca sa De Minimis no si possat fai”. Custu s’últimu scritu de s’últimu messagiu pubblicau a is 14.15 in sa pàgina Twitter de su “Movimento dei Pastori Sardi”. In su 2010 sa crònaca de s’atóbiu tra Giunta e allevadoris andat in direta in su social network. Custu mangianu is maglietas blu de su Movimentu guidau de Felice Floris ant atravessau is bias de su centru de Casteddu, de sa Fiera fintzas a bia Roma, a fac”e su Consillu regionali. Unu corteu de prus de 5milla personis obertu de 30 óminis a cuaddu e de duus mobentis ammantaus de duus lentzolus cun is iscritas “Cappellacci” e “Prato”.
Sighi a ligi ‘“Narant ca sa De minimis no si possat fai”. In Twitter sa direta de Mps de s’atóbiu. In Casteddu is “passus grais” de 5milla pastoris sardus’
Archíviu de sa diri 14/09/2010
(IlMinuto) – Casteddu, 14 de su mes”e cabudanni – “Própriu mentris su Parlamentu europeu aprovat una motzioni de censura contra a is bogadas de is rom fattas de su Guvernu francesu e arremaciàt, aici, puru sa censura contra a sa política de su Guvernu italianu, is fortzas de s’ordini de Casteddu intrànt a sa marolla in su campu ‘nomadi’ de Casteddu e pigànt duus giòvanus rom, un’ómini e una fémina”. A fai connosci sa cosa est sa Fondatzioni Anna Ruggiu, cun d’unu comunicau de imprenta firmau de su presidenti Gianni Loy.
Sighi a ligi ‘Bogaus duus giòvanus rom nàscius e crescius in Sardigna. Loy (Fondatzioni Ruggiu): “No funti stetius mai in nesciun’àteru logu”’
(IlMinuto) – Casteddu, 14 de su mes”e cabudanni – “Is Rossomori imbidant a totu is sardus a acotzai cun sa participatzioni sa lotta de su “Movimento dei Pastori Sardi” e de totus is satus”. Est cantu afirmat cun d’una nota su consilleri regionali Claudia Zuncheddu, presidenti de is Rossomori, in ocasioni de su corteu de is pastoris guidaus de Felice Floris chi de is 11.00 est passendu atressu de is bias de su centru de Casteddu. Unu corteu de 5milla allevadoris, obertu de casi 30 pastoris a cuaddu.
Sighi a ligi ‘Zuncheddu (Rossomori): “Sa classi política sarda sceberit: o cun is pastoris o cun is multinatzionalis”. Cumentzau in Casteddu su coretu de su Movimentu de Floris’
(IlMinuto) – Casteddu, 14 de su mes”e cabudanni – Maistus e personali Ata, babbus e mammas, istudiantis ancora una borta in istrada po nai “no” a su massacru de s’istrutzioni púbblica. Cras, primu diri de iscola, Cgil, Cisl, Cobas, Snals e Gilda ant a protestai a fac”e su Palatzu de sa Regioni de viale Trento, in Casteddu, po una borta unius contra a is tàglius bófius de su Guvernu. A fac”e sa sedi de sa Giunta regionali ddoi at essi puru su Cumitau de is precarius de s’iscola de Casteddu, chi denunciat “sa totali incapatzidadi de su Guvernu natzionali e de cussu regionali de fai fronti a cussu chi esti stetiu lamau a prus boxis su lissentziamentu prus mannu de s’istoria de s’Itàlia”.
Sighi a ligi ‘Scola. Comitato precari Cagliari: “No a un’ acódriu-lemósina nou Baire-Gelmini”. Cras manifestada in viale Trento’
(IlMinuto) – Casteddu, 14 de su mes”e cabudanni – Iscàmpius de luxi leterariàs su 23 de su mes”e cabudanni in su Teatru Cívicu de Casteddu ‘e susu. A is oras 21.00 at a andai difatis in iscena “Bellas Mariposas”, de su contu de Sergio Atzeni. S’istoria interpretada est sa crobetanza de una bisioni chi cicat in is modus e in is rítimus scuncertantis de sa rapresentatzioni moderna su sensu e s’ànima de unu mundu antigu.
Social
