(IlMinuto) – Casteddu, 21 de su mes”e cabudanni – Torrai a afirmai is principius de s’artículu 1 de sa Dichiara de is diritus universalis de s’ómini: “Totus is esseris umanus nascint líbberus e agualis in dignidadi e diritus” e nai ancora una borta “Seus totus calndestinus. Nesciunu est clandestinu”. Cun custus obbietivus puru Casteddu ant a cabai in pratza cenàbara a merì po su “Clandestino Day”, manifestada antirazista promòvia de su giornali “Carta”. Su corteu, cun sa participatzioni de medas assótzius, at a cumentzai a is 18.00 in pratza Garibaldi. “Portai froris”, narant is aprontadoris a sa fin”e de sa manifestada “ddus eus a fai imbolai in mari de pratza Darsena”, in ammentu de is prus de 15milla personis chi in mari ant agatau sa morti, candu cicànt sa vida”.
Sighi a ligi ‘Casteddu calat in pratza po su “Clandestino day”. Fortress Europe: 15.556 mortus in su fundu de su Mediterraneu de su 1998 a oi’
Archíviu de sa diri 21/09/2010
(IlMinuto) – Casteddu, 21 de su mes”e cabudanni – “De sa muntagna a su mari”. Puru in su 2011 at essi custu su slogan de su Rally Bike Sardigna.
Sa màchina aprontadora abetendi s’editzioni chi benit est giai torrada a partiri, un’editzioni in programma in ses frimmadas de su 12 a su 18 de su me”e làmpadas in Ogiastra. Is ciclistas, a su cumetzu de su stadiabi, candu ancora s’ísula no est cucuvada de is turistas e bollit biri po prus cussus bisitadori chi si movint asuba de is mountain bike”.
Sighi a ligi ‘Sport: obertas is iscritzioni a su Rally Bike Sardigna 2011. Ses frimmadas de su Gennargentu a is coderas de s’Ogiastra’
(IlMinuto) – Casteddu, 21 de su mes”e cabudanni – “Contra a sa crisi, soverania?”. At essi custu su tema de s’editzioni 2010 de Cabidanni, s’apuntamentu de su Sindacadu de Sa Natzione Sarda chi ocannu s’at a tenni su 25 de su mes”e cabudanni in Pòrtu Turre, in is giardinus de “San Gavino”. “Cun sa crisi struturali de s’economia sarda – si ligit in d’una nota – ammanniat sa dipendhéntzia de s’Itàlia e de is dinàmicas economicas, políticas e culturalis de is organísimus internatzionalis. Sighi a ligi ‘“Cabidanni 2010″: crisi, soverania e indipedentzia funt su coru de s’apuntamentu de Sns in Pòrtu Turre’
(IlMinuto) – Casteddu, 21 de su mes”e cabudanni – “Su grupu dirigenti de sa Fondatzioni Teatru Líricu de Casteddu no depit essi torrau a cunfirmai”. Est cantu afirmant is sindacaus de categoria Slc Cgil, Fistel Cisl, Fials Cisal, Snater e Fls Css, chi ant arremaciau ” sa mancàntzia de preparatzioni de una diretzioni chi no tenit bideas e fervori”. Po chistionai de costus, atividadis e produtzioni, is sindacaus ant dimandau debrerssi un’atóbiu a su presidenti de sa Fondatzioni Lírica, su síndhigu de Casteddu Emilio Floris, chi rapresentat, oi, s’únicu interlocutori. Castiendi a su statutu, su 17 de su mes”e cabudanni est difatis est decaiu su Consillu de amministratzioni.
(IlMinuto) – Casteddu, 21 de su mes”e cabudanni – De su 23 de su mes”e cabudanni a su 2 de su mes”e ledàminis 2010 su Centru Comunali d’Arti e Cultura Casteddu San Michele e su Dipartimentu de Architetura de s’Universidadi de is Istudius de Casteddu ant a aghilliri sa V editzioni de su “Festival di musica d’avanguardia e linguaggi collaterali: Signal”. S’eventu at essi basau asuba de sa sperimentatzioni, sa ricerca, s’improvisatzioni de formas de is sonus nous, cun d’una castiada abbia de is prus significativas espressionis musicalis de àterus tempus.
Sighi a ligi ‘Signal: a sa V editzioni su festival casteddaiu dedicau a sa música d’avanguardia’
Social
