(IlMinuto) – Casteddu, 22 de su mes”e cabudanni – “Su stadu in Sardigna depeus essi nos poita assinuncas su Stadu in Sardigna no at essi mai po nos”. Cun custus fueddus su consilleri regionali de su Psd’Az Paolo Maninchedda at concludiu ariseru sa presentada de sa motzioni sardista po s’indipendentzia de sa Sardigna. Su rapresentanti de su Psd’Az – in s’ambitu de su dibbàtidu asuba de sa riforma de su Statutu – at propostu a s’àula s’aprovatzioni de un’odg unitariu po arribbai intru su 12 mesis a sa nàscida de su Stadu sardu.
“Nos dimandaus a su Consillu regionali – at precisau – de s’espressai in d’un’odg, chi iaus a bolli scriri cun bosàterus totus, po s’indipendentzia de sa Sardigna, pensada comenti costrutzioni de su stadu sardu aintru de unu patu federativu cun s’Itàlia”.
Una motzioni po otèniri s’indipendentzia e sa soverania de s’Ísula esti stetia preparada puru de sa presidenti de is Rossomori Claudia Zuncheddu.
Sighi a ligi ‘Riformas. Paolo Maninchedda (Psd’Az): “Sardigna indipendenti in d’un’annu”’
Archíviu de sa diri 22/09/2010
(IlMinuto) – Casteddu, 22 de su mes”e cabudanni – “Firmamus sa Caserma! Cherimus iscolas de traballu non de gherra!”. Cun custu slogan s’organizatzioni de sa sinistra inidipendentista aMpI annunciat batalla contra a su fàbbricu de una caserma noa in Nùgoro, in zona Prato Sardo, po aghilliri unu repartu nou de sa Brigata Sassari.
“Su sotosegretàriu a sa difesa Cossiga, cun su prexu mannu de su síndhigu Sandro Bianchi e de su deputau Bruno Murgia – si ligit in d’una nota fatta connosci de su Diretivu políticu de A Manca – at cunfirmau s’arracatu annunciau pagu tempus fait, segundu custu po podi tenni un’Universidadi civili nugoresa tocat costruiri una caserma militari. Difatis is 12,3 millionis de eurus finantziaus de sa Regioni cun avincu po s’edilitzia de s’iscola (…) ant a andai a fabbricai un’”iscola” de gherra in veci is fai traballantis po su tempus benidori”.
Sighi a ligi ‘“Firmamus sa Caserma!”. A Manca narat no a s’“iscola” noa de gherra a Nuoro. “Ancora un’atu de ocupatzioni militari”’
(IlMinuto) – Casteddu, 22 de su mes”e cabudanni – “In Sardigna no ddoi est una fortza comunista e anticapitalista chi siat capatzi de s’arrexinai in is bixinaus, in is brugus e in su territoriu. Tocat duncas costruiri unu movimentu de sceberu chi pighit su postu de su Pd e chi cumentzit a essi prus indipendenti de is decisonis pigadas atesu de sa Sardigna”. Cun custas cunsideratzionis Antonello Tiddia, Rsu Carbosulcis, concluit una nota chi fueddat de “s’acuntéssia drammàtica” de sa Sardigna, firmendusì po su prus a su Surcis.
Sighi a ligi ‘Crisi e política. Tiddia (Rsu Carbosulcis): “No ddoi est una fortza anticapitalista arrexinada e de sceberu chi pighit su postu de su Pd”’
(IlMinuto) – Casteddu, 22 de su mes”e cabudanni – Un’àteru puntu s’aciungit a su disignu de sa crisi economica de s’Ísula. Ariseru a mangianu is traballantis de sa “Ecologica 2007″, un’aziendha chi operat in sa zona industriali de Tàtari, ant protestai cun d’unu sit-in in sa pratza chi aghillit is ufícius de s’aziendha po nai no a sa serradura de s’atividadi.
Setanta is postus de traballu a arriscu. “Ecologica 2007- si ligit in d’una nota fatta connosci de sa Cgil Tàtari – est una coperativa sociali de tipu B, chi si ocupat de mandai ainnantis atividadis de serbítziu po s’insertamentu de is personis disvantagiadas. Is traballantis, po su prus fèminas, si ocupant de scéberai is arrefudus, separendi cun is manus sa pràstica de is àterus arrefudus, is prus de is bortas puru ispecialis, ca is machinàrius no arrennescint a tratèniri”.
“Sa Cgil de Tàtari – acrarat su testu – difendit sa protesta de is traballantis e acotzat sa batalla insoru, po evitai sa serradura de is lissentziamentus e sa pérdida de àterus postus de traballu, cun prus atentzioni tra is féminas e is fàscias prus débbilis de sa sociedadi”.
(IlMinuto) – Casteddu, 22 de su mes”e cabudanni – Tintas literarias de atóngiu in Biddexidru. De su 28 de su mes”e cabudanni a su 3 de su mes”e ledàminis torrat difatis su Prémiu literariu “Giuseppe Dessì”, ocannu arribbau a XXV editzioni.
Cussa dedicada a su scritori sardu, mortu in su 1977, at essi una cida fita de apuntamentus, chi s’at a serrai cun is premiatzionis de is bincidoris de sa setzioni Narrativa e Poesia, mentris su prémiu ispeciali de sa zuria at a andai a Piero angela e a Cristiana Collu. S’eventu, chi s’at a tenni in sa palestra de bia Stazione, esti stetiu aprontau de sa Funtatzioni Dessì cun s’apógiu de sa Regioni Àutonoma de sa Sardigna (Assessorau de sa “Pubblica Istruzione”), de su Ministeru po is “Beni e le Attività culturali”, de sa Fundatzioni “Banco di Sardegna”, de s’Amministratzioni Provintziali de su Campidanu de Mesu, de su Comunu de Biddexidru e de su Consortziu Industriali Provintziali Campidanu de Mesu-Biddexidru.
Sighi a ligi ‘XXV Prémiu Dessì: Balzano, Cataluccio e Franchini is finalistas po sa Narrativa. Prémiu ispeciali a Piero Angela’
Social
