> 2010 mes’e ledàminis 08 | ilMinuto

Archíviu de sa diri 8/10/2010

A sa cica de s’echilíbbriu tra passau e tempus benidori. Intervista a Valeria Tola, strexàja

Frimmada noa po Formas. Custa cida sa redatzioni de IlMinuto atobiat a Valeria Tola, in Macumère. In sa butega de cursu Umberto I, 64, ativa de su 1992, sa strexàja de Macumère si contat sa créscida e su crompimentu de unu mestieri “nàsciu de sa passioni po s’arti”. Sighi a ligi ‘A sa cica de s’echilíbbriu tra passau e tempus benidori. Intervista a Valeria Tola, strexàja’

Ambienti. Sardigna Natzione narat no a sa nai de is belenus in Pòrtu Turre

sardigna natzione indipendentzia(IlMinuto) – Casteddu, 8 de su mes”e ledàminis – “Imbidaus a is citadinus de Pòrtu Turre a acastiai e si mobilitai po impediri su sbarcu de su càrrigu de belenus, e is organizatzionis indipendentistas a fai un’atzioni totus impari contra a cust’àteru atu de malesa a is sardus”. Si serrat cun custus fueddus sa nota de imprenta fatta connosci ariseru de su cordinadori provìntziali de Tàtari de Sardigna Natzione Indipendetzia Giovanni Fara. S’organizatzioni indipendentista espressat difatis grandu “apinnicu e arrennegu po sa nova pubblicada de s’Uniona Sarda de custu mangianu (ariseru, ndr); segundu custa nova iat a essi in arribbu in su sbarcu de s’area industriali de Pòrtu Turre una nai mercis chi at a scarrigai tonnelladas de ‘fok’, un’arrefudu de su traballu de s’acetilene, arrefudu belenosu e chi no si podit riciclai”. Sighi a ligi ‘Ambienti. Sardigna Natzione narat no a sa nai de is belenus in Pòrtu Turre’

Prétzius in Casteddu: in su mes”e cabudanni istudiai est prus caru (1,4 po centu)

cagliari settembre inflazione(IlMinuto) – Casteddu, 8 de su mes”e ledàminis – A pustis de s’artziada de su mes”e austu (+0,4 po centu), in su mes”e cabudanni s’índixi de is prétzius a su consumu de sa citadi de Casteddu at fattu registrai unu calu de su 0,3 po centu. Ddu narat cun d’una nota de imprenta su Serbítziu Statistica de su Comunu.
Si castiaus a su mes”e passau si bit, unu diminuimentu de su 0,8 po centu in su cumpartu “Comunicatzionis”. Mentris su cumpartu “Istrutzioni,  in su mes”e de su cumentzu de is iscolas, at fattu registrai aumentus de s’1,4 po centu. Sighi a ligi ‘Prétzius in Casteddu: in su mes”e cabudanni istudiai est prus caru (1,4 po centu)’

Cappellacci bis. Zuncheddu (Rossomori): “Giunta ‘istruncada’. Escludiu su 50 po centu de sa sociedadi”

(IlMinuto) – Casteddu, 8 de su mes”e ledàminis – “S’istruncadura de sa Giunta Cappellacci bis no est de bon’augúriu, biu ca escludit de sa participatzioni ativa prus de sa metadi de su pópulu”. Est cantu scririt cun d’una nota Claudia Zuncheddu, presidenti de is Rossomori e consilleri regionali. In su Cappellacci bis – precisat Zuncheddu – “no ddoi est una fémina. No pensu ca in su centru destra ddoi siat auséntzia de féminas de professionalidadi arta e o de àteru profilu. De seguru, sa solutzioni de sa crisi chi atraessat sa sociedadi sarda at essi ancora prus difícili senz”e s’agiudu de su cumprendóniu e de sa saviesa de is féminas”. Sighi a ligi ‘Cappellacci bis. Zuncheddu (Rossomori): “Giunta ‘istruncada’. Escludiu su 50 po centu de sa sociedadi”’

Cínema: Karel presentat ‘Vento di Sardegna a su Sport Movies & Tv 2010 de Milanu

(IlMinuto) – Casteddu, 8 de su mes”e ledàminis – Si lamat “Vento di Sardegna” su videoclip fattu de sa domu de produtzioni cinematografica casteddaia Karel sceberau de sa Cummissioni po su festival “Sport movies & tv 2010 – 28th Milano International Ficts Fest”, chi s’at a tenni in Milanu de su 28 de su mes”e ledàminis a su 2 de su mes”e totussantus. Su festival, una “mostra mundialli po su cínema, is Tv e su Web in su sport” est aprontau de sa F (Fédération Internationale Cinéma Télévision Sportifs) e connotu de su Cio (“Comitato Internazionale Olimpico”). Sighi a ligi ‘Cínema: Karel presentat ‘Vento di Sardegna a su Sport Movies & Tv 2010 de Milanu’