> 2010 mes’e ledàminis 11 | ilMinuto

Archíviu de sa diri 11/10/2010

Is prus lígias in língua sadra de cida passada

lettura giornale

Riforma Gelmini. In su Ténnicu industriali Angioy de Tàtari ddoi funt classis de 43 scientis

(IlMinuto) – Casteddu, 7 de su mes”e ledàminis – “Cun sa riforma iscolastica noa, s’agataus a tenni una classi de 43 alunnus chi no si podit sdopiai” – Est cantu denunciat cun d’una nota Davide Marceddu, rapresentanti de is istudiantis de s’Istitutu ténnicu industriali Angioy de Tàtari. (…)

Ambienti. aMpI: “No a su fok. Po Portu Turre unu pranu industriali de arrefudus e craboni

(IlMinuto) – Casteddu, 7 de su mes”e ledàminis – “In Pòrtu Turre est arribbendi una nai chi portat unu càrrigu unu pagu dúbbiu. Segundu S’Unione sarda de oi est chistioni de diris, forsis de oras, s’arribbu de una nai cun mercis chi at a scarrigai de tonnelladas de ‘fok’, unu resíduu otentu de su traballu de s’acetilene, un’ollu chi no est riciclabbili” (…)

Ambienti. Sardigna Natzione narat no a sa nai de is belenus in Pòrtu Turre

Sighi a ligi ‘Is prus lígias in língua sadra de cida passada’

Referendum. In Teulada 500 contra a su nucleari. Mps: “In primu fiba in sa lota. Teneus a foras s’àliga”

(IlMinuto) – Casteddu, 11 de su mes”e ledàminis – Cumentzat cun d’unu rumóriu sa campagna de su Cumitau “Sinonucle” chi s’et tenendi abetendi su referendum regionali contra a su nucleari de su beranu chi benit. Ariseru in Teulada funti stetius casi 500 is personis chi ant nau no a sa preséntzia de centralis e depósitus de ferrinas in Sardigna participendi primu a sa cirimónia chi s’est tenta in sa pratza centrali de sa bidda e chi at biu ponni unu bronzixeddu nuraghinu a guardania de s’atomu e po acastiai su territoriu sardu. Totu sa genti a pigau parti a un’assembrea popolari in su paleddu de su Sport de sa bidda. Sa diri at registrau un’importanti intrada noa in su Cumitau. Ai is giai cai 150 organizatzionis políticas e sindacalis e a is movimentus, chi ant giai addiriu a su Cumitau cordinau de su leader indipendentista Bustianu Cumpostu, s’est difatis uniu su “Movimento pastori sardi” de Felice Floris, protagonista in custus mesis de diversas diris de lota. Sighi a ligi ‘Referendum. In Teulada 500 contra a su nucleari. Mps: “In primu fiba in sa lota. Teneus a foras s’àliga”’

Collettivo Anticapitalista Sardo: “AMpI e Bruno Bellomonte miras de atacus pagu pulius de parti de is ‘media’”

(IlMinuto) – Casteddu, 11 de su mes”e ledàminis – “A Manca pro s’Indipendentzia est unu partidu políticu chi traballat asuta de sa luxi de subi po sa soverania e s’indipendentzia de sa Sardigna, e no tenit bisóngiu de fai ingestus cali s’ammustiadura de murus o peus ancora su dannu de domus po tenni s’atentzioni asuba de is próprius atzionis”. Cun custus fueddus su Collettivo Anticapitalista Sardo espressat solidariedadi a aMpI “mira in custas oras de atacus pagu pulius de parti de is ‘media’”. Sighi a ligi ‘Collettivo Anticapitalista Sardo: “AMpI e Bruno Bellomonte miras de atacus pagu pulius de parti de is ‘media’”’

Pastoria. aMpI: “Mps lotat contra a su sciàsciu economicu e políticu de sa natzioni nostra”

movimento pastori sardi olbia(IlMinuto) – Casteddu, 11 de su mes”e ledàminis – “Is últimas mobilitadas faint biri cun craresa ca is pastoris no si limitant a dimandai s’aprou de is 12 puntus chi ant animau is prostestas de cust’istadi, ma puntant su didu contra a totu su sistema de sa cos”e papai fadendi biri ca su movimentu assumit sèmpiri de prus connotaus de saludi púbblica e natzionalis”. Cun custus fueddus su Diretivu políticu natzionali de aMpI cummentat s’última mobilitada de su Mps. Cenàbara a mangianu su Movimentu de Felice Floris at difatis blocau is nais in su portu de Terranòa, rallentendi su sbarcu de is passegeris e blochendi is Tir, comenti cida passada in Pòrtu Turre. Una delegatzioni de A Manca furiat presenti a sa mobilitada fintzas de is primus oras de su mangianu. Sighi a ligi ‘Pastoria. aMpI: “Mps lotat contra a su sciàsciu economicu e políticu de sa natzioni nostra”’

Presonis. Caligaris (Sdr): “Trebeas grais a su diritu a sa saludi de is presoneris e dannus po su stadu. Portaus s’acuntéssia in Tribbunali”

(IlMinuto) – Casteddu, 11 de su mes”e ledàminis – “Su bloccu frimmu a s’ispesa sanitaria, cun in prus sa trebea de su diritu a sa saludi po is presoneris e a àterus sacrifitzius po is agentis de sa polizia de is presonis, fait unu dannu mannu a su stadu”. Ddu narat cun d’una nota sa presidenti de Socialismo Diritti e Riforme, Maria Grazia Caligaris. Cun s’assistu de un’abbogau, s’assótziu est aprontendi un’espostu a is Procuras de sa Repúbbrica de is Tribbunalis interessaus poita perifichint eventualis responsabbilidadis in sa lota tra sa Regioni e su Ministeru de sa “Giustizia”. Sighi a ligi ‘Presonis. Caligaris (Sdr): “Trebeas grais a su diritu a sa saludi de is presoneris e dannus po su stadu. Portaus s’acuntéssia in Tribbunali”’