> 2010 mes’e ledàminis 12 | ilMinuto

Archíviu de sa diri 12/10/2010

Arrumpellamentu nou in su Cpa de Su Masu. Arrestaus e pistaus diversus immigraus. aMpI: “Itàlia logu ratzista furiosu”. Sinistra critica: “Serrai debressi cussu presoni”

repressione etracomunitari cagliari elmas(IlMinuto) – Casteddu, 12 de su mes”e ledàminis – Dexi “clandestinus” arrestaus e unus cantu immigraus pistaus. Est custu su bilànciu de su scontróriu de s’arrumpellamentu de pagu prus de 100 furisteris aghillius in cussu ca lamant “Centru de primu acasàgiu” de Su Masu.
Ariseru a merì is immigraus – arrebbellendusì po sa terza borta in dexi diris – funt arribbaus fintzas a sa pista de s’Aereoportu civili. Su scalu casteddaiu est abarrau serrau a su tràvigu de is 14.00 a is 17.00. “S’Itàlia est unu logu ratzista e furiosu. Est una brigúngia – cummentat cun d’una nota su Diretivu de aMpI – ca sa Sardigna, de sèmpiri terra de scàmbiu tra culturas e pópulus diversus, siat custrinta de s’Itàlia ratzista e xonofoba a inserrai ànimas in cica de unu traballu, de una possibbilidadi, de un’ispériu de fuida de su fàmini e de sa gherra! A Manca pro s’Indipendentzia est totalmenti a cuncordiu cun s’arrumpellamentu de is immigraus e retennit aggraviosu sinterventu de is fortzas d’ocupatzioni militaris italianas cun lagrimogenus e manganellus contra a personis cun is manus nudas”. Asuba de s’acuntéssia at fueddau cun d’una nota puru Sinistra Critica, organizatzioni anticapitalista. Sighi a ligi ‘Arrumpellamentu nou in su Cpa de Su Masu. Arrestaus e pistaus diversus immigraus. aMpI: “Itàlia logu ratzista furiosu”. Sinistra critica: “Serrai debressi cussu presoni”’

Pcl Sardigna: “Totus in Roma cun sa Fiom”. Gióbia a merì assembrea in Casteddu

(IlMinuto) – Casteddu, 12 de su mes”e ledàminis – “Discútiri impari is arrexonis de sa manifestada lamada de sa Fiom po su 16 de su mes”e ledàminis in Roma”. Est custu s’obbietivu de s’assembrea aprontada po gióbia chi benit in Cateddu (18.00, carrela manna Sant’Avendrace 174) de su Pcl Sardigna.
“Il Partito Comunista dei Lavoratori – si ligit in d’una nota de imprenta natzionali – at essi in Roma a su costau de sa Fiom e de totus is operàjus, po manifestai in difesa de is diritus de is traballadoris in custus mesis acracangiaus no pagu de Marchionne e sócius”. Sighi a ligi ‘Pcl Sardigna: “Totus in Roma cun sa Fiom”. Gióbia a merì assembrea in Casteddu’

S’Universidadi de Casteddu sighit a nai no a is tàglius. Sa Turri de s’Elefanti schermu mannu de sa protesta

protesta ricercatori(IlMinuto) – Casteddu, 12 de su mes”e ledàminis – No si frimmat sa protesta de s’Universidadi de Casteddu contra a is tàglius bófius a sa marolla de su Guvernu. A pustis de ai spostau su cumentzu de s’annu académicu de 10 diris, is presidis de is 11 facoltadis de s’Ateneu casteddaiu ant aprontau po custu merì una manifestada noa. Sighi a ligi ‘S’Universidadi de Casteddu sighit a nai no a is tàglius. Sa Turri de s’Elefanti schermu mannu de sa protesta’

Finantziaria. Costa (Cgil): “Tàglius po 113 millionis. Salvu scéti s’assessorau de La Spisa”

(IlMinuto) – Casteddu, 12 de su mes”e ledàminis – “Sa Finantziaria 2010 acetat senz”e nai nudda is tàglius e cuncentrat is risorsas a profetu de un’únicu assessorau cussu de sa “Programmazione”. Ddu fait a is dannus de is àterus assessoraus, ma puru de is àterus entis de su territoriu chi non funt coinvoltus in is sceberus”. Cun custus fueddus su segretàriu de Cgil, Enzo Costa, criticat sa manuvra economica scrita de sa Giunta regionali. Sighi a ligi ‘Finantziaria. Costa (Cgil): “Tàglius po 113 millionis. Salvu scéti s’assessorau de La Spisa”’

Controcaos: in Casteddu Sardu su Festival de sa creatividadi

(IlMinuto) – Casteddu, 12 de su mes”e ledàminis – Est arribbau a sa III editzioni su Festival de sa creatividadi ControCaos, aghilliu de s’8 a su 10 de su mes”e ledàminis in Casteddu Sardu. Is líbburus, s’arti, sa música, sa danza, su teatru e, prusatotu, sa fantasia funti stetias is protagonistas de is butegas e de is diversus eventus in programma. Sighi a ligi ‘Controcaos: in Casteddu Sardu su Festival de sa creatividadi’