> 13 « mes’e ledàminis « 2010 « ilMinuto – notizie Mediterranee – edizione Sardegna

Archíviu de sa diri 13/10/2010

Cpa de Su Masu. Loddo (5 novembre): “102 algerinus imbargaus po 40 diris contra a sa lei. Sreaai debressi custa galera

associazione 5 novembre roberto loddo(IlMinuto) – Casteddu, 13 de su mes”e ledàminis – “Arrespetendi a is leis, chi bollint frimmai is furisteris in is Cpa no prus de cincu diris, is 102 algerinus funti stetius ‘imbargaus’ po prus de 40 diris. In custas cunditzionis piedosas, aundi s’única crupa de custas ànimas algerinas est custa de no essi nàscias in Itàlia, s’arrebbellai est giustu”. Est cantu afirmat cun d’una nota Roberto Loddo de s’assótziu 5 novembre.
“Is algerinus – precisat Loddo cummentendi s’acontéssia de martis – ant decidiu de s’arrebbellai a sa violéntzia de is leis ratzistas e xenofobas de su guvernu. Su Cpa de Su Masu, comenti totus is centrus de presonia italianus e europeus, no tenit nudda de s’acasàgiu e de s’ospidàgiu. Bastat donai una castiada a is barandíglias artas tres metrus, a is tressas, a is vantanas, a is telecameras a is rastréglius, a is militaris chi presidiant su Cpa”. Sighi a ligi ‘Cpa de Su Masu. Loddo (5 novembre): “102 algerinus imbargaus po 40 diris contra a sa lei. Sreaai debressi custa galera’

S’arràbbiu de is massaju blocat Casteddu. Coldiretti: “Seus stetius frigaus. Istitutzionis senz”e cuscéntzia: immoi tocat a dd’acabbai

protesta cagliari(IlMinuto) – Casteddu, 13 de su mes”e ledàminis – Puru su mundu de sa massaria cabat in pratza. Custu mangianu funt milli e prus de milli is iscritus a sa Coldiretti, a sa Cia, a sa Copagri e sa Confagricoltura chi sfilant po is bias de Casteddu cun s’obbietivu de denunciai sa “crisi peus de is últimus carant’annus”.  Su corteu, cumentazu a is 10.30 de pratza de is Centomila, at a arribbai a is 14.00 in carrela manna Trento, a fac”e su palatzu de sa Giunta regionali. “Sa massaria sarda e su mundu agro-pastorali – denunciat Coldiretti in d’una nota – funti stetius pigaus po tontus”. Sighi a ligi ‘S’arràbbiu de is massaju blocat Casteddu. Coldiretti: “Seus stetius frigaus. Istitutzionis senz”e cuscéntzia: immoi tocat a dd’acabbai’

“Senz”e Universidadi, nesciunu tempus benidori. In 500 in corteu in Casteddu. Oi assembrea de is istudiantis

cagliari protesta universitaria riceca cultura(IlMinuto) – Casteddu, 13 de su mes”e ledàminis – Istudiantis, maistus, istudiosus e personali amministrativu. Funti stetias prus de cincuxentus is personis chi ariseru a merì ant isfilau po is bias de su centru de Casteddu po nai no a is tàglius a s’istrutzioni e sa riscerca universitaria bófias de su Guvernu Berlusconi. Su corteu, ammutullonadu, esti stetiu obertu de unu striscioni cun sa scrita “Senz”e Universidadi, nesciunu tempus benidori”, poderau de is presidis de is 11 facoltadis casteddaias. Sighi a ligi ‘“Senz”e Universidadi, nesciunu tempus benidori. In 500 in corteu in Casteddu. Oi assembrea de is istudiantis’

Presonis Sdr a Napolitano: “Fatzat arrespetai sa Costitutzioni e su diritu a sa saludi de is presoneris chi funt in Sardigna”

sdr rispetto costituzione salute napolitano(IlMinuto) – Casteddu, 13 de su mes”e ledàminis – “Fueddaus cun fustei po dd’ammostai un’acuntéssia meda grai chi, si no resolvia debressi at a biri annullau su diritu a sa saludi de is citadinus privaus de sa libbertadi chi funt impresonaus in is Istitutus Penitentziàrius de sa Sardigna”. Cumentzat cun custus fueddus s’apellu chi is volonteris de s’Assótziu Socialismo Diritti Riforme ant fattu a su Presindenti de sa Repúbbrica Giorgio Napoletano dimandendi “un’interventu autoritativu, po salvai su diritu a sa saludi scritu in sa Costitutzioni”. Sighi a ligi ‘Presonis Sdr a Napolitano: “Fatzat arrespetai sa Costitutzioni e su diritu a sa saludi de is presoneris chi funt in Sardigna”’

‘Uno sguardo normale’: po s’otav’annu ‘e fil”e pari sa rassigna de cínema Glbt

rassegna cinema tografica Glbt(IlMinuto) – Casteddu, 13 de su mes”e ledàminis – Sa rassigna de cínema “Uno sguardo normale” at a torrai in Casteddu po s’otav’annu ‘e fil”e pari. Sa manifestada culturali s’at a tenni in coincidentzia cun sa segunda “Cida contra a sa violéntzia” promòvia de su Ministeru po s’Istrutzioni, s’Universidadi e sa Ricerca – Dipartimentu po is “Pari Opportunità”, s’Arc assótziu culturali G.L.B.T. de Casteddu. Sa rassigna, chi s’at a tenni fintzas a sàbudu 16 de su mes”e ledàminis de su 2010 in su Cineteatru “Nanni Loy” de s’Ersu (domu de s’istudianti, bia Trentino – Casteddu), previdit is proietzionis de ses títulus a argumentu Glbt (gay, lesbica, bisessuali, transgender) e sa presentada de su líbburu “Maledetti froci & maledette lesbiche” de Maura Chiulli. Sighi a ligi ‘‘Uno sguardo normale’: po s’otav’annu ‘e fil”e pari sa rassigna de cínema Glbt’