> 2010 mes’e ledàminis 14 | ilMinuto

Archíviu de sa diri 14/10/2010

Istrutzioni: Isciòpiru de is Cobas contra a s”iscola-miséria’ de Gelmini e Tremonti. Manifestada in Casteddu

(IlMinuto) – Casteddu, 14 de su mes”e ledàminis – A pustis de is manifestadas de cida passada de una dexina de migliaja de istudiantis in unus cantu de citadis italianas, cras ant essi is maistus e su personali Ata a cabai in pratza po nai no a sa riforma de s’iscola in ocasioni de s’isciòpiru generali aprontau de is Cobas. Isciòpiru de s’iscola lamau po totu sa diri de su sindacau de basi, chi tenit s’obbietivu de torrai ma mandai agoa “is tàglius de oràriu, matérias e postus de traballu” (In s’Istitutu ténnicu industriali de Tàtari esti stetia fatta una classi de 43 scientis, ndr) e “po esigiri de su guvernu de pigai is precarius a postu fissu”. Sighi a ligi ‘Istrutzioni: Isciòpiru de is Cobas contra a s”iscola-miséria’ de Gelmini e Tremonti. Manifestada in Casteddu’

Arrebustu: Licori centufollas

Su Cumitau sanidadi aligheresa in pratza in su mes”e totussantus: “Bolleus s’ispidali nou”

(IlMinuto) – Casteddu, 14 de su mes”e ledàminis – S’afortiamentu de is serbítzius sanitarius in is 23 comunus de su Distretu sanitariu de S’Alighera.  Est custa sa dimanda prus manna de su Cumitau po s’agiudu a sa Sanidadi aligheresa e de su territoriu, chi a pustis de s’atóbiu púbblicu de su 19 de su mes’e làmpadas passau, tenit in calendàriu una manifestada púbblica po su mes”e totussantus”. “Est ammanniendi – si ligit in d’una nota de imprenta – de diri in diri sa participatzioni de sa genti, ma prusatotu est ammanniendi su cumprendhóniu asuba de sa contienda Sanidadi, una contienda chi no si podit prus remandai”. Sighi a ligi ‘Su Cumitau sanidadi aligheresa in pratza in su mes”e totussantus: “Bolleus s’ispidali nou”’

Massaria. Zuncheddu (Rossomori): “Giunta no nudda adata a afrontai s’arragu de is satus”

zuncheddu crisi agricoltura(IlMinuto) – Casteddu, 14 de su mes”e ledàminis – “Sa Giunta de centrudestra, e in piessígnu s’Assessori Prato, sighint a ammischinai s’arragu meda malu chi corpit is satu sardus. Sa protesta decorosa e responsàbbili de is massajus e de is pastoris nostrus, chi de meda tempus tzerriant a boxi arta sa poberesa e su degradu de custu cumpartu e de is aziendhas insoru, meritat de de tenni bravus interlocutoris”. Cun custus fueddus su consilleri regionali Claudia Zuncheddu, presidenti de is Rossomori, cummentat sa manifestada de is massajus e de is allevadoris sardus ca ariseru ant atravessai is bias de Casteddu. Sighi a ligi ‘Massaria. Zuncheddu (Rossomori): “Giunta no nudda adata a afrontai s’arragu de is satus”’

Malu Entu: Is indipendentistas de Meloni assentant una curona de froris in punta “Ampsicora”

(IlMinuto) – Casteddu, 14 de su mes”e ledàminis – Domínigu passau is militantis de su movimentu inidipendentista Malu Entu ant assentau una corona de froris in “onori de is patriotas sardus bocíus in is batallas contra a is invasoris”. Su cumponimentu de froris – acrarat una nota firmada de su presidenti Doddore Meloni – esti stetiu assentau in su cucuru in sa punta La Marmora (1.834 metrus de artesa tra s’Ogiastra e sa Barbàgia), torrada a batiai de is indipendentistas de Malu Entu punta Ampsicora, in ammentu de su protagonista de sa rebellia de is citadis costeras de sa Sardigna contra a is Romanus in su 215 a.c.. Sighi a ligi ‘Malu Entu: Is indipendentistas de Meloni assentant una curona de froris in punta “Ampsicora”’