> 2010 mes’e ledàminis 15 | ilMinuto

Archíviu de sa diri 15/10/2010

Istrutzioni. In Casteddu in 700 contra a s’”iscola-miséria”. Cumentzat sa campagna Cobas po denunciai “illegalidadi in istitutus”

(IlMinuto) – Casteddu, 15 de su mes”e ledàminis – “Dinai po s’iscola e no po sa guerra”. Est custa sa scrita chi si podiat ligi in d’unu striscioni fattu de is istudiantis, chi custu mangianu ant participau a sa manifestada aprontada de is Cobas, in Casteddu, po s’isciòpiru generali de s’iscola. Pagu prus de 700 personis, tra maistuis, scientis e personali ténnicu e amministrativu de s’iscola púbblica, ant nau ancora una borta no a sa riforma Gelmini e a is tàglius de su Guvernu, imbidendi sa genti a pigai parti a su corteu partiu de pratza Garibaldi. Ant dimustrau puru is precarius de s’iscola de su Cumitau de Casteddu e de su Cordinamentu de Aristanis. Sighi a ligi ‘Istrutzioni. In Casteddu in 700 contra a s’”iscola-miséria”. Cumentzat sa campagna Cobas po denunciai “illegalidadi in istitutus”’

Sanidadi. Bandu po sa presentada de progetus po torrai a insertai is drogaus

(IlMinuto) – Casteddu, 15 de su mes”e ledàminis – Cumentzat su progetu “Reli” po torrai a insertai is drogaus. S’Assessorau regionali de sa Sanidadi at difatis pubblicau su bandu de propostas po su progetu natzionali finantziau de su Dipartimentu políticas antidroga de Presidéntzia de su Consillu de is Ministrus. Sighi a ligi ‘Sanidadi. Bandu po sa presentada de progetus po torrai a insertai is drogaus’

Informatzioni, aMpI: “Prontus a afrontai dogn’acusa fabbricada contra a nos de comunistas e indipendentistas. Sa chistioni bera est ca a s’Itàlia su traballu políticu nostru no praxit”

(IlMinuto) – Casteddu, 15 de su mes”e ledàminis – “De Angelis: cumpòniri su scontróriu in basi a sa necessidadi de sa colonizatzioni”. Est custu su títulu de su documentu de a Manca pro s’Indipendenzia chi cummentat is novas bessias in s’úrtima cida asuba de cussus chi definit “giornalis e telegiornalis regionalistas/italianistas”. “Su nòmini de s’organizatzioni política nostra – precisat su Diretivu políticu de aMpI – esti stetiu bogau a pillu po is acontéssias chi ant biu comenti protagonista su magistrau Paolo De Angelis. Connosceus su sennori De Angelis po mori de s’operatzioni de scontróriu políticu de su 2006 lamada Arcadia. Operatzioni chi at biu 10 arrestus e 54 investigaus in s’albéschida de s’11 de su mes”e argiolas, medas de custus, dirigentis, militantis e iscritus a s’organizatzioni nostra”. Sighi a ligi ‘Informatzioni, aMpI: “Prontus a afrontai dogn’acusa fabbricada contra a nos de comunistas e indipendentistas. Sa chistioni bera est ca a s’Itàlia su traballu políticu nostru no praxit”’

Traballu: isciòpiru de sa Fiom in difesa de su cuntratu natzionali. Cras delegatzioni sarda a sa manifestada de Roma

(IlMinuto) – Casteddu, 15 de su mes”e ledàminis – Fiom in isciòpiru. Oi is operàjus metalmecànicus de sa Sardigna no ant a andai a traballai po cuatru oras in dognunu de is tres turnus. “Is arrexonis de s’isciòpiru – si ligit in d’una nota sindacali – funt is próprius de sa manifestada aprontada de su sindacau de categoria natzionali in Roma custu sàbudu, a custa at a participai una delegatzioni sarda”. Sighi a ligi ‘Traballu: isciòpiru de sa Fiom in difesa de su cuntratu natzionali. Cras delegatzioni sarda a sa manifestada de Roma’

Sagras: Bidda Matzràxa afestat sa ‘Sagra de is matas de Obias millenariu de S’Ortu Mannu’

(IlMinuto) – Casteddu, 15 de su mes”e ledàminis – S’at a tenni ingíriu de su Casteddu de Gioiosa Guardia, aintru de Bidda Matzràxa, sa “Sagra de is matas de is  Obias millenarias de S’Ortu Mannu’. Sa manifestada, aprontada de su Comunu de Bidda Matzràxa, s’at a tenni tra stands allestius po permítiri atastus a gratis de obias e casu de su logu e – si ligit in d’una nota – “at a donai s’ocasioni a is participantis no scéti de pigai cos”e papai, ma puru de assistiri e participai a diversas atividadis”. Sighi a ligi ‘Sagras: Bidda Matzràxa afestat sa ‘Sagra de is matas de Obias millenariu de S’Ortu Mannu’’