> 2010 mes’e ledàminis 18 | ilMinuto

Archíviu de sa diri 18/10/2010

Is prus lígias in língua sadra de cida passada

Collettivo Anticapitalista Sardo: “AMpI e Bruno Bellomonte miras de atacus pagu pulius de parti de is ‘media’”

(IlMinuto) – Casteddu, 11 de su mes”e ledàminis – “A Manca pro s’Indipendentzia est unu partidu políticu chi traballat asuta de sa luxi de subi po sa soverania e s’indipendentzia de sa Sardigna, e no tenit bisóngiu de fai ingestus cali s’ammustiadura de murus o peus ancora su dannu de domus po tenni s’atentzioni asuba de is próprius atzionis”. ()

Arrumpellamentu nou in su Cpa de Su Masu. Arrestaus e pistaus diversus immigraus. aMpI: “Itàlia logu ratzista furiosu”. Sinistra critica: “Serrai debressi cussu presoni”

(IlMinuto) – Casteddu, 12 de su mes”e ledàminis – Dexi “clandestinus” arrestaus e unus cantu immigraus pistaus. Est custu su bilànciu de su scontróriu de s’arrumpellamentu de pagu prus de 100 furisteris aghillius in cussu ca lamant “Centru de primu acasàgiu” de Su Masu. ()

Informatzioni, aMpI: “Prontus a afrontai dogn’acusa fabbricada contra a nos de comunistas e indipendentistas. Sa chistioni bera est ca a s’Itàlia su traballu políticu nostru no praxit”

Sighi a ligi ‘Is prus lígias in língua sadra de cida passada’

Presonis: protesta de is famílias de is presoneris a fac”e Buoncammino. Loddo (5 novembre): “Destrossa sanitaria”

(IlMinuto) – Casteddu, 18 de su mes’e ledàminis – Si rennovat s’atóbiu de sa cida de is parentis de is presoneris a fac”e su presoni de Buoncammino, in Casteddu. S’atóbiu de oi (13.30, a fac”e s’intrada de su presoni), acrarat Roberto Loddo de s’assótziu 5 novembre, est perou de importu mannu. “Depeus essi totus ingunis”, afirmat Loddo. “Totus is personis chi tenint coru e is assótzius chi difendint diri po diri is diritus civilis  de is presoneris tenit su doveri de participai”.

Sighi a ligi ‘Presonis: protesta de is famílias de is presoneris a fac”e Buoncammino. Loddo (5 novembre): “Destrossa sanitaria”’

Processu Bellomonte: bitória de sa difesa asuba de is intercetatzionis. Su 21 sa cuarta udiéntzia

ampi processo roma viterbo(IlMinuto) – Casteddu, 18 de su mes’e ledàminis – Sighit su processu a Bruno Bellomonte, “indipendentista presoneri”. Sa cuarta udiéntzia est in programma po gióbia chi benit, 21 de su mes”e ledàminis, in Roma (pratza Clodio, 9.30). Sa borta passada est a nai su 7 de su mes”e ledàminis, in su coru de sa setziàda ddoi esti stetia ancora una borta sa chistioni de is intercetatzionis. “In s’udiéntzia passada – si ligit in sa relata fatta connosci de s’Ufíciu de imprenta de aMpI – is abbogaus de sa difesa iant otentu ca is basis audiu fessant limpiadas de cussus chi benint lamaus brogliatzus, chi àterus no funt ca is trascritzionis. Annotatzionis allegadas de is inquisidoris unint is signalis audiu chi poi benint ascurtaus”. Notas ca, precisat sa relata, “podint influentzai s’ascurtu nou de is intercetatzionis e  trascritzionis noas giusta,  trascritzioni chi ant dimandau is abbogaus de sa difesa a sa Corti”. Sighi a ligi ‘Processu Bellomonte: bitória de sa difesa asuba de is intercetatzionis. Su 21 sa cuarta udiéntzia’

Aciocu tra Prc e Pdci asuba de sa Giunta de Nùgoro. “Giovanna Ticca rapresentat a totu sa ‘Federazione della Sinistra’”

(IlMinuto) – Casteddu, 18 de su mes’e ledàminis – Aciocu opertu in sa ‘Federazione della Sinistra’ de sa Sardigna asuba de s’acuntéssia Nùgoro. A is declaratzionis púbblicas de su consilleri provintziali de su Pdci, Massimiliano Vacca (“in custu momentu no s’intendeus rapresentaus in Giunta”), chi dimandat in is fattus is dimissionis de s’assessori de Rifondazione Giovanna Ticca, arrespundint is capus mannus de su Prc sardu.
“Sa segreteria regionali de su Prc – si ligit in d’una nota de imprenta – no bit beni sa dimanda de dimissionis [...]. Custa dimanda no agatat nesciuna giustificatzionis, no ndi tenit política e nemmancu amministrativa. S’atzioni positiva portada ainnantis in custus pagus mesis de atividadi fatta in sa Giunta Provintziali e in d’unu contestu meda difícili iat a depi portai prus arrespetu”. Sighi a ligi ‘Aciocu tra Prc e Pdci asuba de sa Giunta de Nùgoro. “Giovanna Ticca rapresentat a totu sa ‘Federazione della Sinistra’”’

“Operatzioni arrius”: in Pasada arribbat sa campagna de Legambiente po su prevenimentu de smuronamentus e strasuras

(IlMinuto) – Casteddu, 18 de su mes’e ledàminis – Arribbat in Sardigna “Operazione fiumi 2010″, sa campagna de Legambiente e de se Dipartimentu de sa Protetzioni Civili po su prevenimentu de smuronamentus e strasuras. “Sa campagna de Legambiente fatta bidda po bidda – acrarat s’assótziu ecologista in d’una nota de imprenta – at a atobiai in is pratzas a is piciocus e a is piciocas de is iscolas elementaris e medias po acrarai, atressu de una mostra allestia e unu camminu didàticu aprontau cun giogus e àteras atividadis, ita tocat a fai po ammenguai su perígulu de smuronamentus e strasuras”. Sighi a ligi ‘“Operatzioni arrius”: in Pasada arribbat sa campagna de Legambiente po su prevenimentu de smuronamentus e strasuras’