> 19 « mes’e ledàminis « 2010 « ilMinuto – notizie Mediterranee – edizione Sardegna

Archíviu de sa diri 19/10/2010

Arrocau su Consillu regionali. Is pastoris blocant is intradas de su palatzu de bia Roma. Floris: “Fadeisì intrai. O no eis a bessiri”

movimento pastori sardi(IlMinuto) – Casteddu, 19 de su mes”e ledàminis – “Si issus no bollint is pastoris aintru de su Consillu regionali insaras no ddus esus lassai bessiri. Ingiriaus su palatzu”. Cun custus fueddus – naus de asuba de su palcu fattu in su momentu – su leader de Mps, Felice Floris, at donau su cumentzu a s’arrocamentu de su Consillu regionali de sa Sardigna, in Casteddu.

Abetendi de essi arricius de sa Cummissioni “Agricoltura” de su palatzu de bia Roma, is allevadoris (chi in pagu prus de 5 milla ant atravessau is bias de sa citadi in d’unu corteu paxiosu e carraxeri) ant difatis blocau dogn’intrada de s’assembrea de su pópulu sardu.

A s’arribbu insoru ant agatau unu palatzu giai presidiau de casi 100 politziotus e carabineris . Ma cali funt is dimandas de Mps? Su Movimentu guidau de Floris dimandat s’arrispetu de is impignus pigaus de sa Giunta regionali in s’atóbiu de sa metadi de su mes”e cabudanni, a cumentzai de sa de minimis. Sighi a ligi ‘Arrocau su Consillu regionali. Is pastoris blocant is intradas de su palatzu de bia Roma. Floris: “Fadeisì intrai. O no eis a bessiri”’

Istrutzioni: 5,8 millionis de euru a is comunus donaus po pigai líbburus de iscola

soldi ai comuni per libri inclusione disabili(IlMinuto) – Casteddu, 19 de su mes”e ledàminis – 5,8 millionis de eurus po sa furnidura de líbburus de iscola in favori de is istudiantis prus pòberus. Est cantu at donau ariseru una delíbbera aprovada de sa Giunta regionali a pabas de una proposta fatta de s’assessori de sa “Pubblica Istruzione” Sergio Milia. “In su specificu, po s’annu iscolasticu 2010/2011 – si legit in d’una nota de imprenta – ant essi donaus a is comunus casi 3,3 millionis de eurus po sa fornidura a gratis o casi totu a gratis de is líbburus de iscola po is scientis chi faint s’iscola media e po cussus chi faint is iscolas superioris. 2,5 millionis de eurus ant essi donaus in forma de contribbutu a is iscolas superioris de sa Sardigna po sa furnidura de líbburus in comodau a is istudiantis chi tenit pagu dinai”. Sighi a ligi ‘Istrutzioni: 5,8 millionis de euru a is comunus donaus po pigai líbburus de iscola’

Universidadi: Tar Sardigna bullat su recursu contra a sa suspensioni de is istudiantis “chi no funt ativus”. S’udiéntzia su 9 de su mes”e paschixèdda

(IlMinuto) – Casteddu, 19 de su mes”e ledàminis – Sa primu sessioni de su Tribbunali amministrativu regionali de sa Sardigna, cun sedi in Casteddu, at bullau sa dimanda de suspensioni de su Decretu de su Retori (456/10) in matéria de carriera, sa carriera de is istudiantis de s’Ateneu casteddaiu, e po su prus in matéria de decaidura de cussus “chi no funt ativus”. Contra a su provedimentu – narendi ca “no si cambiant is arregulas de su giogu candu sa partida est giai cumentzada” – si furiat arringherau puru su su grupu de is istudiantis de s’Uxs. Sighi a ligi ‘Universidadi: Tar Sardigna bullat su recursu contra a sa suspensioni de is istudiantis “chi no funt ativus”. S’udiéntzia su 9 de su mes”e paschixèdda’

Sardigna ísula “fràgili”. Legambiente: “308 comunus a arriscu smuronamentu e strasura”

(IlMinuto) – Casteddu, 19 de su mes”e ledàminis – Po dexi comunus sardus otu funt a arriscu mannu de smuronamentus o strasuras. Ddu denunciat cun d’una nota Legambiente, chi in custas diris promovit in s’ísula s’”Operatzioni arrius”. “Funt 306 – di ligit in d’una nota – is comunus sardus a arriscu mannu po mori de is arrius pagu curaus, est a nai s’81 po centu de su totali. Tra is seti capoluogus sardus – precisat s’assótziu ambientalista – a su primu postu comenti Provìntzias prus fràgili ddoi funt cussas de Terranòa-Tèmpiu e  de Ogiastra, chi faint registrai tot”e is duus su 96 po centu de is amministratzionis classificadas a arriscu”. Sighi a ligi ‘Sardigna ísula “fràgili”. Legambiente: “308 comunus a arriscu smuronamentu e strasura”’

“Atóngiu in Barbàgia”: in Arìtzu torrat s’apuntamentu cun sa Sagra de is castàngias

aritzo festa autunno in barbagia(IlMinuto) – Casteddu, 19 de su mes”e ledàminis – Grandu festa in Arìtzu su 30 e su 31 de su mes”e ledàminis. In sa bidda in provìntzia de Nùgoro s’atóngiu at essi coronau de sa famosa Sagra de sa castàngia. S’apuntamentu s’at a tenni in concomitantzia cun sa frimmada de sa manifestada “Atóngiu in Barbàgia”. Sighi a ligi ‘“Atóngiu in Barbàgia”: in Arìtzu torrat s’apuntamentu cun sa Sagra de is castàngias’