> 2010 mes’e ledàminis 22 | ilMinuto

Archíviu de sa diri 22/10/2010

In primu pranu: lota de is pastoris. Floris (Mps): “Cida chi benit torra in Casteddu. Eus essi 20milla”. Sa solidariedadi de is istudiantis e de su Pdac

(IlMinuto) – Casteddu, 22 de su mes”e ledàminis – Mps no mollat. Cida chi benit, gióbia o cenàbara, is pastoris de su Movimentu guidau de Felice Floris ant essi torra in Casteddu po otèniri is arrespustas bófias e chi sa política de pit donai. A cumentzai de is 15milla eurus po aziendha de sa de minimis. “Totu sa Sardigna – at declarau Floris – at essi in pratza. Eus essi assumancu 20milla”. A sa lota de is pastoris est arribbada puru sa solidariedadi de is “Istudiantis contra a sa crisi” de s’Universidadi de Casteddu e de su Pdac Sardigna. “Scéti acapiendi il lotas de operàjus, pastoris e istudiantis – si ligit in sa nota de su grupu universitariu – at essi possíbbili cambiai s’acuntéssia e costruiri impari unu modu nou de biri su traballu e s’istrutzioni”. Sighi a ligi ‘In primu pranu: lota de is pastoris. Floris (Mps): “Cida chi benit torra in Casteddu. Eus essi 20milla”. Sa solidariedadi de is istudiantis e de su Pdac’

In primu pranu: lota de is pastoris. Sa denúntzia de aMpI. “Allevadori de Sarule pistau de sa politzia”

pestaggio allevatore di sarule(IlMinuto) – Casteddu, 22 de su mes”e ledàminis – “In su noti de su 19 de su mes”e ledàminis, unu pastori de Sarule chi fait parti de s’Mps e chi torrada a domu a tradu mannu a pustis de sa manifestada de Casteddu cun ancora in pitzus sa maglieta blu de su Movimentu, esti stetiu frimmau de una patrúglia de sa politzia italiana in s’iscasciadorzu de Otzàna . Esti stetiu imbidau a donai is documentus e a acrai de aundi furiat arribbendi. Su pastori s’est arrefudau de arrespundi a cussu chi furiat a totus is efetus unu pregontu e esti stetiu arropau de mala chinta. A pustis esti stetiu portau in caserma, e ingunis esti stetiu fattu ogetu de àterus cropus, infatu esti stetiu lassau in d’un’ispidali, e de innoi at lamau s’abbogau e is parentis”. Est cantu debunciat cun d’unu comunicau de imprenta su Diretivu políticu natzionali de a Manca pro s’Indipendentzia. Sighi a ligi ‘In primu pranu: lota de is pastoris. Sa denúntzia de aMpI. “Allevadori de Sarule pistau de sa politzia”’

“Eus bintu su cuncursu. Fadeisì traballai!”. Presidiu de is Operadoris sóciu sanitarius a fac”e s’Assessorau de sa Sanidadi

oss lavoratori(IlMinuto) – Casteddu, 22 de su mes”e ledàminis – “Eus bintu su cuncursu e teneus su diritu de traballai”. Iat a podi essi resumiu cun custa frasi su pensu de is casi 70 Oss (Operadoris sóciu sanitarius) ca ariseru a mangianu ant protestau a fac”e sa sedi de s’assessorau de sa “Sanità” in Casteddu, cun s’agiudu de su sindacau de basi Usb. Sa denúntzia est crara. Is aziendhas sanitarias, in veci chi pigai is bincidoris de is cuncursus, pigant personali de is agentzias interinalis. “Po satisfai a is abbisóngius donaus de s’ausétzia de operadoris – si ligit in d’una nota sindacali de s’Usb – is Aziendhas sanitarias in veci de pigai de is graduatorias, pigant fissu is interinalis e ddis faint fai su traballu de is Oss mancai no siant qualificaus”. Traballu in afitu chi, a contus fattus, costat meda de prus a is busciacas de sa Regioni. Sighi a ligi ‘“Eus bintu su cuncursu. Fadeisì traballai!”. Presidiu de is Operadoris sóciu sanitarius a fac”e s’Assessorau de sa Sanidadi’

Su fueddu a is traballantis. Cras in Crabònia dibbata asuba de sa crisi “a pustis de su sdorrobbatóriu”

Dopo il saccheggio cosa rimane carbonia(IlMinuto) – Casteddu, 22 de su mes”e ledàminis – “Dopo il saccheggio cosa rimane?”. Est custu su títulu de s’assembrea aprontada po cras in Crabònia (16.30, Bibblioteca comunali de arburada Arsa) de su Collettivo Anticapitalista Sardo. A s’atóbiu – guidau de Salvatore Drago e introdusiu de su “Minatore rosso” Antonello – ant a participai Sergio Murenu (Rsu Eurallumina), Nicola Tradori (cassintegrau ex istabilimentu industriali po sa produtzioni de su tzúcaru Biddesorris), Roberto Loddo (Rsa call center Kistio), Rossella Vacca (Precaria de s’iscola) e Luigi Manca (Rsu Carbosulcis). Totus is citadinus funt imbidaus a participai. Sighi a ligi ‘Su fueddu a is traballantis. Cras in Crabònia dibbata asuba de sa crisi “a pustis de su sdorrobbatóriu”’

“Zwx”, unu videogiogu po “salvai sa terra”. Sighit sa campagna de educatzioni ambientali de sa provìntzia de Casteddu

(IlMinuto) – Casteddu, 21 de su mes”e ledàminis – Sighit sa campagna de educatzioni ambientali de sa Provìntzia de Casteddu, una campagna fatta po su prus po is istudiantis de is iscolas medias e po cussus de is iscolas superioris. Sa cosa aprontada de s’Assessorau a is “Assessorato Politiche Energetiche, Ambientali ed Economia Verde”, est cumentzada s’8 de su mes”e ledàminis e at a sighiri po un’annu. In su coru de su progetu ddoi est s’impitu de unu videogiogu educativu lamau “Zwx: salviamo la terra” fattu totu de sa Provìntzia chi si podit scarrigai de su giassu istitutzionali. Sighi a ligi ‘“Zwx”, unu videogiogu po “salvai sa terra”. Sighit sa campagna de educatzioni ambientali de sa provìntzia de Casteddu’