> 2010 mes’e ledàminis 25 | ilMinuto

Archíviu de sa diri 25/10/2010

Is prus lígias in língua sadra de cida passada

lingua sarda

Ollastru, aciàrxu e mànigus de corru de búfalu e gnu. “PelleSarda” contat su gorteddu sardu de su 2010. Tra fatigas, cicas e passioni

“Sa cultura sarda s’at tramandau una bidea de gorteddu biu comenti ‘amigu fidau’, un’amigu cun su cali cundivídiri atus e momentus, in veci de essi unu simpli istrumentu de traballu”. ()

Arrocau su Consillu regionali. Is pastoris blocant is intradas de su palatzu de bia Roma. Floris: “Fadeisì intrai. O no eis a bessiri”

(IlMinuto) – Casteddu, 19 de su mes”e ledàminis – “Si issus no bollint is pastoris aintru de su Consillu regionali insaras no ddus esus lassai bessiri. Ingiriaus su palatzu”. ()

In primu pranu: lota de is pastoris. aMpI smincit a su cuestori Mulas. “Tra is arrestaus un’iscritu nostru? No si parrit. A Manca presenti a dógnia manifestada de Mps”

(IlMinuto) – Casteddu, 21 de su mes”e ledàminis – “Eus scipiu de is fueddus de su cuestori de Casteddu Salvatore Mulas ca tra is arrestaus a sa manifestada de su Mps, ddoi est unu bugoni, est a sciri un’iscritu de A Manca pro s’Indipendentzia. Custu po immoi no s’arresurtat”. ()

Sighi a ligi ‘Is prus lígias in língua sadra de cida passada’

Traballantis Geos ancora asuba de sa cabertura de s’istatzioni de Casteddu: ferruvia a arriscu paràlisi. Sa solidariedadi de aMpI: “Fadeus su Partidu de is Traballadoris Sardus”

(IlMinuto) – Casteddu, 25 de su mes”e ledàminis – Funt 104 is traballantis de sa Geas – dita de apaltu de su Grupu Manzoni chi si ocupat de s’allichidimentu de is vagonis de is trenus – chi no arricint su stipendiu de mesis. De mérculis passau unu grupu de operàjus at ocupau su terratzu de s’Istatzioni de is Ferruvias de su Stadu de Casteddu, in bia Roma, pedint su pagamentu de is arretraus. De oi sa firmada de is serbítzius de s’aziendha est portendi a sa partziali paràlisi de sa retza ferruviaria sarda (funt giai 13 is cursas annulladas custu mangianu).
A is traballantis de sa Geas est arribbada sa solidariedadi de a Manca pro s’Indipendentzia. Is traballantis – scririt su diretivu políticu de aMpI – “no arricint su stipendiu po mori de un’abbétiu tra Geas e Trenitalia chi si passant de s’unu a s’àteru sa responsabbilidadi. Custu est su modellu de sa Sardigna coloniali chi bit is traballantis de totus is cumpartus scéti comenti s’última arroda de su carru, traballantis chi no tenit boxi in sa gestioni política de su poteri”. Sighi a ligi ‘Traballantis Geos ancora asuba de sa cabertura de s’istatzioni de Casteddu: ferruvia a arriscu paràlisi. Sa solidariedadi de aMpI: “Fadeus su Partidu de is Traballadoris Sardus”’

Lota de is pastoris. Mps a sa Nuova: “Ancora una nova falsa”. Arregorta de dinai po Fresi

pastore perso occhio(IlMinuto) – Casteddu, 25 de su mes”e ledàminis – Roberto Fresi, su pastori fertu de unu lacrimogenu in sa càrriga de sa politzia de su merì de su 19 de su mes”e ledàminis in Casteddu, at pérdiu sa bista a un’ogu. Su Mps at cumetzau un’arregorta de dinai in favori de s’allevadori (causale “solidarietà per Roberto”. Cordinadas bancarias IBAN: IT86N0101584970000070258118; codici Swift: SARDIT3SXXX; contu intestau a Natalino Sanna, Marta Pala e Gavino Mario Piras). In su trastempus sighit – nonostanti un’atóbiu informali tra su leader de su Movimentu Felice Floris e su presidenti de sa Regioni Ugo Cappellacci chi s’est tentu custu mangianu – s’ocupatzioni de parti Mps de s’àula de sa Cummissioni “Agricoltura” de su Consillu regionali. A pustus de sa fortuna de sa “noti bianca” de sàbudu (centinas de personis ant portau sa solidariedadi insoru a is pastoris asuta de is pórcius de su Consillu regionali), sa cida de su Movimentu de Felice Floris s’oberrit cun d’una smincida noa a una nova pubblicada de su giornali sardu de su grupu Espresso. Sighi a ligi ‘Lota de is pastoris. Mps a sa Nuova: “Ancora una nova falsa”. Arregorta de dinai po Fresi’

1.500 firme per salvare gli alberi di piazza Garibaldi, “memoria storica della città”

(IlMinuto) – Casteddu, 25 de su mes”e ledàminis – “Salvai e avalorai totus is 33 ficus-retusa de pratza Garibaldi”. Cun custu obbietivu mérculis passau una delgatzioni de su Cumitau “Piazza Garbilaldi” at presentau a Sandro Corsini, presidenti de su Consillu comunali de Casteddu, un’apellu firmau de 1500 personis chi funt contràrias a ndi liai unus cantu matas, progetu previdiu po torrai a fai s’area.
Is 33 ficus-retusa – si podit ligi in s’apellu – rapresentant – “una bellesa manna, espressant una parti importanti de sa mimória istorica de sa citadi e creant unu clima bellu po sa saludi e importanti poita favoressit a s’atóbiu e a s’amigàntzia tra citadinus de is diversus inzénnerus”. Sighi a ligi ’1.500 firme per salvare gli alberi di piazza Garibaldi, “memoria storica della città”’

Lota de is pastoris. Sperantzia de Libertadi: “Mulas, Cappellacci e Prato: est ora de lassai s’incàrrigu”

solidarietà mps(IlMinuto) – Casteddu, 25 de su mes”e ledàminis – Su cuestori de Casteddu, Salvatore Mulas, depit lassai s’incàrrigu debressi e sa mantessi cosa depint fai su presidenti de sa Regioni Sardigna, Ugo Cappellacci e s’assessori de s’”Agricoltura” Andrea Prato. Est cussu chi pedit cun d’una nota de imprenta Sperantzia de Libertadi, su movimentu de is giòvanus de Sardigna Natzione. “Po sa manifestada de su 19 de su mes”e ledàminis – si ligit in su comunicau – su Stadu italianu at fattu biri ancora una borta cun craresa sa volontadi chi tenit de scuntroriai a su pópulu sardu atressu de su tentativu de indebbilitai sa resisténtzia de is pastoris, est a nai de sa genti chi rapresentat su coru de sa chistioni sarda”. Sighi a ligi ‘Lota de is pastoris. Sperantzia de Libertadi: “Mulas, Cappellacci e Prato: est ora de lassai s’incàrrigu”’