> 2010 mes’e ledàminis 26 | ilMinuto

Archíviu de sa diri 26/10/2010

Arrebustu: Marmellada de àxina

Sighi a ligi ‘Arrebustu: Marmellada de àxina’

Lota de is pastoris. Mps sighit s’ocupatzioni de su Consillu. Zuncheddu (Rm): “Su dinai ddoi est: su stadu italianu si depit 1,6 milliardus

(IlMinuto) – Casteddu, 26 de su mes”e ledàminis – “Su Movimentu pastoris, chi ocupat de una cida sa saba de sa Cummissioni “Bilancio” de su Consillu regionali de sa Sardigna in Casteddu, at decídiu de fai acabbai s’ocupatzioni, scéti a pustis de s’atóbiu cun is ‘meris’ programmau po cras martis 26″. Ddoi furiat scritu aici in su comunicau fattu connosci de Mps in su merì de ariseru, aici esti stetiu. Biu s’auséntzia de disponibilidadi de is capus de su grupu de su Pdl a atobiai a sa delegatzioni de su “Movimento Pastori Sardi” primu de si ndi andai de sa Cummissioni “Bilancio”, Felice Floris at annunciau – chi no ddoi funt novidadis – s’ocupatzioni at a sighiri e s’at a fai puru sa manifestada. Asuba de sa Chistioni at fueddau puru Claudia Zuncheddu, presidenti e consilleri regionali de is Rossomori. Sighi a ligi ‘Lota de is pastoris. Mps sighit s’ocupatzioni de su Consillu. Zuncheddu (Rm): “Su dinai ddoi est: su stadu italianu si depit 1,6 milliardus’

“Indipendence day”. Cumpostu (Sni) si ndi stresiat de s’eventu. “Eus dimandau unu rinviu e no s’eis nemmancu arrespustu”

indipendance day(IlMinuto) – Casteddu, 26 de su mes”e ledàminis – “Indipendence day”. Est custu su nòmini de sa “caminada longa indipendentista” chi s’at a tenni su 27 de su mes”e totussantus chi benit in Sardigna. Sa manifestada esti stetia pensada de unu grupu de militantis inidipendentistas senz”e partidu, ambasciadori Filippo Grecu. De s’eventu s’est stresiau Bustianu Cumpostu, cordinadori de Sardigna Natzione Indipendentzia.
“Pigu atu – scririt Cumpostu – chi s’imbidu de Sni, cundividiu de àterus movimentus indipendentistas, de lassai stai a un’àteru tempus s’eventu po podi aici cumentzai unu processu de preparatzioni cundividia, no esti stetiu scéti ignorau ma no esti stetiu nemmancu dignau de un’arrespusta”. Sighi a ligi ‘“Indipendence day”. Cumpostu (Sni) si ndi stresiat de s’eventu. “Eus dimandau unu rinviu e no s’eis nemmancu arrespustu”’

Sanidadi. Espa e Bruno (Pd): “De sa Giunta 25 millionis liaus a is progetus po is invàlidus grais. In migliaja senz”e assistu”

pd espa tagli assistenza(IlMinuto) – Casteddu, 26 de su mes”e ledàminis – Sa decisioni de sa Giunta regionali de ndi liai is 25 millionis de eurus chi furiant destianus a is progetus po is invàlidus grais arriscat de lassai “migliaja de personis e is famílias insoru senz”’e agiudu”. Est cantu denunciant cun d’una nota is consilleris regionalis de su Pd Marco Espa e Mario Bruno. “Ligendi sa delíbbera aprovada de sa Giunta – scrirint is duus consilleris – est craru su tentativu de arresparmiai risorsas. Si s’annu passau funti stetius donaus 116 millionis de eurus po 28.351 progetus a dógnia síngulu, oi sa Giunta regionali decidit de cambiai is critérius de assignadura de is risorsas ponendi unu límiti de 91 millionis de eurus”. Sighi a ligi ‘Sanidadi. Espa e Bruno (Pd): “De sa Giunta 25 millionis liaus a is progetus po is invàlidus grais. In migliaja senz”e assistu”’

Ocupatzioni de s’ex Cuestura de Tàtari. Pcl solidariedadi a is giòvanus artistas: “Amministradoris difensoris fariseus de sa ‘propriedadi’”

ex questura sassari occupazione(IlMinuto) – Casteddu, 26 de su mes”e ledàminis – “Sa dinúntzia fatta de parti de s’assessori provintziali Manca a is carabineris contra a is giòvanus artistas, intelletualis e traballantis de s’arti chi ocupant s’ex Cuestura de Tàtari est un’esémpiu de tontímini burocraticu e de totali tzaracumini a su diritu a sa propriedadi”. Est cantu afirmat cun d’una nota sa setzioni provintziali de Tàtari de su Partito comunista dei lavoratori. Sighi a ligi ‘Ocupatzioni de s’ex Cuestura de Tàtari. Pcl solidariedadi a is giòvanus artistas: “Amministradoris difensoris fariseus de sa ‘propriedadi’”’