> 27 « mes’e ledàminis « 2010 « ilMinuto – notizie Mediterranee – edizione Sardegna

Archíviu de sa diri 27/10/2010

Presonis. Caligaris (Sdr): “Su dap ndi tirit su blocu a s’ispesa sanitaria”

assistenza medica(IlMinuto) – Casteddu, 27 de su mes”e ledàminis – “Su Dipartimetu de s’Amministratzioni penitentziària no tenit prus arrexonis de mantèniri su blocu de s’ispesa sanitaria chi de casi 20 diris custringit is presoneris a renuntziai a s’assistu in is centrus crínicus de Casteddu e de Tàtari e a patiri sa suspensioni de is controllus médicus”. Est cantu afirmat in d’una nota Maria Grazia Caligaris, presidenti de s’Assótziu “Socialismo, Diritti e Riforme”, a pustis de s’aprou, de parti de sa Giunta regionali, de unu disignu de lei po afrontai sa cosa.
Su provedimentu – acrarat sa rapresentanti socialista – est giai stetiu insertau in s’odg de su Consillu regionali e finatziau cun 500milla eurus. Sighi a ligi ‘Presonis. Caligaris (Sdr): “Su dap ndi tirit su blocu a s’ispesa sanitaria”’

Terremotu in Irs: sa segretària Demuru si dimitit in cundierra cun su presidenti Sale

dimissioni direttivo(IlMinuto) – Casteddu, 27 de su mes”e ledàminis – Tensioni tra is capus mannus de Irs. Domínigu passau – in s’assembrea natzionali de s’organizatzioni, chi s’est tenta in Tramatza – sa segretària Ornella Demuru e  totus cussus de s’Esecutivu Bobore Bussa, Frantziscu Sanna, Franciscu Pala, Andrea Meloni, Franciscu Sedda e Giuliu Cherchi ant donau is dimissionis de is incàrrigus. Dimissionis arribbas a pustis de s’interventu de Gavino Sale, presidenti de Irs, chi at postu in discussioni senz”e medas gírius sa “gestioni Demuru”, dimandendi a is capus mannus de torrai a donai su poderi a s’assembrea de is ativistas. Sighi a ligi ‘Terremotu in Irs: sa segretària Demuru si dimitit in cundierra cun su presidenti Sale’

Língua sarda: In Casteddu sa presentada de su Curregidori regionali ortogràficu

correttore lingua sarda(IlMinuto) – Casteddu, 27 de su mes”e ledàminis – “Curregidori regionali ortogràficu de sa língua sarda” est custu su títulu de su seminàriu in programma po custu mangianu in Casteddu (10.00, Bibblioteca regionali de sa Sardigna). S’apricu po su Pc de su Curregidori ortogràficu (Cros) – precisat una nota de Imprenta – si podit pigai de su giassu e si podit impitai in totus is sistemas operativus e arrespundit a sa necessidadi de curregi fueddus in sa scritura normali de testus e de documentus in língua sarda”. Sighi a ligi ‘Língua sarda: In Casteddu sa presentada de su Curregidori regionali ortogràficu’

“Firmamus sa Caserma!”, aMpI in pratza in Nùgoro contra a s’”iscola de gherra” de sa Brigata Sassari. Apellu a is “fortzas sentzeras”

caserma brigata sassari nuoro(IlMinuto) – Casteddu, 27 de su mes”e ledàminis – Sighit sa batalla de aMpI contra a su fàbbricu de sa caserma de sa Brigata Sassari in Pratosardo. Po nai no a unu progetu cundividiu de centrudestra (su sotosegretàriu a sa ‘Difesa’ Giuseppe Cossiga e su deputau Bruno Murgia) e de su centrusinistra (su síndhigu de Nùgoro Sandro Bianchi), s’organizatzioni comunista e indipendentista at aprontau una manifestada in Nùgoro. S’apuntamentu est po sàbudu chi benit a is 17.00. Su corteu s’at a movi de s’arruga arburada Sardegna, a fac”e Artilleria.
“Po s’arrenéscia de sa manifestada – scririt aMpI in d’una nota de imprenta – lamaus a arregorta is fortzas sentzeras de sa natzioni sarda  e imbidaus a totus cussus chi funt acapiasus a custas chistionis a cabai in pratza portendi is caboris insoru, is próprias bandheras e su própriu contribbutu de anàlisi e de propostas”. Políticus, militaris e giornalis – denunciat a Manca – faint passai custa frimmada noa de s’ocupatzioni militari de sa terra nostra comenti “ossígenu nou a un’economia de su territoriu oramai studada”. Sighi a ligi ‘“Firmamus sa Caserma!”, aMpI in pratza in Nùgoro contra a s’”iscola de gherra” de sa Brigata Sassari. Apellu a is “fortzas sentzeras”’

Mostras: su viàgiu in Sardigna de Honoré de Balzac in is líteras su scritori francesu

mostra cargeghe(IlMinuto) – Casteddu, 26 de su mes”e ledàminis – Po su 160° anniversàriu de sa morti de Balzac, sa Bibblioteca de Sardigna presentat sa mostra “Honoré de Balzac. Voyage en Sardaigne”. S’aparada, allestia in su centru culturali de Carzèghe, at a durai fintzas a su 14 de su mes”e totussantus. S’eventu, promòviu cun s’apógiu de sa Provìntzia de Tàtari e cun s’agiudu de s’Institut de France de Paris, torrat a costruiri atressu de is documentus mai pubblicaus, calencunu in primu bessida mundialli, s’abbentura de su scritori francesu in terra sarda. Sighi a ligi ‘Mostras: su viàgiu in Sardigna de Honoré de Balzac in is líteras su scritori francesu’