> 2010 mes’e ledàminis 28 | ilMinuto

Archíviu de sa diri 28/10/2010

(Italiano) All’attenzione dei lettori de ilMinuto (2)

Custu artìculu s\\\\\\\’agatat sceti in %LANG:

Políticas po sa língua. Sa proposta de s’Assessori Milia: “In Finantziaria prus dinai po s’avaloramentu de su sardu”

milia regione sardegna(IlMinuto) – Casteddu, 28 de su mes”e ledàminis – S’unu po centu no bastat. Sa Regioni Sardigna depit donai una fita prus manna de su bilànciu suus a is políticas po sa língua. Est cantu at nau ariseru in Casteddu s’assessori de sa “Pubblica istruzione”, Sergio Milia, presentendi su seminàriu de su Corregidori regionali ortogràficu sardu.
“Sa tutela e s’avaloramentu de sa língua sarda – at nau Milia – no podit no tenni una fitta seria de dinai, una fita chi esti giai stetia proposta in la sa Lei Finantziaria chi depit bessiri a nou”. Sighi a ligi ‘Políticas po sa língua. Sa proposta de s’Assessori Milia: “In Finantziaria prus dinai po s’avaloramentu de su sardu”’

“De is citadis a is periferias”: cras assembrea de aMpI in Ilàrtzi

ghilarza presentazione progetto politico(IlMinuto) – Casteddu, 28 de su mes”e ledàminis – “Sa situatzioni de sa Sardigna centrali, is lotas de is pastoris e de is àterus traballadoris sardus e sa proposta de sceberu complessivu a su colonialismu italianu e a s’economia de dipendhéntzia chi si benit imposta a sa marolla”. Ant essi custus is temas de s’atóbiu aprontau de aMpI po sa campagna “de is citadis a is periferias” chi s’at a tenni cras in Ilàrtzi (17.30, Saloni de sa ‘Società Operaia’). Sighi a ligi ‘“De is citadis a is periferias”: cras assembrea de aMpI in Ilàrtzi’

Lota de is pastoris. “Nesciuna limúsina”. Mps torrat in pratza in Casteddu a pustis de sa truncadura cun Cappellacci

protesta nuove manifestazioni(IlMinuto) – Casteddu, 28 de su mes”e ledàminis – Pastoris torra in pratza. A pustis de sa truncadura noa de is negoziatzionis cun sa Giunta regionali (arribbada arieru a merì a pustis de cinc’oras de cunfrontu in Villa Devoto) su Movimentu de is pastoris de Felice Floris at annunciau una manifestada noa in Casteddu po su 3 de su mes”e totussantus. Cras is allevadoris de Mps s’ant a agatai in Tramatza po aprontai sa mobilitada. Sa truncadura cun s’Esecutivu regionali est arribbada ancora una borta po mori de sa chistioni de is finantziamentus de minimis de 15milla eurus po aziendha. Un’àtera proposta esti arribbada de parti de su Presidenti de sa Regioni giai de su primu momentu in s’atóbiu – ant nau Floris e Ladu –  (de primu 2.500 eurus po ziendha e is àterus 5 milla intru Pasca Manna) . Custa proposta esti stetia pigada in cunsidériu de sa delegatzioni de Mps comenti “Una limúsina”. “Sminciu – at nau a pustis Cappellacci cun d’una nota de imprenta – in dógnia modu presuntas ofertas fattas a su Movimentu pastoris, po su prus a títulu de limúsina. Puru poita de totu tenit bisóngiu sa pastoria nostra atzetuau ca de providimentus caridadosus”.
In su trastempus at donau sa solidariedadi a Mps puru su grupu de artistas “forze disarmArti” chi de tempus ocupat s’Ex Cuestura de Tàtari. Sighi a ligi ‘Lota de is pastoris. “Nesciuna limúsina”. Mps torrat in pratza in Casteddu a pustis de sa truncadura cun Cappellacci’

(Italiano) Documento: lettera di Salvatore Usala ai ministri Fazio, Sacconi e Tremonti