> 2010 mes’e ledàminis 29 | ilMinuto

Archíviu de sa diri 29/10/2010

A pustis de otu notis is traballantis de sa Geas lassant sa cabertura de s’istatzioni de Casteddu: “Salvus totus is postus de traballu”

(IlMinuto) – Casteddu, 29 de su ledàminis – Batalla binta po is traballantis de sa Geas. A pustis de noi diris de mobilitada e otu notis passadas asuba de sa cabertura s’Istatzioni de is Ferruvias de Casteddu, is traballantis chi si ocupant de allichidiri is trenus funti stetius cumbintus a finiri sa protesta chi iat blocau totu su sistema de is ferruvias sardas (cun 112 cursas annulladas in sa diri de ariseru). “Seus arrennescius a otèniri su dinai po salvai is postus de traballu de totus is operàjus”, at acrarau s’assessori de is “Trasporti” Angelo Carta a is traballantis. Trenitalia at a donai 3,3 millioni de eurus po assegurai su serbítziu de netesa. Cussus chi furiant is ex traballantis Geas ant essi torra pigaus de sa dita chi at a gestiri su serbítziu. Sighi a ligi ‘A pustis de otu notis is traballantis de sa Geas lassant sa cabertura de s’istatzioni de Casteddu: “Salvus totus is postus de traballu”’

(Italiano) Documento: lettera di Bruno Bellomonte ad Antonello Tiddia dal carcere di Viterbo (17/10/2010)

Emergency po su Sierra Leone. Cras in Tàtari cumentzat sa presentada de sa campagna “un sms de paxi”

emergency(IlMinuto) – Casteddu, 29 de su ledàminis – In su 2001 Emergency at obertu unu Centru chirúrgicu in Goderich, unu burgu de Freetown, in Sierra Leone, po donai agiudu a is vitimas de una gherra civili meda maba, una gherra cumbatia a cropus de machete. Ocannu, cun s’obbietivu de fai cresci s’ispidali, s’assótziu de Gino Strada at promòviu sa campagna “45506. Unu sms de paxi po Emergency”, cun s’agiudu de unus cantu tra is prus mannas cumpangias telefonicas. In s’ocasioni de sa serradura de s’arregorta de dinai cras 30 de su mes”e ledàminis, de is 9.00 a is 20.00, is volonteris de su Grupu Emergency de Tàtai ant essi presentis in pratza de Itàlia cun d’unu bancu po informai a sa genti, unu bacu chi tenint puru s’iscopu de arregolli firmas. Sighi a ligi ‘Emergency po su Sierra Leone. Cras in Tàtari cumentzat sa presentada de sa campagna “un sms de paxi”’

Presonis: “S’afetu est unu diritu”: cumentzat s’arregorta de is firmas de s’assótziu 5 novembre e de s’Asarp

associazione 5 novembre e arsap(IlMinuto) – Casteddu, 29 de su ledàminis – Presentai una proposta de lei chi donit fiantza a su “diritu a s’afetu” de is presoneris. Cun custu obbietivu is assótzius 5 novembre e Asarp ant a donai vida a un’arregorta de firmas cun sa participatzioni de is famílias de calinucunu presoneri chi s’agatat in su presoni de Buoncammino in Casteddu.

“Po mantèniri o mellorai su raportu cun is personis chi amant – si ligit in s’artículu 1 de sa proposta – is presoneris [...] tenint diritu a una bisita a su mesi de nemmancu tres oras de fil”e pari cun su própriu maridu o cun sa própriu mulleri o cun sa própriu fancedda o facenddu senz”e nesciunu controllu de is ogus allenus chi castiant. In is presonis depint essi fattus aposentus po permiti a su presoneri de tenni relatzionis personalis e afetivas”. Sighi a ligi ‘Presonis: “S’afetu est unu diritu”: cumentzat s’arregorta de is firmas de s’assótziu 5 novembre e de s’Asarp’

Prémiu Bibliographica: cumentzat sa tertza editzioni

(IlMinuto) – Casteddu, 29 de su mes”e ledàminis – Ddoi est tempus fintzas a su 26 de su mes”e totussantus po s’iscriri a sa tertza editzioni de su Prémiu Bibliographica, unu cuncursu natzionali po pubblicai is tesis de laurea fattas mellus, cussas de specializatzioni o de master de area archivistica, bibbiografíca, bibbioteconomia e documentaria. Sighi a ligi ‘Prémiu Bibliographica: cumentzat sa tertza editzioni’