> Cappellacci bis. Zuncheddu (Rossomori): “Giunta ‘istruncada’. Escludiu su 50 po centu de sa sociedadi” « ilMinuto – notizie Mediterranee – edizione Sardegna

Cappellacci bis. Zuncheddu (Rossomori): “Giunta ‘istruncada’. Escludiu su 50 po centu de sa sociedadi”

(IlMinuto) – Casteddu, 8 de su mes”e ledàminis – “S’istruncadura de sa Giunta Cappellacci bis no est de bon’augúriu, biu ca escludit de sa participatzioni ativa prus de sa metadi de su pópulu”. Est cantu scririt cun d’una nota Claudia Zuncheddu, presidenti de is Rossomori e consilleri regionali. In su Cappellacci bis – precisat Zuncheddu – “no ddoi est una fémina. No pensu ca in su centru destra ddoi siat auséntzia de féminas de professionalidadi arta e o de àteru profilu. De seguru, sa solutzioni de sa crisi chi atraessat sa sociedadi sarda at essi ancora prus difícili senz”e s’agiudu de su cumprendóniu e de sa saviesa de is féminas”. “Su Presidenti Cappellacci – concluit sa sardista de sinistra – no castiat a sa primu crupa de su fallimentu de totu su sistema políticu  chi est s’esclusioni de is féminas, est a nai de assumancu su 50 po centu de sa sociedadi. Custa Giunta duncas est movi movi giai de sa primu intrada chi at a fai”.

© RIPRODUZIONE RISERVATA

0 Arrespustas a “Cappellacci bis. Zuncheddu (Rossomori): “Giunta ‘istruncada’. Escludiu su 50 po centu de sa sociedadi””


Is cummentus funt serraus.