> S’Universidadi de Casteddu sighit a nai no a is tàglius. Sa Turri de s’Elefanti schermu mannu de sa protesta | ilMinuto

S’Universidadi de Casteddu sighit a nai no a is tàglius. Sa Turri de s’Elefanti schermu mannu de sa protesta

protesta ricercatori(IlMinuto) – Casteddu, 12 de su mes”e ledàminis – No si frimmat sa protesta de s’Universidadi de Casteddu contra a is tàglius bófius a sa marolla de su Guvernu. A pustis de ai spostau su cumentzu de s’annu académicu de 10 diris, is presidis de is 11 facoltadis de s’Ateneu casteddaiu ant aprontau po custu merì una manifestada noa. Is símbolus e is iscritas de sa protesta ant fattu biri asuba de sa Turri de s’Elefanti. Unu corteu at a partiri a is 18.30 in Retorau “po sfilai – acrarant is aprontadoris – fintzas a su Municípiu de Casteddu e intregai a su Síndhigu, comenti rapresentanti de sa citadi, unu documentu chi ammostat su discumbéniu e is obbietivus de s’Universidadi de Casteddu”.
A sa cosa funt imbidaus a participai istudiantis, istudiosus, professoris e famílias.

© RIPRODUZIONE RISERVATA

0 Arrespustas a “S’Universidadi de Casteddu sighit a nai no a is tàglius. Sa Turri de s’Elefanti schermu mannu de sa protesta”


Is cummentus funt serraus.