> ‘Uno sguardo normale’: po s’otav’annu ‘e fil”e pari sa rassigna de cínema Glbt | ilMinuto

‘Uno sguardo normale’: po s’otav’annu ‘e fil”e pari sa rassigna de cínema Glbt

rassegna cinema tografica Glbt(IlMinuto) – Casteddu, 13 de su mes”e ledàminis – Sa rassigna de cínema “Uno sguardo normale” at a torrai in Casteddu po s’otav’annu ‘e fil”e pari. Sa manifestada culturali s’at a tenni in coincidentzia cun sa segunda “Cida contra a sa violéntzia” promòvia de su Ministeru po s’Istrutzioni, s’Universidadi e sa Ricerca – Dipartimentu po is “Pari Opportunità”, s’Arc assótziu culturali G.L.B.T. de Casteddu. Sa rassigna, chi s’at a tenni fintzas a sàbudu 16 de su mes”e ledàminis de su 2010 in su Cineteatru “Nanni Loy” de s’Ersu (domu de s’istudianti, bia Trentino – Casteddu), previdit is proietzionis de ses títulus a argumentu Glbt (gay, lesbica, bisessuali, transgender) e sa presentada de su líbburu “Maledetti froci & maledette lesbiche” de Maura Chiulli. Su ciclu de is eventus tenit s’iscopu de sensibilizai sa sociedadi asuba de is temas de is diferéntzias de orientamentus sessualis e de identidadi de genia e – si ligit in d’una nota – “asuba de sa necessidadi de arribbai a diritus civilis agualis po totus”.
Ant agiudau a a prontai s’eventu su Círculu de su Cínema Ficc, Arcinema e s’assótziu de istudiantis universitArc.

© RIPRODUZIONE RISERVATA

0 Arrespustas a “‘Uno sguardo normale’: po s’otav’annu ‘e fil”e pari sa rassigna de cínema Glbt”


Is cummentus funt serraus.