> 01 « mes’e totussantus « 2010 « ilMinuto – notizie Mediterranee – edizione Sardegna

Archíviu de sa diri 1/11/2010

(Italiano) Federazione della Sinistra. A Quartu in sei lasciano il Prc per il Pdci: “Si impegna di più per costruire un grande partito comunista”

Sighi a ligi ‘(Italiano) Federazione della Sinistra. A Quartu in sei lasciano il Prc per il Pdci: “Si impegna di più per costruire un grande partito comunista”’

Prétzius in Casteddu: +0,1 po centus in su mes”e ledàminis. Aumentus fortis po “Cos”e bufai e tabbacus” (+1,5)

(IlMinuto) – Casteddu, 1 de su mes”e totussantus – De su mes”e ledàminis sa vida e is consumus in Casteddu funt unu pagu prus carus. Segundu sa nota de imprenta mensili fatta connosci de su “Servizio Informatica e Statistica” de su Comunu, in su mes”e ledàminis s’índixi precàriu de is prétzius a su consumu est difatis aumentau de su 0,1 po centu a pustis de sa frenada de su mes”e cabudànni (-0,3). Sighi a ligi ‘Prétzius in Casteddu: +0,1 po centus in su mes”e ledàminis. Aumentus fortis po “Cos”e bufai e tabbacus” (+1,5)’

“Firmamus sa caserma”. In 200 in Nùgoro contra a “sa scola de guerra” de sa Brigata Sassari in Prato Sardo, aMpI: “No a s’ammaletzu de su sutasegretàriu a sa Difesa Cossiga”

(IlMinuto) – Casteddu, 1 de su mes”e totussantus – “Imbezes de trattores pro arare arriban carramardos e cannones e truppas de masellu de addestrare”. Custa sa scrita in su striscioni chi oberriat su corteu – casi 200 is participantis chi beniant de totu s’Ísula – de sàbudu a merì in Nùgoro contra a su Fàbbricu de sa caserma noa de Prato Sardo. Sa manifestada esti stetia lamada de A Manca pro s’Indipendentzia po denunciai su “arrecatu de su sotosegretàriu de sa difesa Cossiga, po su cali po podi tenni un’Universidadi civili nugoresa tocat costruiri una caserma militari”. Funt, difatis, 12.3 is millionis de eurus donaus de sa Regioni po s’edilitzia de is iscolas chi funt finius a finantziai su fàbbricu de un’”iscola de gherra” po aghilliri unu repartu nou de sa Brigata Sassari.
In d’una terra comenti sa Sardigna chi, tenit 24.000 ètarus de demàniu militari e prus de 12.000 ètarus de servidudis militari e chi tenit puru su  peschentu prus artu d’Itàlia de militaris a cunfrontu de sa genti chi ddoi bivit, sa costrutzioni de una caserma noa benit denunciada de is aprontadoris comenti “un’àteru atu de ocupatzioni militari”. Po totu su corteu – participau puru de is militantis de Rifondazione comunista, de su Collettivo comunista (marxista-leninista) de Nùgoro, de is Cobas Iscola, de s’Usb, de Su Sindacadu de sa Natzione Sarda, de Sinistra Critica e de sa Sinistra Unita Europea – s’est perou precisau comenti su determinu de ndi liai su dinai a su diritu a s’istudiu po costruiri una caserma pongat in luxi s’esséntzia de sa política de sa Classi dirigenti chi preferit “spedritziai dinai e dinai liendiddu a is traballantis po fai progetus chi no produsint” in veci de “agiudai is apentus naturalis de su territoriu nostru po un’isvilupu sostenibili e no po un’isvulupu de assistu”. Sighi a ligi ‘“Firmamus sa caserma”. In 200 in Nùgoro contra a “sa scola de guerra” de sa Brigata Sassari in Prato Sardo, aMpI: “No a s’ammaletzu de su sutasegretàriu a sa Difesa Cossiga”’

Scola. Filcams Cgil: in Sardigna 750 traballantis (ex lsu) arriscant su postu de traballu in is serbítzius de netesa “po mori de is tàglius de su Ministero”

(IlMinuto) – Casteddu, 1 de su mes”e totussantus – Arriscant de perdiri su traballu is 750 traballantis (ex traballantis útilis po sa sociedadi) chi de su 2001 pulint is iscolas de totus sa Sardigna. Is tres cunsórtzius chi aprontant is apaltus ant difatis giai cumenzau is pràtigas de lissentziamentu po mori de is tàglius de su Ministero dell’Istruzione, dell’Università e della Ricerca. A ddu comunicai est una nota de imprenta de sa Filcams Cgil. “Is traballantis chi no funt prus precàrius po mori de essi passaus a is is cunsórtzius de is apaltus de netesa – denunciat sa segretària regionali Simona Franzecco – oi non tenint nisciuna certesa de sighiri su traballu insoru, mentris is traballantis de sa Pubblica Istruzione, giai brassàglius de taglius meda malus, arriscant de aciungi ancora prus traballu a cussu chi faint giai”. Sighi a ligi ‘Scola. Filcams Cgil: in Sardigna 750 traballantis (ex lsu) arriscant su postu de traballu in is serbítzius de netesa “po mori de is tàglius de su Ministero”’

“I libri aiutano a vivere meglio”: tra Casteddu e Aristanis sa manifestada culturali dedicada a Bruno Munari

oristano mostra(IlMinuto) – Casteddu, 1 de su mes”e totussantus – “I libri aiutano a vivere meglio”. Est custu su tema de sa manifestada culturali chi si movit tra cussu chi si bidit, una mostra chi s’at a movi de logu in logu e dedicada a Bruno Munari, e cussu chi si fait, is butegas líbberas e obertas aprontadas de Munlab.
“S’incumentzu de sa mostra dedicada a sa figura importanti de Bruno Munari” – si ligit in d’una nota – “at essi puru una possibbilidadi po una manifestada chi bollit bessiri a foras de s’ordinàriu”. Su progetu, difatis, ponit impari fantasia e possibbilidadi de fai esperimentus. Sighi a ligi ‘“I libri aiutano a vivere meglio”: tra Casteddu e Aristanis sa manifestada culturali dedicada a Bruno Munari’