> 2010 mes’e totussantus 02 | ilMinuto

Archíviu de sa diri 2/11/2010

Política: sa sinistra indipendentista de aMpI presentat su progetu suu in Casteddu

don chisciotte(IlMinuto) – Casteddu, 2 de su me”e totussantus – “Presentai su progetu políticu de sceberu a su colonialismu italianu e is abbilidadis políticas po dd’arrexinai in is comunidadis sardas”. Custu s’obbietivu de s’assembrea-dibbàtidu aprontada de a Manca pro s’Indipendentzia po cenàbara chi benit in Casteddu (19.00, assótziu Don Chisciotte, bia san Giacomo 117). Sighi a ligi ‘Política: sa sinistra indipendentista de aMpI presentat su progetu suu in Casteddu’

“Rédditu sociali mínguu po totus”. Sa proposta de s’Usb Sardigna po afrontai su disimpreu e sa precariedadi

reddito sociale minimo(IlMinuto) – Casteddu, 2 de su me”e totussantus – Spingi su Consillu regionali de sa Sardigna a aprovai una lei po ponni su rédditu sociali mínguu, comenti giai fattu de sa Regioni Laziu e comenti previdiu de is Diretivas europeas in matéria. Cun custu obbietivu s’est formau in is diris passadas su “Comitato Sardo per il Reddito garantito”. Su Cumitau promovit sa proposta de lei scrita de s’Usb Sardigna, chi “contra a su disimpreu e a sa precariedadi de su traballu”, proponit unu rédditu sociali mínguu de pagu prus 8milla eurus a s’annu.
“Fadeus unu primu passu beru – scirit su Cumitau – acotzaus totus a sa proposta de lei po su rédditu sociali mínguu bófia de s’Usb”. Sighi a ligi ‘“Rédditu sociali mínguu po totus”. Sa proposta de s’Usb Sardigna po afrontai su disimpreu e sa precariedadi’

Lota de is pastoris. Acórdiu in tres puntus tra sa Giunta e Mps. Annullada sa manifestada

accordo pastori regione sardegna(IlMinuto) – Casteddu, 2 de su me”e totussantus – Furriada in sa contienda pastoria. Cun d’un’acórdiu firmau a is 4.30 de su noti in Villa Devoto (a pustis de noi oras de negoziatzioni) de su presidenti de Regione Ugo Cappellacci e de Felice Floris e Fortunato Ladu de Mps, “Su ‘Movimento dei Pastori Sardi’ [...]” lassat “dógnia forma de protesta e s’impignat po un’agiudu costanti e profetosu cun sa Regioni po su cumprimentu de s’acórdiu”. Annullada duncas sa manifestada chi Mps iat aprontau po cras in Casteddu e chi iat arregortu s’apógiu de is istudiantis, de su ‘Popolo viola’, de Sdel, de aMpI, de su Pdac , ma no scéti, chi iat tentu sa solidariedadi de totu sa genti. S’acórdiu ponit fini a tres mesis de mobilitada. Ma ita ddoi est in s’acórdiu? Sighi a ligi ‘Lota de is pastoris. Acórdiu in tres puntus tra sa Giunta e Mps. Annullada sa manifestada’

Nucleari: IX “Màrcia de sa paxi” contra a is centralis e a is depósitu de ferrinas in Sardigna

laconi sardegna(IlMinuto) – Casteddu, 2 de su me”e totussantus – “Po sa paxi e su traballu, contra a is centralis nuclearis e a is depósitus de ferrinas radioativas in Sardigna”. At essi custu su tema de su cunvegnu chi domínigu a mangianu (10.00, Cineteatru de Làconi) at a oberri sa XI editzioni de sa “Màrcia po sa paxi”.
A s’atóbiu ant a participai tra is àterus Vincenzo Migaleddu, cun d’unu relatu asuba de is centralis nuclearis e de is depósitus de ferrinas radioativas, e Mariella Cau de su Cumitau Gettiamo Le Basi, chi at a fueddai de is servidus militaris e de is maladias de gherra.
S’editzioni 2010 de sa Màrcia, chi at a cumentzai a is 16.00 de su Parcu Santa Barbara de Gesturi e at a passai po is bias de sa bidda, at essi sighia de unu concertu.

“Prove di viaggio”: cras in Tàtari s’ispetàculu de Theatre en Vol e GeNa

Theatre en Vol e GeNa(IlMinuto) – Casteddu, 2 de su mes”e totussantus – Po sa Stagioni de su Contemporaneu – chi si tenit in Tàtari de su 21 de su mes”e ledàminis a su 3 de su mes”e paschixèdda, in is aposentus de sa Saba Estanco, at a andai in iscena “Prove di viaggio”, un’ispetàculu nàsciu de sa butega de teatru cumentzau de casi duus annus de sa compagnia Theatre en Vol cun s’agiudu de s’Assótziu GeNa. Sighi a ligi ‘“Prove di viaggio”: cras in Tàtari s’ispetàculu de Theatre en Vol e GeNa’