> 2010 mes’e totussantus 03 | ilMinuto

Archíviu de sa diri 3/11/2010

Provìntzias: massaria e allevamentu funt su coru de su “modellu de su Campidanu de Mesu”

(IlMinuto) – Casteddu, 3 de su mes”e totussantus – “In su Campidanu de Mesu est fadendusì istrada unu modellu nou de fai Provìntzia”. Est cantu afirmat una nota de imprenta fatta connosci de sa Presidéntzia de s’Enti. “Is Provìntzias – precisat su comunicau – si agiudadas beni de su Guvernu regionali, podint rapresentai sa novidadi po assegurai vida   bera a is interventus istraordinàrius, interventus chi no dda tirint a longu meda a favorèssiri is massaius e is pastoris”. Sa chistioni de sa massaria – precisat sa nota – est difatis una prioridadi de su “modellu de su Campidanu de Mesu”. Sighi a ligi ‘Provìntzias: massaria e allevamentu funt su coru de su “modellu de su Campidanu de Mesu”’

“Seus postus mali meda”. Custumerì in S’Alighera un’assembrea noa po sa difesa de sa Sanidadi

difesa sanità(IlMinuto) – Casteddu, 3 de su mes”e totussantus – Sighit, assembrea po assembrea, sa mobilitada de su “Comitato a sostegno della Sanità Algherese e del Territorio” po otèniri su fàbbricu de un’ispidali nou e po “cambiai una situatzioni chi de meda tempus est portendi sa sanidadi de su territoriu a si morri”. “Cun custus atóbius – si ligit in d’una nota de imprenta – est nàsciu, cun su cuntribbutu de totus, una specie de pranu chi iat a depi donai solutzionis e iat a depi torrai a fai bivi totu su cumpartu”. Sighi a ligi ‘“Seus postus mali meda”. Custumerì in S’Alighera un’assembrea noa po sa difesa de sa Sanidadi’

“Sa Regioni no gioghit cun sa bona fidi de is pastoris”. Coldiretti bullat s’acórdiu Giunta-Mps

accordo pastori(IlMinuto) – Casteddu, 3 de su mes”e totussantus – No totus promovint s’acórdiu tra sa Giunta regionali e s’Mps de Felice Floris. Ansis. Is organizatzionis prus mannas “istoricas” de su cumpartu – Coldiretti, Cia, Confagricoltura e Copagri – ddu bullant senz”e apellu. “S’acórdiu – si ligit in d’una nota de imprenta fatta connosci de Coldiretti – est unu passu agoa! Si sa Regioni bollit donai diaderus un’agiudu a su cumpartu de sa pastoria dda depit acabbai de fai su giogu de is tres cartas puru poita is pigadas po culu, comenti is fabas, no andant ainnantis po meda tempus. S’acórdiu firmau no s’interessat poita rapresentat adderetura unu passu agoa si castiaus a cussu chi sa Regioni s’iat dimandau de firmai in is diris passadas”. Sighi a ligi ‘“Sa Regioni no gioghit cun sa bona fidi de is pastoris”. Coldiretti bullat s’acórdiu Giunta-Mps’

Pastoria. Su Cunsórtziu Pecorinu romanu promovit s’acórdiu Regioni-Mps

toto meloni(IlMinuto) – Casteddu, 3 de su mes”e totussantus – Su Cunsórtziu de tutela de su Pecorinu romanu est satisfau de s’acórdiu tra sa Regioni e su Mps firmau a is 4.30 de ariseru in Villa Devoto. Ddu fait sciri cun d’una nota de imprenta su presidenti de su Cunsórtziu Cenzo Meloni. Meloni bit po su prus bona sa decisioni de donai dexi millionis de eurus – provedimentu de insertai in su ddl de su cumpartu – a is “istruturas de trasformatzioni” po agiudai sa còmpora de su lati a unu prétziu tra is 75 e is 85 centésimua a su litru. Sighi a ligi ‘Pastoria. Su Cunsórtziu Pecorinu romanu promovit s’acórdiu Regioni-Mps’

“Fiolìnas in Grogu”: s’Ísula de is mistérius in sa primu editzioni de su Festival de Tecla Dozio

festival letterario(IlMinuto) – Casteddu, 3 de su mes”e totussantus – Tenit comenti títulu “Florinas in Giallo – L’isola dei Misteri” su primu Festival de literadura groga in programma in Fiolìnas de su 6 a su 7 de su mes”e totussantus. S’eventu, chi tenit sa diretzioni artística de Tecla Dozio, tenit comenti obbietivu de creai unu logu de atopu privilegiau po unu tipu de literadura chi at tentu fortuna manna, rapresentau de is diversus tipus de ‘Giallo’: s’enímma, su politziescu, su noir, su thriller. Unu tipu de literadura chi est arrennescia a essi, in su mantessi tempus, popolari e arta. Su caminu – si ligit in d’una nota – “si sboddiat in setzionis a tema chi previdint atóbius cun autoris, presentadas de líbburus, reading, butegas didàticas po pipius, aperientis literàrius”. Sighi a ligi ‘“Fiolìnas in Grogu”: s’Ísula de is mistérius in sa primu editzioni de su Festival de Tecla Dozio’