> 2010 mes’e totussantus 04 | ilMinuto

Archíviu de sa diri 4/11/2010

Giòvanus comunistas Tàtari (Prc): “Fabbricaus debressi unu cordinamentu de is lota”

prc sassari(IlMinuto) – Casteddu, 4 de su mes”e – “Puru in Tàtari toca a donai vida debressi a unu cordinamentu de lota chi biat tra is protagonista is rapresentantis prus importantis de dógnia lota, e chi unifichit is diversas ma ‘parzialis’ lotas de classi”. Est custa sa proposta de is Giòvanus comunistas tataresus – chi in sa provìntzia s’arreconnoscint po su prus in s’area política Falcemartello – fatta a pustis de sa manifestada Fiom de su 16 de su mes”e ledàminis in Roma, abetendi un’isciòpiru generali annunciau ma no ancora lamau. Sighi a ligi ‘Giòvanus comunistas Tàtari (Prc): “Fabbricaus debressi unu cordinamentu de is lota”’

“Movimento Pastori Sardi”: “Eus firmau un’acórdiu, no una resa. Si necessàriu seus prontus a torrai in pratza”

(IlMinuto) – Casteddu, 4 de su mes”e – “Ariseru (martis, ndr) s’est firmau s’acórdiu, no una resa. Sa bandhera de su movimentu est cussa blu, no cussa bianca!”. Cun custus fueddus su rapresentanti de su “Movimento Pastori Sardi”, Giuseppe Putzolu, serrat un’artículu pubblicau in su giassu uficiali de Mps. Po Putzolu s’acórdiu tra sa Giunta Regionali e Mps est una bitória.
“S’est serrada – si ligit in s’artículu – una cuntienda chi andàt ainnantis de mesis, comenti andànt ainnantis de mesis is batallas de su “Movimento Pastori Sardi”, biendi aprovau unu pranu chi, in pagus fueddus, est de casi 150 millionis de eurus”. Chi no s’arrespetat su “patu” firmau a su chizti de su 2 de su mes”e totussantus, su Movimentu de Felice Floris est prontu a torrai a pigai sa mobilitada. Sighi a ligi ‘“Movimento Pastori Sardi”: “Eus firmau un’acórdiu, no una resa. Si necessàriu seus prontus a torrai in pratza”’

Festival de sa Sciéntzia: mari e biodiversidadi in su coru de sa III editzioni

scienza(IlMinuto) – Casteddu, 4 de su mes”e – Otu diris de apuntamentus cun sa física, sa chímica, is sciéntzias naturalis e sa matemàtiga. Est custa sa proposta de su III Festival de sa Sciéntzia, in programma in s’ExMa de Casteddu de su 5 a su 12 de su mes”e totussantus. “Su fueddu prus importanti de sa terza editzioni de su festival – si ligit in d’una nota – est “Mari”, tema arricu de nuus scietìficus e acapiau forti a sa citadi de Casteddu. Su mari est puru su logu aundi est nàscia sa vida e aundi, ancora oi, custa si manifestat in totus is formas suas miríficas”. Aici puru Casteddu at a afestai s’Annu internatzionali de sa Biodiversidadi, lamau de s’Onu a acastiu de sa variedadi de sa vida de su pianeta. Sighi a ligi ‘Festival de sa Sciéntzia: mari e biodiversidadi in su coru de sa III editzioni’

Presonis: custumerì is “maniposas” de is presoneris de Bad’e Carros si frimmant in Casteddu

caligaris(IlMinuto) – Casteddu, 4 de su mes”e – Sa fantasia bobat a foras de is tressas. Custu merì is abas lebias de is “maniposas” – chi aggordant is palistórias po pipius scritas de is presoneris de s’Arta seguresa de su presoni de Badu ‘e Carros – s’ant a frimmai in Casteddu, a is 17.00, in is aposentus de pratza Repubblica Libri. S’eventu, aprontau de s’assótziu Socialismo Diritti e Riforme, bollit fai connosci e avalorai su progetu de su “Centro Territoriale Permanente” de Nùgoro, cordinau de sa maista de su presoni Pasquina Ledda. In duus annus funti stetius fattus unus cantu de centinas de líbburus fattus a manu. Pensaus de Alessandro Bozza, 49 annus, cundennau a vida, is traballus funti stetius fattus cun su cuntribbutu de is presoneris Calogero Lo Bue e Antonino Alcamo. Sighi a ligi ‘Presonis: custumerì is “maniposas” de is presoneris de Bad’e Carros si frimmant in Casteddu’

Mostras: “Art Café”, fintzas a cras in Casteddu is musàicu de Emilie Baudrais

mostra cagliari(IlMinuto) – Casteddu, 4 de su mes”e totussantus – S’at a serrai cras sa mostra  “Art cafè” de Emilie Baudrai aghilia in is aposentus de su Dulcis cafè, in s’arburada Regina Margherita 14 in Casteddu. Emilie Baudrais, artista francesa, at imparau is segretus de su musàicu antigu e modernu in Spilimbergu de is maistus friulanus. Oi s’artista stait in Muristènis e sighit a sperimentai s’arti sua donendu vida a un’universu ammainadori de reflessus e materialis pretziaus, asuba de is calis – si ligit in d’una nota – “sa luxi e sa síntesi ótica giogant un’òbera determinanti”. Sighi a ligi ‘Mostras: “Art Café”, fintzas a cras in Casteddu is musàicu de Emilie Baudrais’