> 2010 mes’e totussantus 05 | ilMinuto

Archíviu de sa diri 5/11/2010

Sport: in Casteddu is steddus de sa ginnàstica artística po sa “Grand Prix Freddy Cup”

cagliari(IlMinuto) – Casteddu, 5 de su mes”e totussantus – Apuntamentu de no perdi po chini amàt a sa ginnàstica artística. Sàbudu 13 de su mes”e totussantus su Pala Rockfeller de Casteddu at a aghilliri difatis sa “Grand Prix Freddy Cup”. Protagonistas de sa manifestada sportiva, chi at a cumentzai a is 15.30, ant essi medas de cussu chi ant pigau sa medàllia in is mundiallis de Rotterdam, ddoi at essi puru Aliya Mustafina, giovunedda chi at pigau sa medàllia de oru (16 annus fattus in su mes”e ledàminis). Sighi a ligi ‘Sport: in Casteddu is steddus de sa ginnàstica artística po sa “Grand Prix Freddy Cup”’

Tàtari narat no a su ratzismu: cras sit in in pratza d’Itàlia. Giòvanus comunistas: “Tropu bonus cun sa destra neofascista”

manifestazione sassari contro razzismo(IlMinuto) – Casteddu, 5 de su mes”e totussantus – Tàtari cabat in pratza contra a su ratzismu e sa xenofobia. A pustis de is fattus de mérculis a merì – a is 19.30 s’aciocada a s’immigrau senegalesu Mor Ndiaye in pratza Castello de parti de cuatru piciocus de pagu prus de 20 annus e, apustis de un’ora, sa malladura de duus trans in domu insoru – sa citadi si furriat e aprontat unu sit in, in programma cras a mangianu a is 10.00 in pratza d’Itàlia. Sa cosa at giai arriciu s’adesioni de medas assótzius e partidus. “Tàtari – si ligit in d’una nota fatta connosci de is aprontadoris – esti sèmpiri stetia acatosa cun tutus. Is tataresus no funt mai stetius ratzistas. Poita insaras bociri de cropus unu piciocu scéti po su cabori de sa peddi o scéti poita est diversu de nos? Poita totu custu?” Asuba de su tema ant fueddau puru is Giòvanus comunistas tataresus, chi arrefundant su “pensu arrexinau de ‘Tàtari citadi tranchíllia’” e puntant su didu asuba de sa destra neofascista chi “alimentat s’intollerantzia”. Sighi a ligi ‘Tàtari narat no a su ratzismu: cras sit in in pratza d’Itàlia. Giòvanus comunistas: “Tropu bonus cun sa destra neofascista”’

Sa “brullixedda” de don Madau. Sa Consulta de is giòvanus de Terraba: “Cracida de àcua asuba de is istrumentus de su cuncertu de Halloween”

don madau terralba(IlMinuto) – Casteddu, 5 de su mes”e totussantus – Nudda Halloween e rock’n’roll: seus in Terraba. Depit ai pensau custu don Battista Madau, préidi de sa Crésia de San Pietro. “Su 31 de su mes”e ledàminis – si ligit in d’una nota – sa Consulta de is giòvanus de Terraba at aprontau unu concerteddu in pratza po animai su noti de festa, dd’ant fattu cun tanti de permissus firmaus e timbraus. Ma su préidi parrit chi no apat gradéssiu is isfortzus de custus piciocus chi funt fadendi de totu po no fai morri sa bidda”. Nudda drucixeddu, ma de su préidi est arribbada una “brullexedda” meda grai. Sighi a ligi ‘Sa “brullixedda” de don Madau. Sa Consulta de is giòvanus de Terraba: “Cracida de àcua asuba de is istrumentus de su cuncertu de Halloween”’

Ecologia. Su Gig oberrit su Portellitu Birdi po defèndiri ambienti, benis culturalis e saludi

sportello verde(IlMinuto) – Casteddu, 5 de su mes”e totussantus – Citadinus, cumitaus e assótzius si podint rivolgi a un’importanti istrumentu nou po sa difesa de s’ambienti e de sa saludi in Sardigna. Martis 8 de su mes”e totussantus su “Gruppo di intervento giuridico” oberrit difatis su Portellitu Birdi. Is interessaus podint duncas andai de is espertus de s’assótziu ecologista po dimandai agiudu o po signalai dannus a is benis culturalis, a s’ambienti e a sa saludi púbblica. Sighi a ligi ‘Ecologia. Su Gig oberrit su Portellitu Birdi po defèndiri ambienti, benis culturalis e saludi’

In Gonnos torrat s’apuntamentu cun sa Sagra de is Obias. In sa XXIV editzioni puru unu cuncursu fotogràficu

concorso fotografico(IlMinuto) – Casteddu, 5 de su mes”e totussantus – De su 19 a su 21 de su mes”e totussantus ant essi caboris de sa terra a animai Gonnos. In is aposentus de sa Fiera Mercau is caboris ant a aghilliri sa XXIV editzioni de sa Sagra de is Obias. Tra is novidadis de su 2010, unu cuncursu fotogràficu chi tenit comenti títulu “Ollu e olia de sa bidda mia”, obertu a is fotògrafus de calisisiat natzionalidadi chi no funt maistus in fotografia e chi apant fattu dexiot’annus, e sa cumpetitzioni “Sa pratza”, chi tenit comenti fini cussu de trasinai sa genti de su logu in sa manifestada atressu de is diversas istradas de sa bidda. Sighi a ligi ‘In Gonnos torrat s’apuntamentu cun sa Sagra de is Obias. In sa XXIV editzioni puru unu cuncursu fotogràficu’