> 2010 mes’e totussantus 08 | ilMinuto

Archíviu de sa diri 8/11/2010

Attili (Sel) a sa Nuova: “Brigata Sassari in Utieri”. Pcl: “Sa bidda no est militarista”, aMpI: “Sa Sardigna no tenit bisóngiu de casermas”

sel ampi pcl gc(IlMinuto) – Casteddu, 8 de su mes”e totussantus – “Nùgoro no bollit sa Brigata, Utieri sì”. Custu su títulu de un’artículu pubblicau ariseru de sa Nuova Sardegna. Is fueddus, virguletaus, funt de Antonio Attili, boxi regionali de Sinistra Ecologia e Libertà. Is declaratzionis de su rapresentanti de su movimentu de Nichi Vendola arribbant a pustis de sa manifestada aprontata de A Manca pro s’Indipendentzia contra a su fàbbricu de sa caserma de sa Brigata Sassari in Nùgoro. Sàbudu 30 de su mes”e ledàminis in sa citadi, zona Prato Sardo, ant protestau prus de 200 personis, po nai “Imbezes de trattores pro arare arriban carramardos e cannones e truppas de masellu de addestrare”. Po Attili custa est un’arrexoni forti poita “s’investimentu” si stresit de Nùgoro in Utieri. “In Utieri – at nau Attili – una cuntestadura de custu tipu no esti stetia fatta de nemus, antzis meda de sa genti de su logu bit cun praxeri sa preséntzia de is militaris”. Sa setzioni de sa bidda de su “Partito comunista dei lavoratori” dda pensat diversamenti. Sighi a ligi ‘Attili (Sel) a sa Nuova: “Brigata Sassari in Utieri”. Pcl: “Sa bidda no est militarista”, aMpI: “Sa Sardigna no tenit bisóngiu de casermas”’

Is prus lígias in língua sadra de cida passada

lingua sarda

Terremotu in Irs: sa segretària Demuru si dimitit in cundierra cun su presidenti Sale

(IlMinuto) – Casteddu, 27 de su mes”e ledàminis – Tensioni tra is capus mannus de Irs. Domínigu passau – in s’assembrea natzionali de s’organizatzioni, chi s’est tenta in Tramatza – sa segretària Ornella Demuru e totus cussus de s’Esecutivu Bobore Bussa, Frantziscu Sanna, Franciscu Pala, Andrea Meloni, Franciscu Sedda e Giuliu Cherchi ant donau is dimissionis de is incàrrigus. ()

Política: sa sinistra indipendentista de aMpI presentat su progetu suu in Casteddu

(IlMinuto) – Casteddu, 2 de su me”e totussantus – “Presentai su progetu políticu de sceberu a su colonialismu italianu e is abbilidadis políticas po dd’arrexinai in is comunidadis sardas”. ()

“Firmamus sa caserma”. In 200 in Nùgoro contra a “sa scola de guerra” de sa Brigata Sassari in Prato Sardo, aMpI: “No a s’ammaletzu de su sutasegretàriu a sa Difesa Cossiga” Sighi a ligi ‘Is prus lígias in língua sadra de cida passada’

(Italiano) Documento: “Al Movimento dei Pastori Sardi, al Popolo Lavoratore Sardo” di Bruno Bellomonte *

Sighi a ligi ‘(Italiano) Documento: “Al Movimento dei Pastori Sardi, al Popolo Lavoratore Sardo” di Bruno Bellomonte *’

Cia e Coldiretti: “No podint pigai po culu is pastoris. Is 2500 eurus po aziendha no ddoi funt”

accordo pastori regione(IlMinuto) – Casteddu, 8 de su mes”e totussantus – “Sa Regioni trampat asuba de su dinai”. Est grai s’acusa chi sa Cia e sa Coldiretti faint a sa Giunta regionali a pustis de s’acórdiu cun su ‘Movimento Pastori Sardi’ e su patu cun Confagricoltura e Copagri. Is arrexonis de is duas organizatzionis funti stetias ammostadas cenàbara passau in d’una cuferéntzia de imprenta in sa sedi de s’Assessorau regionali de s’”Agricoltura”, in Casteddu, ocupau de su 13 de su mes”e ledàminis. “In sa proposta de su presidenti de sa Giunta de sa Regioni Sardigna no ddoi funt – denunciant Coldiretti e Cia – tres cosas importantis: no benit previdiu nesciunu acórdiu asuba de sa definitzioni de su prétziu de su lati, sparessit su dinai chi sa Regioni iat destinau a s’arretiru de su pecorinu romanu, de is 130 millionis de sa proposta totali scéti 10 millionis andant po tres annus in deretura a is pastoris”. Sighi a ligi ‘Cia e Coldiretti: “No podint pigai po culu is pastoris. Is 2500 eurus po aziendha no ddoi funt”’

Lei 162. Di Biase (Cgil): “Tàglius po 25 millionis de eurus. Dannus meda grais a personis chi sufrint de discumbénius grais”

cgil(IlMinuto) – Casteddu, 8 de su mes”e totussantus – “Su modu de fai de s’assessori Liori in s’acontéssia chi pertocat s’assistu a chini tenit disabilidadis no si podit acetai”. Est cantu denunciat cun d’una nota sa segretària regionali de sa Cgil Marinora di Biase. Sa sindacalista imbidat su rapresentanti de sa Giunta regionali a arrespetai s’impignu a no limitai is risorsas po is políticas socialis, po su prus a ndi liai su dinai po is pranus de assistu a is disabilis de sa lei 162 . Sighi a ligi ‘Lei 162. Di Biase (Cgil): “Tàglius po 25 millionis de eurus. Dannus meda grais a personis chi sufrint de discumbénius grais”’