> 10 « mes’e totussantus « 2010 « ilMinuto – notizie Mediterranee – edizione Sardegna

Archíviu de sa diri 10/11/2010

Cummérciu de Paschixedda: su Comunu “nci bogat” a is barracàjus de su centru de Casteddu. Sit in Css

cagliari css(IlMinuto) – Casteddu, 10 de su mes”e totussantus – Nai no a sa decisioni de su Comunu de Casteddu de impediri su cummérciu de is barracàjus in su centru de sa citadi – in is logus asseguraus in is annus passaus – po is festas de Paschixedda. Est custu s’obbietivu chi at spintu is bendidoris de s’Ulass-Css a aprontai una diri de protesta. Cras a manginu is barracàjus ant a camminai in s’arburada Diaz e in bia Roma cun is camiontzinus insoru, po fai a pustis unu sit in a fac”e sedi de su Comunu. Sighi a ligi ‘Cummérciu de Paschixedda: su Comunu “nci bogat” a is barracàjus de su centru de Casteddu. Sit in Css’

Sa solidariedadi at perdiu: Bogaus is Giordi. Sa domu est in is manus de unu “legítimu proprietariu” senz”e coru

sfratto(IlMinuto) – Casteddu, 10 de su mes”e totussantus – Santu Juanni Sruexu. A is 12.00 de ariseu Virgilio Giordi, acumpangiau de sa mulleri Filomena Solinas, atraversat in sa carrozina s’istrada chi separat sa domu aundi biviàt e de aundi dd’ant bogau a sa domu aundi at a andai a bivi in afitu. Sa solidariedadi no at possiu fai nudda contra a s’auséntzia de coru e de làstima. Sa domu de is Giordi in bia Is Sainas – su babbu Virgilio in carrozina po mori de una guta a conca, sa mamma e sa filla senz”e traballu e su fillu prus piticu a is istudius – esti stetia difatis comporada a s’asta po mori de su dépidu fattu de s’aziendha agrìcula de família. A pabas de sa fortza de sa mobilitada de da genti – sit in de protesta in atopu de dógnia dispàciu annunciau – e bias is cunditzionis de saludi de su sennori Giordi, sa bogada furiat stetia atrassada po cuatru bortas. Sighi a ligi ‘Sa solidariedadi at perdiu: Bogaus is Giordi. Sa domu est in is manus de unu “legítimu proprietariu” senz”e coru’

Teatru Líricu de Casteddu. Is sindacaus bullant Pietrantonio: “Sighit sa mobilitada”

(IlMinuto) – Casteddu, 10 de su mes”e totussantus – “Una mostrantza de pagu abbilesa, e s’auséntzia de disponibbilidadi a ascurtai su tzérriu de dabori de is traballadoris de su líricu chi de mesis manifestant sa necessidadi de unu càmbiu, unu càmbiu de guvernu”. Cun custu giudítziu is organizatzionis sindacalis Cgil, Cisl, Snater e Css bullant sa decisioni de su Cda de sa “Fondazione del Teatro Lirico” de Casteddu de torrai a cunfirmai po àterus cuatr’annus Maurizio Pietrantonio in su rolu de Subrintendenti. Una nómina chi spingit is organizatzionis sindacalis a sighiri su presidiu a fac”e su Teatru. Protesta in cursu giai de 40 diris . Sighi a ligi ‘Teatru Líricu de Casteddu. Is sindacaus bullant Pietrantonio: “Sighit sa mobilitada”’

Caminada indipendentista, aMpI: “Saludaus a sa boluntadi de cabai in pratza de dógnia sardu líbberu. Sa primu cosa po nos est s’arrexinamentu”

marcia per l'indipendenza(IlMinuto) – Casteddu, 10 de su mes”e totussantus – “Su favori de medas sardus líbberus po sa bidea de una caminada indipendentista est unu de is medas signalis chi testificant ca sa cuscéntzia natzionali est crescendi e ca ddoi est una precisa boluntadi política de ammollai a su stadu italianu e de s’iscabbulli de su blocu coloniali”. Cun custus fueddus su Diretivu políticu natzionali de a Manca pro s’Indipendentzia cummentat sa caminada po s’indipendentzia, in programma po su 27 de su mes”e totussantus in Casteddu. Sa manifestada esti stetia aprontada de unu cumitau autónomu formau de militantis indipendentistas, chi at eligiu comenti imbasciadori Filippo Grecu. Nonostanti s’apretziamentu sa formatzioni de sa Sinistra indipendentista no at a pigai parti, assumancu no dd’at a fai in modu organitzau, a sa cosa. Sighi a ligi ‘Caminada indipendentista, aMpI: “Saludaus a sa boluntadi de cabai in pratza de dógnia sardu líbberu. Sa primu cosa po nos est s’arrexinamentu”’

Mostras: in Milis is fotografias de Stefano Pedrelli

(IlMinuto) – Casteddu, 10 de su mes”e totussantus – At essi operta in Milis, cenàbara 12 de su mes”e totussantus a is 18.30, sa mostra fotografica de Stefano Pedrelli “Milis Su Triballu, Sa Vida”. S’aparada fotografica, s’at a podi visitai in Palatzu Boyl fintzas a su 21 de su mes”e totussantus de is 16 a is 19, est una testimónia bia de su mundu de su traballu traditzionali. Momentus de costumàntzias antigas e vida moderna in is scatus de Pedrelli, figuras de una sociedadi po sa cali su traballu – si ligit in d’una nota – “est ancora basau asuba de arregulas e figuras tramandas o arregortas po traditzioni o po necessidadi: pastoris, traballadoris de is ortus [...], traballadoris de canna de bambù, arregollidoras de ebras, scarteddaius”. Sighi a ligi ‘Mostras: in Milis is fotografias de Stefano Pedrelli’