> 11 « mes’e totussantus « 2010 « ilMinuto – notizie Mediterranee – edizione Sardegna

Archíviu de sa diri 11/11/2010

Istrutzioni: 15 borsas de istudiu po is citadiunus bulgarus, rumenus e po cussu chi no funt comunitarius

(IlMinuto) – Casteddu, 11 de su mes”e totussantus – Ddoi funt 15 borsas de istudiu po is citadinus de sa Bulgaria, de sa Romania e de is àterus logus a foras de Unioni Europea chi funt iscritus a is iscolas púbblicas medias e superioris de sa Sardigna o chi funt fadendi is cursus de sa laurea specialistica in is Universidadis de s’Ísula. Ddu fait sciri cun d’una nota s’Assessorau regionali de su “Lavoro”. Podint participai – si ligit in su comunicau – is istudiantis “cun d’unu rédditu de família chi po su 2009 no siat prus mannu de 25milla eurus e chi no apant pigau in s’annu iscolasticu 2009/2010 àteras borsas de istudiu de calisisiat enti”. Sighi a ligi ‘Istrutzioni: 15 borsas de istudiu po is citadiunus bulgarus, rumenus e po cussu chi no funt comunitarius’

“Tre minuti di celebrità a Cagliari”: Peter Marcias a sa diretzioni artística de cuarta editzioni de su cuncursu po cortometraggius

peter marcias(IlMinuto) – Casteddu, 11 de su mes”e totussantus – S’est oberta ariseru sa cuarta editzioni de “Tre minuti di celebrità a Cagliari”, cuncursu tra cortometraggius obertu a totus is amantis, senz”e límitis de idadi e de apróliu. Is autoris ant a depi presentai sa citadi in cortus de autori piticheddus, su cortu no depit essi de prus de tres minutus. Duas categorias in gara: “istudiantis” e “professioneris/apassionaus”. Sa primu est po is scinties de is iscolas medias e superioris. Sa segundha est oberta a professioneris e apassionaus. Ifatu, sa Giuria at a valutai is òperas prus bellas. Sa diretzioni artística de s’editzioni 2010 de su cuncursu esti stetia donada a su regista Peter Marcias. Sighi a ligi ‘“Tre minuti di celebrità a Cagliari”: Peter Marcias a sa diretzioni artística de cuarta editzioni de su cuncursu po cortometraggius’

Traballu. Pcl: “No tocat a pagai is 30 eurus de contribbutu estraordinàriu bófiu de Cisl, Uil e Ugl”

pcl(IlMinuto) – Casteddu, 11 de su mes”e totussantus – Is traballodoris chi no funt iscritus a nesciunu sindacau o chi addirint a organizatzionis sindacalis chi no ant firmau s’acórdiu separau de su mes”e ledàminis 2009 ant a arriciri, cun sa busta paga chi benit, unu módulu po sa pagamenta de unu “contribbutu sindacali estraordinàriu” de 30 eurus. Ddu fait sciri cun d’una nota sa setzioni de Casteddu de su Pcl, chi imbidat a is interessaus a no pagai sa cifra. Su pagamentu – si ligit in d’una nota de imprenta – “esti stetiu giustificau de Cisl, Uil e Ugl cometi unu contribbutu po agiudai su traballu fattu in su períodu de sa contratatzioni”. Unu contribbutu pediu puru a is traballadoris e a is organizatzionis chi ant cuntrastau un’acórdiu chi – po su Pcl – “esti stetiu un’aggràbiu a sa dignidadi de is traballandoris metalmecànicus”. Sighi a ligi ‘Traballu. Pcl: “No tocat a pagai is 30 eurus de contribbutu estraordinàriu bófiu de Cisl, Uil e Ugl”’

Lota de is pastoris. Mps: “Acórdiu no arrespetau. Prontus a torrai in pratza”. Cia e Coldiretti: “Nesciuna lamada de Cappellacci”

(IlMinuto) – Casteddu, 11 de su mes”e totussantus – Est durau scéti una cida s’arrépiu tra Ugo Cappellacci e su “Movimento Pastori Sardi” de Felice Floris e Fortunato Ladu. “S’acórdiu firmau a s’obbréscida de su 2 de su mes”e totussantus cun su Mps – si ligit in d’una nota pubblicada in su giassu uficiali de su Movimentu – no esti stetiu arrespetau cun s’abbotzu de su Ddl, presentuau custu mangianu (ariseru, ndr) in Consillu Regionali. Si su scritu no at a benni cambiau, Mps at a torrai un’àtera borta in pratza”. In signu de protesta sa delegatzioni de Mps, chi ariseru furiat in Casteddu po acastiai a is traballus de su Consillu, at lassau su Palatzu de bia Roma. “Ddoi est – sighit sa nota – meda delusioni e meda arràbbiu tra is pastoris. Is prumissas strecadas de su presidenti Cappellacci funt foras de contu, e no scéti cussas fatta a fueddus, ma puru cussas scritas”. In su trastempus sighit puru sa trivérsia tra Coldiretti e Cia e su presidenti de sa Giunta regionali. Sighi a ligi ‘Lota de is pastoris. Mps: “Acórdiu no arrespetau. Prontus a torrai in pratza”. Cia e Coldiretti: “Nesciuna lamada de Cappellacci”’

Festival: cumentzat de is “Cuatru stagionis” de Vivaldi sa setima editzioni de “Corpi in Movimento”

(IlMinuto) – Casteddu, 11 de su mes”e totussantus – Arribbat a sa setima editzioni “Corpi in Movimento”, eventu curau de s’Assótziu Danza Estemporada, cun sa diretzioni artística de Livia Lepri. Su programma ocannu at a partiri de un’istudiu fattu asuba de is Cuatru stagionis de Antonio Vivaldi, chi funt – si ligit in d’una nota – “metàfora de su passagiu de unu stadu naturali a s’àteru e , in sa dimensioni umana, de un’idadi a s’àtera, acetendi su passai de su tempus comenti fonti de arrichesa e lompimentu”. Sighi a ligi ‘Festival: cumentzat de is “Cuatru stagionis” de Vivaldi sa setima editzioni de “Corpi in Movimento”’