> 12 « mes’e totussantus « 2010 « ilMinuto – notizie Mediterranee – edizione Sardegna

Archíviu de sa diri 12/11/2010

“Disterraus Sardus”: de medas annus furriadroxu online po is sardus in su mundu

(IlMinuto) – Casteddu, 11 de su mes”e totussantus – “Custu giassu web est dedicau a sa terra mia e a is emigraus suu”. Aici Beppe Mantega, fillu de su disterru sardu in Torinu, descrit su giassu Disterraus sardus, de medas annus  furriadroxu po is sardus chi funt a forsa de s’Ísula. Un’istrumentu de informatzioni meda importanti arricu de novas, links e filamus chi fueddant de sa Sardigna, de su disterru e no scéti, su giassu donat meda atentzioni a is fatus de su mundu ‘e su traballu. “Est dedicau – acrarat su curadori de su giassu – prusatotu a fradi miu Gianfranco, una de is medas vitimas de su traballu de custu logu mancau, eternamenti guvernau e amministrau [...] de berus e próprius ‘ciaparatt’”. Sighi a ligi ‘“Disterraus Sardus”: de medas annus furriadroxu online po is sardus in su mundu’

Cuncursus: sa bitória de is Oss. Simeone (Asl8): “Bastàt cun is agentzias interinalis”

cagliari(IlMinuto) – Casteddu, 11 de su mes”e totussantus – Sighit e otèniri is primus arresurtaus sa lota de is Operadoris sóciu sanitarius intraus in graduatória a pustis de unu cuncursu púbblicu, ma fatuvatu remplasaus de su personali de is agentzias interinalis. Ariseru a mangianu una delegatzioni sindacali de s’Usb de is Oss – in presídiu a fac”e sa Asl de Casteddu in bia Piero Della Francesca – esti stetia arricia de su Cummissàriu estraordinàriu Emilio Simeone, chi s’est impignau a ponni fini a su traballu in afitu. “In su 2010 s’Atziendha – cunfirmat difatis una nota de imprenta de sa Asl 8 – at remplasau 70 (po unu totali de 86 presentis de is primus de s’annu) cuntratus interinalis cun is assuntzionis diretas a tempus indeterminau e a tempus determinau, impegnendusì intru pagu mesis a finiri totus is Oss cun cuntratu interinali”. Sighi a ligi ‘Cuncursus: sa bitória de is Oss. Simeone (Asl8): “Bastàt cun is agentzias interinalis”’

Pranu Triennali 2011-2013: atóbiu tra s’assessori Milia e su Comitadu pro sa Limba sarda

(IlMinuto) – Casteddu, 12 de su mes”e totussantus – Valutai indiritzus e istrumentus de interventus de sa Regioni in favori de sa connoscéntzia de sa língua sarda e de s’impitu suu, abetendi s’aprou de su Pranu triennali 2011-2013. Esti stetiu custu su tema de s’atóbiu de mérculis passau, in Casteddu, tra s’assessori regionali de sa “Pubblica istruzione” Sergio Milia e una delegatzioni de Su Comidau pro sa limba sarda. Sighi a ligi ‘Pranu Triennali 2011-2013: atóbiu tra s’assessori Milia e su Comitadu pro sa Limba sarda’

Ddl “Massaria”. Zuncheddu (Rossomori): “Pastoris redùsius in cativeriu”

claudia zuncheddu(IlMinuto) – Casteddu, 12 de su mes”e totussantus – “No est prus su tempus de ‘Legis tramperia e de fabas”. Cun custus fueddus, mérculis, Claudia Zuncheddu, presidenti de is Rossomori, at acabbau su relatu suu in Consilllu regionali. In su Palatzu de bia Roma si discutiàt de s’aici nau Ddl “Massaria”. Sa crisi de sa pastoria – at acrarau sa sardista de sinista – est su prodotu de sa “difesa fintzas a s’úrtimu de is profitus de is industrialis de su cumpartu, chi portat a sa poberesa de is produtoris de su lati”. Sighi a ligi ‘Ddl “Massaria”. Zuncheddu (Rossomori): “Pastoris redùsius in cativeriu”’

Música: Lee Ritenour, Pino Daniele e Paco de Lucia in s’European Jazz Expo 2010

cagliari(IlMinuto) – Casteddu, 12 de su mes”e totussantus – Puru in su 2010 Casteddu at a aghilliri s’European Jazz Expo. Sa tres diris, aprontada de “Jazz in Sardegna”, s’at a tenni tra s’Auditorium de su Conservatoriu e su Teatru Líricu, aundi s’ant a tenni is concertus chi ant a biri comenti protagonista sa ghitarra, tra jazz, blues, fusion e flamenco. Rei de sa manifestada musicali at essi Lee Ritenour ghitarreri de s’iscena fusion, chi at a sonai su 19 de su mes”e totussantus a is 22.30 in is aposentus de s’Auditorium de su Conservatoriu. Su 20 de su mes”e totussantus su Teatru Líricu at a aghilliri Pino Daniele. Abetu mannu puru po un’àtera istella, Paco de Lucia, chi at a sonai sa diri infatu. S’European Jazz Expo no at a finiri cun custus cuncertus principalis, medas ant essi, difatis, is apuntamentus de sa tres diris.

Po ndi sciri de prus andai in su giassu de s’eventu a s’indiritzu: http://www.jazzinsardegna.it