> 2010 mes’e totussantus 18 | ilMinuto

Archíviu de sa diri 18/11/2010

Istitutzionis. Rossomori: “Ammenguai is costus de sa política senz”e ‘ndi liai’ sa democràtzia”

zuncheddu rossomori(IlMinuto) – Casteddu, 18 de su mes”e totussantus – Ammenguai de meda is “stipendius” e is indennidadis pigadas de is consilleris, de is assessoris, de is funtzionarius e de is dirigentis-manager regionalis “cun d’unu rigorosu castiamentu asuba de is movimentus finantziarius, in intrada e in bessia, aintru de dógnia síngulu Assessorau”. Est custa sa proposta de is Rossomori po abbàtiri is costus de sa política. Is sardistas de sinistra, acrarat su presidenti Claudia Zuncheddu, funt perou contràrius a ammenguai de 60 a 80 su númeru de is Consilleri regionalis. Sighi a ligi ‘Istitutzionis. Rossomori: “Ammenguai is costus de sa política senz”e ‘ndi liai’ sa democràtzia”’

Traballu: sussídiu de 1350 eurus po is 103 traballantis de sa Geas

sussidio fs(IlMinuto) – Casteddu, 18 de su mes”e totussantus – Is 103 traballantis de sa Geas, chi in su mes”e ledàminis iant ocupau po otu diris sa crabatura de s’Istatzioni ferruviaria de Casteddu, ant a arriciri unu sussídiu de 1350 eurus. Ddu narat cun d’una nota s’assessorau regionali de su “Lavoro”. Abarrat perou de agatai una “solutzioni totali a sa contienda” chi bit comenti protagonistas is traballantis – de mesis senz”e una paga regulari – chi allichidint is trenus in Sardigna. Sighi a ligi ‘Traballu: sussídiu de 1350 eurus po is 103 traballantis de sa Geas’

Referendum po su nucleari: assembrea de aMpI in Li Punti. “Dógnia sardu s’arrebbellit a custu pranu coloniali”

a manca nucleare(IlMinuto) – Casteddu, 18 de su mes”e totussantus – “Promovi su referendum contra a dógnia ipótesi de fabbricai centralis nuclearis e depósitus de ferrinas in Sardigna”. Est custu s’obbietivu de su cunvegnu aprontau de a Manca pro s’Indipendentzia in programma cras a merì a is 18.00 in Li Punti (Tàtari), in is aposentus de sa circoscritzioni. “Immoi, tenendu is terras impestadas po mori de is fàbbricas chímicas chi lassant s’Ísula cun d’unu desertu foras de contu, cun is logus de s’internu disabitaus e prenus de disisperaus in circa de traballu – si ligit in d’unu libbureddu informativu curau de s’organizatzioni de sa sinistra indipendentista – bieus meda meda acanta su tentativu de ponni puru una centrali nucleari in Sardigna. No si podit permiti chi sa terra nostra bengat sbuzarrada ancora de prus. Dógnia sardu iat a depi artziai sa própriu boxi contra a custu pranu coloniali, chi si pigat ancora una borta po béstias de maceddu”. Sighi a ligi ‘Referendum po su nucleari: assembrea de aMpI in Li Punti. “Dógnia sardu s’arrebbellit a custu pranu coloniali”’

Ispetàculus: Gaetano Marino in Casteddu cun “Voi Che Sapete Platone – Apologia di Socrate”

Platone Socrate(IlMinuto) – Casteddu, 18 de su mes”e totussantus – “Voi Che Sapete Platone – Apologia di Socrate”: est custu su títulu de s’ispetàculu chi Gaetano Marino at a presentai cras a su púbblicu de Casteddu. S’eventu – in programma a is 20.00 in sa saba Maria Carta de s’Ersu – bollit ammentai is medas tribbunalis postus in pei in su cursu de s’istoria po impediri a unu cerbeddu de pensai o de imparai a pensai. Un’acuntéssia sémpiri de prus atuali, chi contat comenti in s’Ateni de su 440 a.C, su tribbunali iat decretau sa cundenna a morti de Socrate garentendiddi po su beru – si ligit in d’una nota – “una fama immortali, e s’abbilesa de trasmiti s’insegnamentu suu de inzénneru in inzénneru, fintzas a oi”. Sighi a ligi ‘Ispetàculus: Gaetano Marino in Casteddu cun “Voi Che Sapete Platone – Apologia di Socrate”’