> 2010 mes’e totussantus 19 | ilMinuto

Archíviu de sa diri 19/11/2010

Lota de is pastoris: su Movimentu blocat a is autocisternas de sa Saras de Sarròccu in intrada e in essida. Sa solidariedadi de s’Usb

(IlMinuto) – Casteddu, 19 de su mes”e totussantus – Torrat a cumentzai de sa Saras sa lota de su Movimento dei Pastori Sardi contra a cussa chi su leader Felice Floris at definiu “una Giunta imboddiosa chi at traíxiu is aspetativas”. Custu mangianu pagu prus de 1000 pastoris si funt agataus a fac”e intrada de s’istabilimentu de is Moratti. De casi un’ora is allevadoris ant cumentzau su blocu de is autocisternas de sa Saras in intrada e in essida. Cussa de oi – at acrarau Floris – est scéti sa primu de is mobilitadas noas giai fissadas de is pastoris in màglia blu a pustis de “su traitoriu” de s’acórdiu de su 2 de su mes”e totussantus, cun manifestadas chi ant a trisinai “obbietivus sèmpiri prus importantis”.
A sa lota de is pastoris est arribbada puru sa solidariedadi de su sindacau de basi Usb. Sighi a ligi ‘Lota de is pastoris: su Movimentu blocat a is autocisternas de sa Saras de Sarròccu in intrada e in essida. Sa solidariedadi de s’Usb’

Universidadi de Casteddu, Rete 29 aprile: “Su Retori si ndi scapit de sa Crui chi promovit sa riforma Gelmini”

protesta(IlMinuto) – Casteddu, 19 de su mes”e totussantus – “Dimandaus a su Retori de si ndi scapiai pubblicamenti de is determinus de sa Cuferéntzia de is Retoris chi spingit po s’aprou de sa ‘riforma’ Gelmini e chi at de pagu tempus dimandau un’iaxi de dinai po is ateneus privaus”. Si concluit cun custus fueddus s’apellu fattu de is istudiosus de sa Rete 29 aprile de s’Universidadi de Casteddu, apellu mandau a su Retori Giovanni Melis po sa Diri internatzionali po su Diritu a s’istudiu. Sighi a ligi ‘Universidadi de Casteddu, Rete 29 aprile: “Su Retori si ndi scapit de sa Crui chi promovit sa riforma Gelmini”’

Operatzioni “Vega”. Aéreus italianus e israelianus in su celu sardu. Pcl: “Tocat a dd’accabbai cun is giogus de gherra”

israele italia(IlMinuto) – Casteddu, 19 de su mes”e totussantus – 30 aéreus e prus de 500 sordaus. Fun custus is númerus de s’operatzioni “Vega”, s’esercitatzioni militari italu-israelia chi si tenit in custas diris (e at a finiri cenàbara 26 de su mes”e totussantus) in sa basi de Deximu Mannu. A denunciai is “giogus de gherra cun su dinai nostru” est su Partito comunista dei Lavoratori. “No bolleus – scririt su Pcl – ca in is celus nostrus si esercitint aéreus chi ant a andai a portai morti e sciàscius in su mundu”. Sighi a ligi ‘Operatzioni “Vega”. Aéreus italianus e israelianus in su celu sardu. Pcl: “Tocat a dd’accabbai cun is giogus de gherra”’

“Suoni dipinti”: cras in su Mus de Tàtari unu viàgiu tra música e pintura

(IlMinuto) – Casteddu, 19 de su mes”e totussantus – “Suoni dipinti”: custu su títulu de s’eventu chi s’at a tenni cras in sa sedi de su Mus’a, sa Pinacoteca a su Canopoleno de Tàtari. Unu nòmini chi ammentat s’annoditzu istoricu tra arti e música, un’acàpiu chi fait de guida a s’itineràriu chi at a portai is bisitadoris tra is òperas d’arti de su Museu e sa música de is scientis de su Conservatoriu de Tàtari.
S’at atraversai sa Colletzioni “Giovanni Antonio Sanna”, cun is pinturas de su Sescentus e de su Setixentus, acumpangiaus de is notas de Haendel e Teleman. Sa Colletzioni de su pintori de Sa Madalena Carlo Battaglia at essi acostada de un’installatzioni visiva e sonora de is cumponidiris Eliana Carboni e Claudio Dionisi. Su caminu de s’aparada at a accabbai cun is pintoris sardus de su Noixentus de sa Colletzioni “Tome’”, acumpangiaus de is launeddas de Vanni Chessa e de su jazz. Sighi a ligi ‘“Suoni dipinti”: cras in su Mus de Tàtari unu viàgiu tra música e pintura’

“Valigiemigrazione”: 77 òperas de Ottonello in mostra in su foyer de su Teatru Líricu de Casteddu

valiemigrazione cagliari(IlMinuto) – Casteddu, 19 de su mes”e totussantus – At a sighiri fintzas a su 27 de su mes”e totussantus, in su foyer de su Teatru Líricu de Casteddu, sa mostra “Valigiemigrazione”: 77 òperas de s’artista Antonello Ottonello fattas in is últimus annus e rapresentativas de is momentus prus importantis de sa produtzioni sua. S’aparada, curada de Giorgio Dettori e de Anna Maria Montaldo, ammostat de fil”e pari is òperas de “Miniera”, is “Balixas”, is “Camisas”, is “Scistus”, is “Scroxus”, is “Ispinas” e is “Coscinus” de juta, chi torrant a portai a sa menti cussa pintura “materica” sighia a s’esplorazioni de is terras surcitanas de archeologia industriali mineraris, chi iant corpiu meda a s’artista a pustis de sa torrada in Sardigna, a metadi de is annus Otanta. Sighi a ligi ‘“Valigiemigrazione”: 77 òperas de Ottonello in mostra in su foyer de su Teatru Líricu de Casteddu’