> 2010 mes’e totussantus 23 | ilMinuto

Archíviu de sa diri 23/11/2010

Tràvigu illìcitu de arrefudus de sa Portovesme srl: su 10 de su mes”e paschixèdda cumentzat su processu

portoscuso(IlMinuto) – Casteddu, 23 de su mes”e totussantus – Is assótzius ambientalistas “Gruppo di intervento giuridico” e “Amici della terra” ant a presentai dimanda po si costituiri comenti parti civili in su processu po su tràvigu illìcitu de is arrefudus industrialis in Portescùsi. Su dibbatimentu s’at a oberri su 10 de su mes”e paschixèdda chi benit in su Tribbunali de Casteddu. Sighi a ligi ‘Tràvigu illìcitu de arrefudus de sa Portovesme srl: su 10 de su mes”e paschixèdda cumentzat su processu’

S’intríghinu de Master&Back: scéti 150 borsas in su bandu 2010. Liaus is ammaistramentus

(IlMinuto) – Casteddu, 23 de su mes”e totussantus – Versioni imminoricada po Master&Back 2010. Cun 6,5 millionis de eurus de su Fundu sociali europeu su bandu nou po s’Arta formatzioni at a donai sa possibbilidadi difatis de finantziai scéti 150 borsas de istudiu (s’editzioni passada ndi bidiàt 450): 120 po podi fai is master in Itàlia (si de II livellu) o a foras de Istadu e 30 po podi fai is dotoraus de ricerca. Su bandu po is ammaistramentus no at essi pubblicau, mentris po su “back” 2010 at a tocai a abetai a is primus de s’annu chi benit. Sighi a ligi ‘S’intríghinu de Master&Back: scéti 150 borsas in su bandu 2010. Liaus is ammaistramentus’

Criminalidadi organitzada. Zuncheddu (Rossomori): “Arribbu de su boss camorrista Iovino àteru aciocu coloniali”

claudia zuncheddu(IlMinuto) – Casteddu, 23 de su mes”e totussantus – “Cun su trasferimentu de su boss camorrista Antonio Iovino, in Badu ‘e Carros, in regimi de 41bis, su Ministru Alfano inaugurat sa ‘deportatzioni’ in s’Ísula nostra de sa peus criminalidadi organitzada internatzionali e italiana”. Ddu narat cun d’una nota Claudia Zuncheddu, consilleri regionali e presidenti de is Rossomori. “Su Guvernu italianu – acrarat sa sardista de sinistra – sighit a usai su territoriu sardu po is sdorrobbatórius suus de is risorsas o comenti ‘cascita de s’àliga’, muntonarxu de arrefudus radioativus e comenti logu de esercitazionis militaris po is scenarius de gherra. Is sardus no funt disponìbilis a fai diventai is presonis isulanus istrexus de sa criminalidadi organitzada de sa Mafia a sa Ndrangheta”. Sighi a ligi ‘Criminalidadi organitzada. Zuncheddu (Rossomori): “Arribbu de su boss camorrista Iovino àteru aciocu coloniali”’

(Italiano) Documento: Appello alle Istituzioni contro il taglio delle risorse al 5×1000, l’adesione del Volontariato sardo (21/11/2010)

Sighi a ligi ‘(Italiano) Documento: Appello alle Istituzioni contro il taglio delle risorse al 5×1000, l’adesione del Volontariato sardo (21/11/2010)’

Brothers of Rock II: domínigu e Cuartu su memorial Luca&Bobo 2010. Obertas is iscritzionis a su registru donadoris mueddu de s’ossu

brothers of rock II quartu talassemia(IlMinuto) – Casteddu, 23 de su mes”e totussantus – Est tempus de Brothers of Rock. S’editzioni 2010 de su memorial dedicau a Luca e Bobo Chiarelli s’at a tenni domínigu 28 de su mes”e totussantus in s’Fbi de Quartu Sant’Aleni (bia Brigata Sassari 68) a cumetzai de is 21.00. In su 2009 s’eventu at permitiu de arregolli casi 30 iscritus nous a su registru de is donadoris de su mueddu de s’ossu. Fortuna chi is aprontadoris sperant de torrai a arripiti, e superai, puru ocannu. Sa donatzioni, cun ténnicas delicadas, donat sa possibbilidadi difatis de sanai fintzas a s’80 po centu de is talassemicus. Aici comenti teniant s’Anemia mediterranea Luca e Bobo: “Piciocus miríficus – custus is fueddus impitaus de is amigus po ammentai a is duus fradis cun d’un’amori po su rock atacadinu – senz”e issus oi no iaus a essi cussu chi seus”. Sighi a ligi ‘Brothers of Rock II: domínigu e Cuartu su memorial Luca&Bobo 2010. Obertas is iscritzionis a su registru donadoris mueddu de s’ossu’