> 26 « mes’e totussantus « 2010 « ilMinuto – notizie Mediterranee – edizione Sardegna

Archíviu de sa diri 26/11/2010

S’arrennegu de is pastoris blocat s’Ísula. Floris (Mps): “Tra pagu in Roma o a Bruxelles”

(IlMinuto) – Casteddu, 26 de su mes”e totussantus – S’arrabiu de is pastoris trunca un’àtera borta s’Ísula in duus. A pustis de sa manifestada a fac”e sa Saras de cida passada, oi pagu prus de 150 pastoris de Mps at blocau sa Sardigna frimmendi su tràvigu de s’istrata statali 131 abbias de is duus sensus de màrcia, primu a s’artesa de sa scansada po Bolotona e a pustis, de is 11.30, in Tramatza. Is arrexonis de sa protesta funti cussas de is mesis passaus. A Pustis de sa “traitoria” de s’acórdiu Giunta-Mps de su 2 de totussantus, su Movimentu torrat a partiri de sa dimanda de 15milla eurus de finantziamentu de minimis po aziendha. Sighi a ligi ‘S’arrennegu de is pastoris blocat s’Ísula. Floris (Mps): “Tra pagu in Roma o a Bruxelles”’

Ddl. Sighit sa mobilitada de is istudiàntis sardus. Melis: “No acetaus s’irminorigamentu de s’Universidadi púbblica”

melis(IlMinuto) – Casteddu, 26 de su mes”e totussantus – Sighit sa mobilitada de is istudiantis universitarius contra a su ddl Gelmini. In Casteddu – mentris est acabbendi sa reunioni de su Senau académicu – funt sèmpiri prus numerosus is istudiantis chi ocupant sa crabatura de su Palatzu de is Sciéntzias. Su presídiu contra a sa Riforma – esti stetiu acrarau – at a sighiri assumancu fintzas a martis, candu su provedimentu at a torrai a s’esàminu de sa Camera. Su no a sa riforma Gelminia at biu comenti protagonista puru is istudiosus e is retoris de is ateneus de sa Sardigna. Sighi a ligi ‘Ddl. Sighit sa mobilitada de is istudiàntis sardus. Melis: “No acetaus s’irminorigamentu de s’Universidadi púbblica”’

“Ammenguaus is costus e is privilégius de sa classi política sarda”. Zuncheddu presentat sa proposta de lei “anticasta” de is Rossomori

(IlMinuto) – Casteddu, 26 de su mes”e totussantus – “A fac”e sa crisi economica chi atraversat sa sociedadi sarda, sa classi política depit cumentzai a ammenguai is costus e is privilégius”. Est cantu at acrarau ariseru sa consillera regionali de is Rossomori, Claudia Zuncheddu, presentendi a s’imprenta sa proposta de lei po s’irminorigamentu de is costus de sa política. Una proposta chi – atressu de sa suppressioni de is diarias e s’irminorigamentu de sa paga mensili de su consilleri regionali – iat a permiti a sa Regioni Sardigna de arresparmiai 6 o 7 millionis de eurus a s’annu: una fita chi corrispundit a casi su 3 po centu de totu sa Finantziaria regionali 2010. A oi unu consilleri regionali – at nau Zuncheddu – no pigat prus pagu de 9milla eurus a su mesi (prus de 10milla po is residentis a prus de 35 chilómitrus de Casteddu). Si sa proposta de sa presidenti de is Rossomori iat a essia provada is consilleris iant a biri assumancu smesau su “stipendiu mensili” insoru. Sighi a ligi ‘“Ammenguaus is costus e is privilégius de sa classi política sarda”. Zuncheddu presentat sa proposta de lei “anticasta” de is Rossomori’

Universidadi. Bandu “fittocasa” aMpI: “Sa Regioni imbrolliat is istudiàntis chi istudiant a foras de sa Sardigna”

diritto allo studio(IlMinuto) – Casteddu, 26 de su mes”e totussantus – Sa Regioni est pighendi po culu is istudiàntis universitàrius sardus “obbligaus a andai a istudiai in Itàlia puru contra a sa boluntadi insoru” cungelendi su dinai destinau a is bincidoris de borsa de istudiu. Est cantu denunciat cun d’una nota su Diretivu políticu natzionali de a Manca pro s’Indipendentzia. Nonostanti sa pubblicatzioni de sa graduatória, is ses millionis de eurus finatziaus e postus a bandu de sa Giunta regionali (delíbbera 13 de su mes”e ledàminis de su 2009) cun s’obbietivu de contribbuiri, cun d’unu màssimu de 2500 eurus a s’annu, a sa pagadura de is afitus de is istudiàntis chi studiant a foras de sa Sardigna no funti stetius ancora donaus. Sighi a ligi ‘Universidadi. Bandu “fittocasa” aMpI: “Sa Regioni imbrolliat is istudiàntis chi istudiant a foras de sa Sardigna”’

“Sa die pro s’Indipendentzia”: cras in Casteddu sa primu editzioni de sa màrcia

cagliari(IlMinuto) – Casteddu, 26 de su mes”e totussantus – At a partiri a is 10.30 de su Istàdiu Sant’Elia de Casteddu, at a fai una frimmadedda in sa pratza de sa Fiera, e a pustis at a sighiri su caminu po s’arburada Diaz e bia Roma sa primu “Màrcia po s’indipendentzia”. Sa manifestada, lamada “Sa die pro s’Indipendentzia-Indipendence day”, nascit in Facebook de una bidea de un’emigrau sardu, Filippo Grecu. Sighi a ligi ‘“Sa die pro s’Indipendentzia”: cras in Casteddu sa primu editzioni de sa màrcia’