> 2010 mes’e totussantus 29 | ilMinuto

Archíviu de sa diri 29/11/2010

Is prus lígias in língua sadra de cida passada

lingua sarda

S’intríghinu de Master&Back: scéti 150 borsas in su bandu 2010. Liaus is ammaistramentus

(IlMinuto) – Casteddu, 23 de su mes”e totussantus – Versioni imminoricada po Master&Back 2010. Cun 6,5 millionis de eurus de su Fundu sociali europeu su bandu nou po s’Arta formatzioni at a donai sa possibbilidadi difatis de finantziai scéti 150 borsas de istudiu (s’editzioni passada ndi bidiàt 450): 120 po podi fai is master in Itàlia (si de II livellu) o a foras de Istadu e 30 po podi fai is dotoraus de ricerca. ()

Un’ómini, unu telàrgiu, lana e caboris: candu un’hobby si fait arti. Intervista a su tessidori de Littos Creazioni

Úrtima frimmada po Formas. In sa dodicésima e úrtima frimmada de su viàgiu in s’Ísula in circa de is protagonistas de su “manixu”, sa redatzioni de IlMinuto arribbat in S’Alighera. In sa citadi catalana si portat ainnantis s’arti de sa tessidura in sa butega doméstica “Littos Creazioni”. ()

Lota de is pastoris: cenàbara manifestada in sa 131 contra a sa “lei ingànniu”. Floris (Mps): “No si bastàt sa ‘conca’ de Prato”

Sighi a ligi ‘Is prus lígias in língua sadra de cida passada’

Sardus in Svizzera: “Sa Giunta regionali esti atesu de su mundu de su disterru”

(IlMinuto) – Casteddu, 29 de su mes”e totussantus – “Su mundu de su disterru, puru sendu unu patrimóniu de risorsas meda mannas po sa Sardigna, est pagu connotu e pagu cunsiderau de is partis políticas e de su mantessi Guvernu regionali”. S’oberrit aici su determinu conclusivu de su Cungressu de sa Federatzioni de is Círculus Sardus in Svizzera, chi s’est tentu in Lucerna su 20 e su 21 de su mes”e totussantus. Sighi a ligi ‘Sardus in Svizzera: “Sa Giunta regionali esti atesu de su mundu de su disterru”’

“Totus is lotas impari. Fadeus un’assembrea cun operàjus, pastoris e istudiantis”. Sa proposta de is cassintegraus de s’ex Tzucurificiu

protesta(IlMinuto) – Casteddu, 29 de su mes”e totussantus – “Totus impari si bincit, tocat a dd’acabbai cun is cumpartziduras”. Est custu s’apellu fattu de is cassintegraus de s’ex Tzucurificiu de Biddesorris a “totus cussus chi in custus últimus annus si funt movius po sa síngula contienda insoru, aici comenti eus fattu nos. A bortas si funt otentus arrisurtaus positivus parzialis, castia Alcoa o Vol2.0, àteras bortas si funt bias sderrotas malas comenti is acuntéssias Unilever e Euroallumina”. Sighi a ligi ‘“Totus is lotas impari. Fadeus un’assembrea cun operàjus, pastoris e istudiantis”. Sa proposta de is cassintegraus de s’ex Tzucurificiu’

Presonis. Sdr: In Badu ‘e Carros presoneri sicilianu in isciòpiru de su fàmini de unu mesi. Sa dinúntzia púbblica de sa mamma

caligaris(IlMinuto) – Casteddu, 29 de su mes”e totussantus – “Fillu miu, ergastulanu, presoneri in Badu ‘e Carros, at cumentzau s’isciòpiru de su fàmini su 27 de su mes”e ledàminis po protestai contra a s’amministratzioni de su presoni poita, a pustis de 20 annus de presoni, no est ancora arrennesciu, nonostanti is medas dimandas, a otèniri unu trasferimentu chi ddi permitat de s’acostai a sa família”. Cumentzat cun custus fueddus sa lítera-denuncia de sa mamma de unu presoneri catanesu de 40 annus. Sa Fèmina, no tenit sa possibbilidadi de fai unu viàgiu longu po Nùgoro e no bit su fillu de duus annus. Sighi a ligi ‘Presonis. Sdr: In Badu ‘e Carros presoneri sicilianu in isciòpiru de su fàmini de unu mesi. Sa dinúntzia púbblica de sa mamma’

Sanidadi e Traballu. Acuntéssia “Oss”, Liori: “Debressi totus is datus de is interinalis de sa Asl 8 e de su Brotzu”

(IlMinuto) – Casteddu, 29 de su mes”e totussantus – “Apa a donai a sa Cummissioni Sanidadi totus is datus de is interinalis comenti sa Asl 8 e su Brotzu mi ddus ant a donai”. Est cantu at nau in d’una nota s’assessori regionali de sa Sanidadi Antonello Liori a sa fin”e s’atóbiu de gióbia passau de sa Cummissioni Sanidadi de su Consillu regionali. A denunciai s’impitu de is operadoris sóciu sanitàriu inditaus de is agentzias interinalis (e no de cussus insertaus in graduatória a pustis de ai fattu cuncursus regularis) furiat stetiu, cun sit in e dinúntzias de sa cosa, su sindacau de basi Usb Sardigna. Sighi a ligi ‘Sanidadi e Traballu. Acuntéssia “Oss”, Liori: “Debressi totus is datus de is interinalis de sa Asl 8 e de su Brotzu”’