> 2010 mes’e totussantus 30 | ilMinuto

Archíviu de sa diri 30/11/2010

Universidadi. In 500 in corteu asuta de s’àcua po nai no in su Ddl Gelmini, Uds Casteddu: “De sa resisténtzia a sa rebellia. Su 14 totus in pratza”

cagliari(IlMinuto) – Casteddu, 30 de su mes”e totussantus – Andat ainnantis senz”e pàsiu sa mobilitada de is Universidadis sardas contra a su Ddl Gelmini, chi oi torrat a s’esàminu de sa Camera. Ariseru a merì, in Casteddu, funti stetius pagu prus de 500 is istudiantis, is istudiosus, is maistus e is precàrius de sa connoscéntzia chi ant nau ancora una borta no a sa riforma de su Guvernu Berlusconi. Is manifestantis ant abetau s’arribbu de is 17.30, oràriu fissau po su cumetzu de su sit in pratza Costituzione, po allomborai de su Bastioni Sant Remy su striscioni cun sa scrita: “Ladri del nostro sapere Assassini del nostro futuro – No al Ddl Gelmini”. Est cumentzau aici su corteu-billadroxu. Asutta de s’àcua is participantis, chi portànt àccias, líbburus-símbolu e cartellus billadroxus, funt andaus – passendi de bia Manno e torrendi a artziai in bia Santa Margherita – in su Palatzu de is Sciéntzias, coru de sa protesta portada ainnantis de su movimentu de is istudiantis casteddaius. “De is elementaris a s’Universidadi contra a sa Gelmini blocaus sa citadi” e “Cabai is manus de s’Universidadi púbblica” custus funti scéti calencunu de is corus tzerriaus de is manifestantis. Sighi a ligi ‘Universidadi. In 500 in corteu asuta de s’àcua po nai no in su Ddl Gelmini, Uds Casteddu: “De sa resisténtzia a sa rebellia. Su 14 totus in pratza”’

(Italiano) Documento: “Lettera aperta per una mobilitazione nazionale dell’opposizione sociale contro la crisi e il governo!” – Uds Cagliari (29/11/2010)

Sighi a ligi ‘(Italiano) Documento: “Lettera aperta per una mobilitazione nazionale dell’opposizione sociale contro la crisi e il governo!” – Uds Cagliari (29/11/2010)’

Língua sarda. Palomba (Idv): “Su Guvernu ndi liat 1 millioni a s’Ísula. Mudesa de su PSd’Az”

taglio fondi(IlMinuto) – Casteddu, 30 de su mes”e totussantus – “Sa Sardigna at a patiri su smenguamentu de 1.040.071 eurus in su finanziamentu de sa lei po sa tutela de is minoràntzias linguìsticas istoricas, arregalendi a sa cultura sarda una poberesa manna”. Est cantu denunciant cun d’una nota de imprenta su segretàriu regionali de s’Italia dei Valori e parlamentari Federico Palomba, e s’espertu de is línguas de minoria Priamo Farris. Custu tàgliu, acrarant is duus rapresentantis de su partidu de Antonio Di Pietro, est fillu de is critérius de spartzidura de su dinai bófius de unu decretu de sa presidéntzia de su Consillu de is Ministrus in su mes”e marzu passau. “Su dinai – precisant – est spartziu in basi a sa “radice quadrata” de su númeru de is comunus aundi si fueddant is línguas de minoria senz”e castiai a su númeru de sa genti chi ddoi bivit, e no in basi a sa popolatzioni. Cun custu sistema is minoràntzias cun prus genti, comenti cussa sarda (e comenti cussa friulana), benint corpias in modu meda malu, e custu benit fattu po agiudai is comunidadis cun pagu genti”. Po Palomba e Farris custus tàglius si funt tentus in sa “mudesa de is partidus identitarius”, “a cumentzai de su PSd’Az chi, si puru indipendentista est in su guvernu de sa regioni cun sa destra”.

Referendum po su nucleari: in noranta in Deximu Mannu po nai no a ferrinas e centralis

(IlMinuto) – Casteddu, 30 de su mes”e totussantus – At a andai ainnantis cun d’unu calendàriu prenu de atóbius, in programma in totu s’Ísula, sa campagna de informatzioni de su Cumitau Sinonucle primu de su referendum regionali. Su beranu chi benit is sardus ant essi lamaus a arrespundi a sa dimanda: “Sei contrario all’installazione in Sardegna di centrali nucleari e siti per lo stoccaggio di scorie radioattive da esse residuate e preesistenti?”. Sàbudu passau sa campagna de su cumitau chi lotat contra a sa preséntzia de centralis nuclearis e depósitus de ferrinas in totu s’Ísula esti stetia presentada in Deximu Mannu, in s’àula consiliari de su Comunu, a fac”e pagu prus de 90 personis. Sighi a ligi ‘Referendum po su nucleari: in noranta in Deximu Mannu po nai no a ferrinas e centralis’

Sinistra critica sarda: “Gelmini destruit s’Universidadi e sa Regioni ‘ndi liat’ su M&B. Acanta de is istudiantis asuba de is crabaturas”

sinistra critica sarda(IlMinuto) – Casteddu, 30 de su mes”e totussantus – “Sinistra critica sarda est acanta de is istudiantis de is Universidadis de Casteddu e de Tàtari chi de diversas diris presidiant is crabaturas de is ateneus de s’Ísula po nai no a su ddl Gelmini”. Est cantu narat in d’una nota su cumpartu informatzioni de s’organizatzioni anticapitalista. “Custa controriforma – si ligit in su comunicau – acabat de afundai a s’Universidadi púbblica, sighendi su camminu de sciàsciu de su diritu a s’istudiu e agiudendi sa privatizazioni de sa ricerca, camminu chi at tentu tra is primus protagonistas Luigi Berlinguer”. Sighi a ligi ‘Sinistra critica sarda: “Gelmini destruit s’Universidadi e sa Regioni ‘ndi liat’ su M&B. Acanta de is istudiantis asuba de is crabaturas”’