> Líbburus: Giuseppe Galzerano presentat su líbburu chi fueddat de Michele Schirru, s’anàrchicu fosilau po “s’intentzioni” de bociri Benito Mussolini | ilMinuto

Líbburus: Giuseppe Galzerano presentat su líbburu chi fueddat de Michele Schirru, s’anàrchicu fosilau po “s’intentzioni” de bociri Benito Mussolini

presentazione cagliari(IlMinuto) – Casteddu, 9 de su mes”e totussantus – In su 1990 su giornalista Peppino Fiori iat scritu su líbburu “Vita e morte di Michele Schirru (l’anarchico che pensò di uccidere Mussolini)”. Immoi, a pustis de essi passaus 20 annus, s’istoricu Giuseppe Galzerano torrat a analizai sa vida de su sardu de Padria fosilau su 29 de su mes”e maju de su 1931 po ai tentu “s’intentzioni” de bociri su Duce, in d’unu líbburu aprofundau torrat a disignai  “vida, viàgiu, arrestu, presoni, processu e morti de s’anàrchicu italu-americanu”.  S’òpera, bincidora de su Prémiu Grazia Deledda de su 2010, at essi presentada gióbia 11 de su mes”e totussantus in Casteddu (17.00, Saba consiliari ex Capella de sa Provìntzia, in bia Giudice Guglielmo) in d’un’atóbiu-dibbàtidu cun s’autori. A s’apuntamentu ant a fueddai puru, Angela Quaquero, vici presidenti de sa Provìntzia de Casteddu, Roberto Loddo de s’assótziu 5 novembre e sa presidenti de s’Assótziu sardu po s’atuamentu de sa Riforma Psichiatrica, Gisella Trincas.

© RIPRODUZIONE RISERVATA

0 Arrespustas a “Líbburus: Giuseppe Galzerano presentat su líbburu chi fueddat de Michele Schirru, s’anàrchicu fosilau po “s’intentzioni” de bociri Benito Mussolini”


Is cummentus funt serraus.