> Pastoria. Su Cunsórtziu Pecorinu romanu promovit s’acórdiu Regioni-Mps | ilMinuto

Pastoria. Su Cunsórtziu Pecorinu romanu promovit s’acórdiu Regioni-Mps

toto meloni(IlMinuto) – Casteddu, 3 de su mes”e totussantus – Su Cunsórtziu de tutela de su Pecorinu romanu est satisfau de s’acórdiu tra sa Regioni e su Mps firmau a is 4.30 de ariseru in Villa Devoto. Ddu fait sciri cun d’una nota de imprenta su presidenti de su Cunsórtziu Cenzo Meloni. Meloni bit po su prus bona sa decisioni de donai dexi millionis de eurus – provedimentu de insertai in su ddl de su cumpartu – a is “istruturas de trasformatzioni” po agiudai sa còmpora de su lati a unu prétziu tra is 75 e is 85 centésimua a su litru. “Is provedimentus de su Disignu de lei – narat Meloni – funt su fundamentu po cumentzai a bessiri de custa crisi arrexinada e po torrai a fai bivi su cumpartu de sa pastoria, primu tra totus cussu primaxu. “Po su prodotu – precisat su presidenti – oi prus de ariseru est necessàriu pensai a unu Pecorinu romanu diversu e accetàbili (puru comenti casu de papai) in Itàlia, in Europa e in su mercau americanu e chi possat essi útili a su bendida prus manna”.

© RIPRODUZIONE RISERVATA

0 Arrespustas a “Pastoria. Su Cunsórtziu Pecorinu romanu promovit s’acórdiu Regioni-Mps”


Is cummentus funt serraus.