> Tàtari narat no a su ratzismu: cras sit in in pratza d’Itàlia. Giòvanus comunistas: “Tropu bonus cun sa destra neofascista” « ilMinuto – notizie Mediterranee – edizione Sardegna

Tàtari narat no a su ratzismu: cras sit in in pratza d’Itàlia. Giòvanus comunistas: “Tropu bonus cun sa destra neofascista”

manifestazione sassari contro razzismo(IlMinuto) – Casteddu, 5 de su mes”e totussantus – Tàtari cabat in pratza contra a su ratzismu e sa xenofobia. A pustis de is fattus de mérculis a merì – a is 19.30 s’aciocada a s’immigrau senegalesu Mor Ndiaye in pratza Castello de parti de cuatru piciocus de pagu prus de 20 annus e, apustis de un’ora, sa malladura de duus trans in domu insoru – sa citadi si furriat e aprontat unu sit in, in programma cras a mangianu a is 10.00 in pratza d’Itàlia. Sa cosa at giai arriciu s’adesioni de medas assótzius e partidus. “Tàtari – si ligit in d’una nota fatta connosci de is aprontadoris – esti sèmpiri stetia acatosa cun tutus. Is tataresus no funt mai stetius ratzistas. Poita insaras bociri de cropus unu piciocu scéti po su cabori de sa peddi o scéti poita est diversu de nos? Poita totu custu?” Asuba de su tema ant fueddau puru is Giòvanus comunistas tataresus, chi arrefundant su “pensu arrexinau de ‘Tàtari citadi tranchíllia’” e puntant su didu asuba de sa destra neofascista chi “alimentat s’intollerantzia”. “Cun meda facilidadi – si ligit in d’una nosta – is organitzazionis de s’estrema destra si movint in citadi: manifestus apicaus in dógnia logu, sedis políticas obertas, manifestadas in pratza, ammentus comenti cussu de is foibe, fueddus stimauas a sinistra comenti iscola púbblica e giustítzia sociali. Totu custu est permitiu”.

© RIPRODUZIONE RISERVATA

0 Arrespustas a “Tàtari narat no a su ratzismu: cras sit in in pratza d’Itàlia. Giòvanus comunistas: “Tropu bonus cun sa destra neofascista””


Is cummentus funt serraus.