> Sport: su 4 e su 5 de su mes”e paschixèdda s’at a tenni su primu “Rally Ronde d’Ogliastra”. Obertas is iscritzionis | ilMinuto

Sport: su 4 e su 5 de su mes”e paschixèdda s’at a tenni su primu “Rally Ronde d’Ogliastra”. Obertas is iscritzionis

(IlMinuto) – Casteddu, 9 de su mes”e totussantus – Funt obertas is iscritzionis a su primu “Rally Ronde d’Ogliastra”. Sa gara s’at a tenni su 4 e su 5 de su mes”e paschixèdda, cun d’una prova ispeciali de ripiti po cuatru bortas. Unu percursu de 50 chilómitrus chi at a partiri de sa Domu  Contenera de Bau Nuxi po avantzai in is satus de su territoriu. Is automobilis ant a atravessai Irbono, Lanusè, Elini, Arthana, Loceri e Barì, tochendi puru Baunei, Tortuelie, Biddamànna Istrisaili. “Sa bellesa de su territoriu nostru, su percursu ammainadori e s’impignu postu de s’iscuderia – at nau Gianni Coda driver de Irbono e unu de is primus rapresentantis de su staff chi at aprontau su Rally d’Ogliastra – funt is ingredientis po una gara de no pèrdiri”.

Sa gara est aprontada de Mediterranean team e de sa Scuderia Porto Cervo Racing.

© RIPRODUZIONE RISERVATA

0 Arrespustas a “Sport: su 4 e su 5 de su mes”e paschixèdda s’at a tenni su primu “Rally Ronde d’Ogliastra”. Obertas is iscritzionis”


Is cummentus funt serraus.