> 2010 mes’e paschixèdda 03 | ilMinuto

Archíviu de sa diri 3/12/2010

Istrutzioni. Cobas e Precaràrius de Aristanis: “De s’iscola aziendha de Berlinguer a s’iscola miséria de Gelmini”. Cummentus de Sel e Fds

del fds cobas(IlMinuto) – Casteddu, 3 de su paschixèdda – Funt sèmpiri prus numerosas is boxis contràrias a is “riformas” Gelmini de s’iscola e de s’Universidadi. De sa provìtzia de Aristanis arribbant sa nota de imprenta a firma de is Cordinamentu precàrius-Cobas e su comunicau de “Sinistra Ecologia e Libertà”. “S’iscola – scrirint su cordinamentu Precàrius e is Cobas – no andat a regimi. Su movimentu de is istudiantis, cun sa sorprendenti sensibilidadi sua asuba de  su beni de totus, ammostat ca s’iscola est in gradu de si formai a sola partendi de terra, in s’arrespetu de sa legalidadi e in su sinnificau arrejonàdu de su tempus benidori. Sa pseuduriforma chi est nàscia de su modellu de Luigi Berlinguer po arribbai a su modellu de s’iscola miséria de Mariastella Gelmini signat unu de is passus prus malus de sa segundha Repúbbrica”. Sighi a ligi ‘Istrutzioni. Cobas e Precaràrius de Aristanis: “De s’iscola aziendha de Berlinguer a s’iscola miséria de Gelmini”. Cummentus de Sel e Fds’

Contienda Geas: torra asuba de sa crabatura de s’Istazioni de Casteddu: su disisperu de is traballadoris

protesta(IlMinuto) – Casteddu, 3 de su paschixèdda – Est sèmpiri prus forti sa lota de is traballadoris de sa Geas: is 114 personis chi alichidint is trenus de sa Sardigna e chi funt senz”e biri unu soddu de su mes”e austu. Ariseru, biu su blocu de su serbítziu, furiant annulladas 75 cursas in totu s’Ísula. Custu mangianu is traballadoris ant torrau a ocupai sa crabatura de s’istazioni de is ferruvias de Casteddu. Sa mantessi crabatura chi nemmancu 24 oras fait at biu duus de is dipedentis ameletzai de si nci ghetai. Sighi a ligi ‘Contienda Geas: torra asuba de sa crabatura de s’Istazioni de Casteddu: su disisperu de is traballadoris’

Sport: “tennistavolo” in Norghìddo po sa primu editzioni de su Torneu internatzionali

norbello(IlMinuto) – Casteddu, 3 de su mes”e paschixèdda – De s’8 a su 9 de su mes”e paschixèdda at essi sa capitali de su “Ping pong”. Po duus merì, a cumentzai de is 17.00, sa palestra comunali de sa bidda in provìntzia de Aristanis at a aghilliri sa primu editzioni de su torneu internatzionali de “tennistavolo” “Città di Norbello”. Tra is diversus atletas in gara ddoi ant essi is campionessas de Itàlia de su Sterilgarda Castel Goffredo (Nicoletta Stefanova, Deborah Vivarelli e Tatiana Steshenko) e sa medàllia de brunzu a is mundiallis de Kuala Lumpur 2000 Massimiliano Mondello. Sighi a ligi ‘Sport: “tennistavolo” in Norghìddo po sa primu editzioni de su Torneu internatzionali’

Sighit su caminu de democratizazioni de Irs su 2 de su mes”e gennàrgiu Assembrea natzionali eletiva.

democratizzazione(IlMinuto) – Casteddu, 3 de su mes”e paschixèdda – Sighit su caminu de democratizazioni de Irs. Su 2 de su mes”e gennàrgiu s’at a tenni difatis (in d’unu logu de sceberai ancora) s’assembrea eletiva de su movimentu po su rennovu annuali de is incàrrigus “sighendi – si ligit in d’una nota – su caminu democràticu cumentzau un’annu fait”. Sighi a ligi ‘Sighit su caminu de democratizazioni de Irs su 2 de su mes”e gennàrgiu Assembrea natzionali eletiva.’

“Ho cantato sempre in base a una convinzione”: sàbudu in is “Officine corsare” de Torinu su tertzu radunu de ilDeposito.org

(IlMinuto) – Casteddu, 3 de su mes”e paschixèdda – Arribbat a sa terza editzioni su radunu musicali de IlDeposito.org, aprontau de su giòvanu casteddaiu Sergio Durzu, maistu de filosofia e istoria e amanti mannu de is cantus de protesta política e socialis. Unu merì a s’insigna de sa música de protesta, cussu chi s’at a tenni sàbudu 4 de su mes”e paschixèdda in Torinu, a cumentzai de is 17.00 in su Círculu Arci “Officine Corsare”, a su númeru de bia Pallavicino. “Eus a passai su merì – ligeus in su blog de ilDeposito.org – a aghilliri chini arribbat, a connosci de personi is amigus nous, a torrai a imbrassai is connoscéntzias bécias, a si contai is novidadis”. Sighi a ligi ‘“Ho cantato sempre in base a una convinzione”: sàbudu in is “Officine corsare” de Torinu su tertzu radunu de ilDeposito.org’