> 2010 mes’e paschixèdda 06 | ilMinuto

Archíviu de sa diri 6/12/2010

Is prus lígias in língua sadra de cida passada

lingua sarda

Língua sarda. Palomba (Idv): “Su Guvernu ndi liat 1 millioni a s’Ísula. Mudesa de su PSd’Az”

(IlMinuto) – Casteddu, 30 de su mes”e totussantus – “Sa Sardigna at a patiri su smenguamentu de 1.040.071 eurus in su finanziamentu de sa lei po sa tutela de is minoràntzias linguìsticas istoricas, arregalendi a sa cultura sarda una poberesa manna”. ()

Ddl Gelmini. Corteu nou in Casteddu. Sdel: “Bolleus s’indipendentzia de s’imparamentu sardu”

(IlMinuto) – Casteddu, 1 de su mes”e paschixèdda – Unu corteu partiu de s’àula 1 de sa Falcotadi de Ingenneria po arribbai in sa sedi de su Consillu regionali. In custu modu ariseru a mangianu pagu prus de 300 istudiantis de s’Ateneu casteddaiu ant nau ancora una borta no a sa riforma Gelmini, chi, aprovada in su merì de sa Camera, at a passai torra a s’anàlisi de su Senau. ()

Sighit su caminu de democratizazioni de Irs su 2 de su mes”e gennàrgiu Assembrea natzionali eletiva.

Sighi a ligi ‘Is prus lígias in língua sadra de cida passada’

Presonis. Cento passi Prc Nùgoro “Aplicai sa territorialidadi de sa pensa. S’artículu 41 bis est una trummentu”

(IlMinuto) – Casteddu, 6 de su mes”e paschixèdda – “Pensaus ca sa difesa de unus cantu de diritus umanus elementaris e ca s’arrespetu de sa Costitutzioni no si podit sacrificai asuba de s’altari de sa ‘seguresa’ [...]. Seus in veci cunbintus ca tocat a torrai a portai a su centru su dibbàtidu po sa territorialidadi de sa pena e fai di modu chi dógnia presoneri possat scontai su dépidu suu su prus possíbbili acanta de sa família sua”. Cun custus fueddus si concluit sa nota “a proposito di 41 bis e territorialità della pena” fatta connosci in is diris passadas de su Círculu Cento passi de su Prc de Nùgoro. In su mes”e fiàrgiu de su 2010 su Consillu comunali de Nùgoro, gratzias a s’odg presentau de su consilleri de su Prc Antonio Pirisi, iat aprovau un’odg chi pedit s’apricu de su princípiu de sa territorialidadi de sa pena. Su círculu Cento passi no cundivit in veci “s’aprovazioni de s’odg po sa custódia de is presoneris in su presoni de Badu’e Carros in regimi de castiamentu ispeciali in basi a is art. 41 bis”. Sighi a ligi ‘Presonis. Cento passi Prc Nùgoro “Aplicai sa territorialidadi de sa pensa. S’artículu 41 bis est una trummentu”’

Sport: sa Ford Focus de Addus e Silecchia bincit su primu “Ronde Rally Ogliastra”

(IlMinuto) – Casteddu, 6 de su mes”e paschixèdda – Funt Claudio Addis e Alessandro Silecchia, ainnantis a Marco Depau, is bincidoris de su “Ronde Rally Ogliastra”. Sa primu editzioni de sa gara, acabbada ariseru a merì, esti stetia atrativa e prena de ispantus. Sa ford Focus de Silecchia e Addis at difatis bintu a sa Peugeot 208 de Depau e Donati, dominadoris de is primu duas provas ispecialis. Terzu postu po su campioni de su rallismu sardu Maurizio Diomedi. S’abbogau at guidau cun sa grinta e s’atentzioni de sèmpiri, ma po mori de problemas mecànicus no at possiu portai prus in artu sa classífica  de sa Skoda Wrc sua. Sighi a ligi ‘Sport: sa Ford Focus de Addus e Silecchia bincit su primu “Ronde Rally Ogliastra”’

Presonis: Annino Mele, 27 annus de presoni senz”e connosci oi s’”acontéssia giudiziaria sua”. Sa dinúntzia de “Socialismo diritti riforme”

(IlMinuto) – Casteddu, 6 de su mes”e paschixèdda – ” A Annino Mele no scéti benit negada de dex’annus sa possibbilidadi de atobiai a s’antziana mamma, ma no arrennescit oi nemmancua  connosci a cali puntu est s’acontéssia giudiziaria sua”. Ddu dencunciat cun d’una nota Maria Grazia Caligaris, presidenti de s’Assótziu Socialismo Diritti e Riforme. Sa rapresentanti socialista fait connosci ita ddoi est scritu in d’una lítera-dinúntzia mandada de su presoneri de Mamujada a Sdr. Mele, cundennau a s’ergàstulu, e presoneri de su 1987 e chi  oi est inserrau in su presoni de Fossombrone. Sa dimanda de connosci cun precisioni a ita puntu est s’acontéssia sua, mandada a su Magistrau de Guardiania de Ancona in su mes”e làmpadas, no at tentu ancora arrespusta. Sighi a ligi ‘Presonis: Annino Mele, 27 annus de presoni senz”e connosci oi s’”acontéssia giudiziaria sua”. Sa dinúntzia de “Socialismo diritti riforme”’

“Non bruciamoci il futuro”: in Macumère 1200 firmas contra a s’incinixadori de Tossilo

tossilo(IlMinuto) – Casteddu, 6 de su mes”e paschixèdda – “Yes to reciclying. No to incineration”. Funt custus is fueddus chi ant permitiu a su Cumitau “Non bruciamoci il futuro” de arregolli giai 1200 firmas contra a s’incinixadori in Tossilo. Is ambientalistas de Macumère proponint unu sceberu ecologicu a s’incinixadori e a su muntonàrgiu. “Sa proposta nostra po fai unu Centru de riciclu integrali in Tossilo in sostitutzioni a incinixamentu – si ligit in d’una nota – previdit chi su Centru possat tratai su 100 po centu de totus is arrefudus de su territoriu nostru arribbendi aici a sa serradura bera de su ciclu de is arrefudus e a su cumprimentu de risorsas economicas chi no funt de pagu contu”. Sighi a ligi ‘“Non bruciamoci il futuro”: in Macumère 1200 firmas contra a s’incinixadori de Tossilo’