> 2010 mes’e paschixèdda 08 | ilMinuto

Archíviu de sa diri 8/12/2010

Processu a is tres pastoris Mps: cras sit in a fac”e su Tribbunali de Casteddu

pastori mps(IlMinuto) – Casteddu, 8 de su mes”e paschixèdda – No si truncat sa cadena de solidariedadi ingíriu a is pastoris sardus. Cras – po su processu a is tres allevadoris de Mps arrestaus su 19 de su mes”e ledàminis a pustis de is càrrigas de sa Politzia in bia Roma – s’at a tenniunu sit in de solidariedadi a fac”e su Tribbunali de Casteddu, in pratza Repubblica. Sa manifestada – segundu cantu si ligit in sa pàgini Facebook gestia de Mps – at a cumetzai a is 9.00 e at a sighiri fintzas a is 12.00. Sighi a ligi ‘Processu a is tres pastoris Mps: cras sit in a fac”e su Tribbunali de Casteddu’

Is traballantis Geas bullant a s’acórdiu Trenitalia-Medigas-Coop serbítzius. “Bolleus is stipendius chi si depint” Ferruvias a sa paràlisi

(IlMinuto) – Casteddu, 8 de su mes”e paschixèdda – Sighit sa batalla de is 114 traballadoris Geas chi allichidiànt is trenus. Batalla fatta custa, po otèniri su pagamentu de is stipendius arretraus e sa salvaguàrdia de totus is postus de traballu. Ariseru a merì is traballantis ant nau no a s’acórdiu tra Trenitalia, Medigas e Coop Serbítzius (aziendhas chi ant a depi remplasai a sa Geas). S’acórdiu previdit de pigai a totus is traballadoris, ma Trenitalia s’arrefudat de pagai is stipendius de su mes”e austu, de su mes”e cabudanni, de su mes”e ledàminis e de su mes”e totussantus: una cunditzioni de foras de conca po is traballadoris e po is sindacaus. Sighi a ligi ‘Is traballantis Geas bullant a s’acórdiu Trenitalia-Medigas-Coop serbítzius. “Bolleus is stipendius chi si depint” Ferruvias a sa paràlisi’

Aciocu tra is capus mannus de Irs. Esecutivu a Sale: “No eus a permiti chi si ndi liit sa democratzia”

scontro dirigenza(IlMinuto) – Casteddu, 8 de su mes”e paschixèdda – Est sèmpiri prus arta sa tensioni tra s’Esecutivu natzionali de Irs e su presindenti Gavino Sale. Cun d’una nota de imprenta firmada de Gianmaria Bellu, Pasquale Cadau, Sebastian Madau, Salvatore Acampora, Gabriele Littera, Juanneddu Serra, Salvatore Carvone e Omas Onnis, s’Esecutivu “pigat atu de sa convocatzioni de un’assembrea istraordinària firmada de su presidenti Gavino Sale e mandada scéti a doxi sócius chi de fatu ndi liat sa soverania de is ativistas”. Sighi a ligi ‘Aciocu tra is capus mannus de Irs. Esecutivu a Sale: “No eus a permiti chi si ndi liit sa democratzia”’

“Imprendidoris de is domus funt cortegiendi a Tuvixeddu”. Stochino e Tibosini (Prc) narant no a sa rotatoria in Santu Tènneru

tuvixeddu(IlMinuto) – Casteddu, 8 de su mes”e paschixèdda – “Cussa rotatoria no si depit fai”. Is consilleris de sa “Federazione della Sinistra” in sa circoscritzioni casteddaia de Santu Tènneru, Laura Stochino e Gianpaolo Tibosini, narant no a su fàbbricu tra s’arburada Santu Tènneru e s’arburada Trieste. Sa “Federazione della Sinistra” – si legit in d’una nota fatta connosci de su dirigenti Prc Laura Stochino – “Afirmat sa batalla chi funt portendi ainnantis is citadinus de cuarteri e pensat chi custus traballus siant scéti su primu passu po donai vida a unu progetu prus mannu chi bit comenti protagonista su tretu archeológicu de Tuvixeddu. Po cust’arrexoni giai de is primus de su mesi eus presentau un’interrogatzioni a s’assessori Onorato e eus promòviu s’atóbiu de s’assessori cun su cumitau de cuarteri”. Sighi a ligi ‘“Imprendidoris de is domus funt cortegiendi a Tuvixeddu”. Stochino e Tibosini (Prc) narant no a sa rotatoria in Santu Tènneru’

Concertus: sàbudu in su Riverrun de Casteddu sa ghitarra clàssica de Cristiano Porqueddu

riverrun(IlMinuto) – Casteddu, 8 de su mes”e paschixèdda – Apuntamentu de no pèrdiri po is amantis de sa ghitarra. Sàbudu chi benit, a is 18.30 in sa sedi de su teatru Riverrun in bia Giardini in Casteddu, s’at a tenni su concertu de ghitarra clàssica de Cristiano Porqueddu, tra is prus ativus e importantis sonadoris de s’iscena internatzionali. S’artista, chi bivit e chi fait su maistu in Nùgoro, aundi tenit sa càtreda de ghitarra in s’Iscola Cívica de Música est puru diretori artísticu de s’Agustin Barrios International Guitar Competition, agiudat meda a su ghitarreri cumponidori Angelo Gilardino. Sighi a ligi ‘Concertus: sàbudu in su Riverrun de Casteddu sa ghitarra clàssica de Cristiano Porqueddu’