> 2010 mes’e paschixèdda 09 | ilMinuto

Archíviu de sa diri 9/12/2010

Sa lota de Mps atraversat su Tirrenu. Floris: “Forsis cida chi enit andaus in Roma”. Torrau a spostai su processu a is tres pastoris

movimento pastori sardi(IlMinuto) – Casteddu, 9 de su mes”e paschixèdda – Sa protesta de Mps no si frimmat. “A sa circa de interlocutoris prus atendibbìlis”, cida chi benit su movimentu guidau de Felice Floris at a atraversai su Tirrenu po portai sa batalla de is pastoris sardus “in continenti”. Ddd’at acrarau custu mangianu Felice Foris a fac”e su Tribbunali de Casteddu a pustis de un’àtera atrassadura de su processu a is tres allevadoris sardus arrestaus su merì de su 19 de su mes”e ledàminis po mori de is càrrigas de sa Politzia in bia Roma (custu po sa notífica mancada de unu decretu de citazioni). S’atrassadura est po s’12 de su mes”e gennàrigiu de su 2011. In pratza Repubblica furiant pagu prus de 100 is “maglietas blu” arribbadas a donai sa solidariedadi insoru a is pastoris chi depint essi processaus. Sighi a ligi ‘Sa lota de Mps atraversat su Tirrenu. Floris: “Forsis cida chi enit andaus in Roma”. Torrau a spostai su processu a is tres pastoris’

(Italiano) Documento: “Lettera aperta ai politici sardi” di Salvatore Usala (4/12/2010)

Sighi a ligi ‘(Italiano) Documento: “Lettera aperta ai politici sardi” di Salvatore Usala (4/12/2010)’

“Bolleus impitai sa bicicreta in modu seguru”. Ciclistas in lutu a pustis de su sciaccu de Lamezia

(IlMinuto) – Casteddu, 9 de su mes”e paschixèdda – Bicicretas in lutu. Domínigu chi benit, a una cida de su sciaccu de Lamezia Terme, is Ciclistas po una mobilistadi sustenìbili s’ant a atobiai a 9.45 in pratza Repubblica, in Casteddu. De ingunis ant a partiri po unu giru, cun sa fàscia niedda in su bratzu, po torrai a pediri su diritu de impitai sa bicicreta in seguresa, dimandai sa tutela in is istradas de totus is personis débbilis (disvantagiaus, pipius, pedonis e cicristas) e otèniri una política chi favoressat is spostaduras cun is mezus púbblicus.

Precàrius Cesil e Csl: Regioni e Provìntzias chistionant de sa stabilizazioni

(IlMinuto) – Casteddu, 9 de su mes”e paschixèdda – Est forsis prus acanta sa stabilizazioni poi is precàrius de is serbítzius po su traballu de is Cesil e dei Csl. Su cunfrontu tra Regioni, su Consillu regionali, is Provìntzias, sa Cummissioni po su traballu e is sindacaus – obertu in Casteddu su 6 de su mes”e paschixèdda passau – at po immoi inditau comenti solutzioni possíbbili cussa de pigai a is precàrius in s’Agentzia regionali po su Traballu, ma abarrat sa chistioni de is risorsas. Sighi a ligi ‘Precàrius Cesil e Csl: Regioni e Provìntzias chistionant de sa stabilizazioni’

Usini afestat su piriciolu cun “Ajò a Ippuntare 2010″

usini(IlMinuto) – Casteddu, 9 de su mes”e paschixèdda – “Ajò a Ippuntare”: sàbudu 18 de su mes”e paschixèdda, de is 16.00 a is 22.00, is aziendhas mellus de Usini chi faint binu ant a oberri is ennas de is cantinas insoru a su púbblicu. In nòmini de su deus Bacco sa bidda at a afestai custu nètari miríficu cun atastus in dógnia tretu. Po totu su caminu at essi possíbbili tastai is cosas de su logu, chi ant a beni distribbuias a sa cunsigna de su ticket in is cuatru puntus de atastu signalaus in d’una mappa. Sighi a ligi ‘Usini afestat su piriciolu cun “Ajò a Ippuntare 2010″’